30 ಸಾವಿರ ಮೌಲ್ಯದ ಬೈಕ್ ಮಾಲೀಕನಿಗೆ 42,000 ರೂ. ದಂಡ!
ಬೆಂಗಳೂರು, ಅಕ್ಟೋಬರ್ 30 : ಬೆಂಗಳೂರು ಸಂಚಾರಿ ಪೊಲೀಸರು ಪದೇ ಪದೇ ನಿಯಮ ಉಲ್ಲಂಘನೆ ಮಾಡಿದ ಬೈಕ್ ಸವಾರನಿಗೆ 42,500 ರೂ. ದಂಡ ಹಾಕಿದ್ದಾರೆ. ವ್ಯಕ್ತಿಯ ಬೈಕ್ ಮೌಲ್ಯವೇ 28 ರಿಂದ 30 ಸಾವಿರ ರೂ.ಗಳು!
ಮಡಿವಾಳ ಸಂಚಾರಿ ಠಾಣೆ ಇನ್ಸ್ಪೆಕ್ಟರ್ ನವೀನ್ ಕುಮಾರ್ ಬೈಕ್ ಸವಾರ ಅರುಣ್ ಕುಮಾರ್ರನ್ನು ಹಿಡಿದಿದ್ದಾರೆ. ಸಂಚಾರಿ ನಿಯಮ ಉಲ್ಲಂಘನೆ ಬಗ್ಗೆ ಪರಿಶೀಲಿಸಿದಾಗ 77 ಬಾರಿ ನಿಯಮ ಉಲ್ಲಂಘನೆ ಮಾಡಿರುವುದು ಪತ್ತೆಯಾಗಿದೆ.
ಕರ್ನಾಟಕ ಪೊಲೀಸ್ ನೇಮಕಾತಿ; ನ.25ರ ತನಕ ಅರ್ಜಿ ಹಾಕಿ
ಎಲ್ಲಾ ಪ್ರಕರಣಗಳ ದಂಡ ಮೊತ್ತ ಸೇರಿ 42,500 ರೂ. ಆಗಿದೆ. ದಂಡದ ರಶೀದಿಯನ್ನು ಬೈಕ್ ಸವಾರ ಅರುಣ್ ಕುಮರ್ಗೆ ನೀಡಿದ ಬೈಕ್ ಅನ್ನು ವಶಕ್ಕೆ ಪಡೆಯಲಾಗಿದೆ. ನ್ಯಾಯಾಲಯದಲ್ಲಿ ದಂಡ ಕಟ್ಟಿ ಬೈಕ್ ವಾಪಸ್ ಪಡೆಯಬಹುದು.
ಬೆಂಗಳೂರು; ದಂಡ ಸಂಗ್ರಹಕ್ಕೆ ಮನೆಗೆ ಬರ್ತಾರೆ ಸಂಚಾರಿ ಪೊಲೀಸ್
ಬೈಕ್ ಮಾಲೀಕ ಅರುಣ್ ಕುಮಾರ್ ಸೆಕೆಂಡ್ ಹ್ಯಾಂಡ್ ಬೈಕ್ ಖರೀದಿ ಮಾಡಿದ್ದಾರೆ. ಅದರ ಮೌಲ್ಯ ಸುಮಾರು 28 ರಿಂದ 30 ಸಾವಿರ ರೂ.ಗಳು. ಆದರೆ, ಈಗ ಬೈಕ್ ಬಿಡಿಸಿಕೊಳ್ಳಲು 42,500 ರೂ. ದಂಡವನ್ನು ಪಾವತಿ ಮಾಡಬೇಕಿದೆ.
ಕೊವಿಡ್ ನಿಯಮ ಪಾಲನೆ: ಬೆಂಗಳೂರಲ್ಲಿ ಮಾರ್ಷಲ್ಗಳಿಗೆ ಪೊಲೀಸ್ ಅಧಿಕಾರ
ಕೆಲವು ದಿನಗಳ ಹಿಂದೆ ಪೂರ್ವ ವಿಭಾಗದ ಸಂಚಾರಿ ಪೊಲೀಸರು 33 ಬಾರಿ ಸಂಚಾರಿ ನಿಯಮ ಉಲ್ಲಂಘನೆ ಮಾಡಿದ ಬೈಕ್ ಸವಾರನಿಗೆ 12,500 ರೂ. ದಂಡ ಹಾಕಿದ್ದರು. ಅಕ್ಟೋಬರ್ ತಿಂಗಳಿನಲ್ಲಿ ಸಂಚಾರಿ ಪೊಲೀಸರು ವಾಹನ ಸವಾರರ ಮೇಲೆ ದಂಡ ಪ್ರಯೋಗ ಹೆಚ್ಚಿಸಿದ್ದಾರೆ.
5ಕ್ಕಿಂತ ಹೆಚ್ಚು ಬಾರಿ ಸಂಚಾರಿ ನಿಯಮ ಉಲ್ಲಂಘನೆ ಮಾಡಿದ ವಾಹನ ಸವಾರರು ದಂಡ ಮೊತ್ತವನ್ನು ಪಾವತಿ ಮಾಡಿಲ್ಲದಿದ್ದರೆ ಸಂಚಾರಿ ಪೊಲೀಸರು ಮನೆಗೆ ಬಂದು ದಂಡ ಸಂಗ್ರಹ ಮಾಡುತ್ತಿದ್ದಾರೆ.
Recommended Video
ಕೋವಿಡ್ ಪರಿಸ್ಥಿತಿಯಲ್ಲಿ ನಗರದಲ್ಲಿ ಸಂಚಾರಿ ನಿಯಮ ಉಲ್ಲಂಘನೆ ಮಾಡಿದ ಸವಾರರನ್ನು ಹಿಡಿಯುತ್ತಿರಲಿಲ್ಲ. ಈಗ ಪೊಲೀಸರು ಪುನಃ ಕಾರ್ಯಾಚರಣೆ ಆರಂಭಿಸಿದ್ದಾರೆ.