ಬೆಂಗಳೂರು ನಗರದಲ್ಲಿ ಈ ವರೆಗೆ ಅತಿ ಕಡಿಮೆ ಮತದಾನ
ಬೆಂಗಳೂರು, ಏಪ್ರಿಲ್ 18: ಮಾಮೂಲಿನಂತೆ ಈ ಚುನಾವಣೆಯಲ್ಲಿಯೂ ಸಹ ಬೆಂಗಳೂರು ಮತದಾರರು ತಮ್ಮ ಸೋಮಾರಿತನ, ಬೇಜವಾಬ್ದಾರಿತನ ಮುಂದುವರೆಸಿರುವಂತೆ ಕಾಣುತ್ತಿದೆ.
ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ
ಸಂಜೆ ನಾಲ್ಕು ಗಂಟೆ ವೇಳೆಗೆ ಬೆಂಗಳೂರು ನಗರದಲ್ಲಿ ನಡೆದಿರುವ ಮತದಾನ ಪ್ರಮಾಣ ಕೇವಲ 38.72% ಮಾತ್ರ. ಮತದಾನ ಸಮಯ ಮುಕ್ತಾಯವಾಗಲು ಇನ್ನು ಕೇವಲ ಎರಡು ಗಂಟೆ ಬಾಕಿ ಇದ್ದು ಮತದಾನ ಪ್ರಮಾಣ 50% ಆದರೂ ದಾಟುವುದು ಅನುಮಾನವೇ ಆಗಿದೆ.
ವೋಟ್ ಮಾಡಲು ಅವಕಾಶ ಕೊಡದ ಅಧಿಕಾರಿಗಳಿಗೆ ಧಿಕ್ಕಾರ
ಬೆಂಗಳೂರು ನಗರ ವ್ಯಾಪ್ತಿಯಲ್ಲಿ ಬರುವ ಬೆಂಗಳೂರು ದಕ್ಷಿಣದಲ್ಲಿ ಹೆಚ್ಚು ಅಂದರೆ 40.58% ಮತವು ಸಂಜೆ 4 ಗಂಟೆ ವೇಳೆಗೆ ಚಲಾವಣೆ ಆಗಿದೆ. ಬೆಂಗಳೂರು ಉತ್ತರದಲ್ಲಿ 39.07% ಮತ ಚಲಾವಣೆ ಆಗಿದೆ. ಬೆಂಗಳೂರು ಕೇಂದ್ರದಲ್ಲಿ ಕೇವಲ 36.51% ಮತ ಚಲಾವಣೆ ಆಗಿದೆ.
ಬೆಂಗಳೂರು ನಗರ ಪ್ರದೇಶದ ಕೆಲವು ಭಾಗದ ಮತದಾರರು, ಬೆಂಗಳೂರು ಗ್ರಾಮಾಂತರ ಲೋಕಸಭೆ ಕ್ಷೇತ್ರಕ್ಕೆ ಮತಚಲಾವಣೆ ಮಾಡುತ್ತಾರೆ. ಆದರೆ ಬೆಂಗಳೂರು ಗ್ರಾಮಾಂತರ ಭಾಗದಲ್ಲಿಯೂ ಸಹ ಅಷ್ಟೇನು ಉತ್ತಮವಾಗಿ ಮತದಾನವಾಗಿಲ್ಲ. ಬೆಂಗಳೂರು ಗ್ರಾಮಾಂತರದಲ್ಲಿ 48.39% ಮತದಾನವಾಗಿದೆ.
3 ಗಂಟೆ ವೇಳೆಗೆ ಯಾವ ಕ್ಷೇತ್ರದಲ್ಲಿ ಎಷ್ಟು ಮತದಾನವಾಗಿದೆ?
ವಿಶೇಷವೆಂದರೆ ಬೆಂಗಳೂರು ಗ್ರಾಮಾಂತರ ಕ್ಷೇತ್ರದ ಗ್ರಾಮಾಂತರ ಭಾಗಗಳಾದ ಮಾಗಡಿ, ಕನಕಪುರ, ಚೆನ್ನಪಟ್ಟಣ, ಮಾಗಡಿ, ರಾಮನಗರ, ಅನೆಕಲ್ಗಳಲ್ಲಿ ಶೇ 50ಕ್ಕೂ ಮತದಾನ ಈಗಾಗಲೇ ಆಗಿದೆ. ಇನ್ನುಳಿದ ಸಮಯದಲ್ಲಿ ಇನ್ನಷ್ಟು ಮತದಾನ ಅಲ್ಲಿ ಆಗಲಿದೆ. ಆದರೆ ಈ ಕ್ಷೇತ್ರದ ನಗರ ಭಾಗಗಳಾದ ರಾಜರಾಜೇಶ್ವರಿ ನಗರ ಮತ್ತು ಬೆಂಗಳೂರು ದಕ್ಷಿಣದಲ್ಲಿ ಸರಿಯಾಗಿ ಮತಚಲಾವಣೆ ಆಗಿಲ್ಲ. ಇದೇ ತೋರಿಸುತ್ತದೆ ಬೆಂಗಳೂರು ನಗರ ಮತದಾರರು ಎಷ್ಟು ಆಲಸಿಗಳು ಮತ್ತು ಜವಾಬ್ದಾರಿ ಹೀನರೆಂದು.