ಬೆಂಗಳೂರು-ಮೈಸೂರು ಮೆಮು ರೈಲು ವೇಳಾಪಟ್ಟಿ, ನಿಲ್ದಾಣಗಳು

ಬೆಂಗಳೂರು, ಡಿಸೆಂಬರ್ 23 : ಬೆಂಗಳೂರು-ರಾಮನಗರ-ಮೈಸೂರು ನಡುವಿನ ಮೆಮು ರೈಲು ಸಂಚಾರಕ್ಕೆ ಒಪ್ಪಿಗೆ ಸಿಕ್ಕಿದೆ. ಡಿಸೆಂಬರ್ 26ರಿಂದ ಈ ರೈಲು ವಾರದ ಎಲ್ಲಾ ದಿನಗಳ ಕಾಲ ಉಭಯ ನಗರಗಳ ನಡುವೆ ಸಂಚಾರ ನಡೆಸಲಿದೆ.

ವಿಶೇಷ ವಿದ್ಯುತ್ ರೈಲು (ಮೆಮು) ಸಂಚಾರಕ್ಕೆ ಭಾನುವಾರ ಚಾಲನೆ ನೀಡಲಾಗುತ್ತದೆ. ಡಿಸೆಂಬರ್ 26ರಿಂದ ಬೆಂಗಳೂರು, ಡಿಸೆಂಬರ್ 27ರಿಂದ ಮೈಸೂರಿನಿಂದ ಹೊಸ ರೈಲು ಸಂಚಾರ ನಡೆಸಲಿದೆ.

ಬೆಂಗಳೂರು-ಮೈಸೂರು ನಡುವೆ ಬುಧವಾರ, ಗುರುವಾರ, ಶುಕ್ರವಾರ ಹಾಗೂ ಶನಿವಾರ ರೈಲು ಸಂಚಾರ ನಡೆಸಲಿದೆ. ಮೈಸೂರು-ಬೆಂಗಳೂರು ನಡುವೆ ಗುರುವಾರ, ಶುಕ್ರವಾರ, ಶನಿವಾರ ಹಾಗೂ ಭಾನುವಾರ ಮೆಮು ರೈಲು ಸಂಚರಿಸಲಿದೆ.

ಭಾನುವಾರ, ಸೋಮವಾರ ಮತ್ತು ಮಂಗಳವಾರ ರಾತ್ರಿ 8.30ಕ್ಕೆ ಬೆಂಗಳೂರು-ಮಂಗಳೂರು ನಡುವೆ ಸಂಚರಿಸುವ ಬೆಂಗಳೂರು-ಕಾರವಾರ ರೈಲು ಮೈಸೂರಿಗೆ ಸಂಪರ್ಕ ಕಲ್ಪಿಸಲಿದೆ.

ಬೆಂಗಳೂರಿನಿಂದ ರಾತ್ರಿ 7.55 ಮೆಮು ರೈಲು ಹೊರಡಲಿದ್ದು, ರಾತ್ರಿ 10.50ಕ್ಕೆ ತಲುಪಲಿದೆ. ಬೆಳಗ್ಗೆ 4.45ಕ್ಕೆ ಮೈಸೂರಿನಿಂದ ಹೊರಡುವ ರೈಲು 8.30ಕ್ಕೆ ಬೆಂಗಳೂರನ್ನು ತಲುಪಲಿದೆ. 110 ಕಿ.ಮೀ.ರೈಲಿನ ಪ್ರಯಾಣದ ಅವಧಿ 2.55 ಗಂಟೆ.

ರೈಲಿನ ವೇಳಾಪಟ್ಟಿ

ಬೆಂಗಳೂರಿನಿಂದ ರಾತ್ರಿ 7.55 ಮೆಮು ರೈಲು ಹೊರಡಲಿದ್ದು, ರಾತ್ರಿ 10.50ಕ್ಕೆ ತಲುಪಲಿದೆ. ಬೆಳಗ್ಗೆ 4.45ಕ್ಕೆ ಮೈಸೂರಿನಿಂದ ಹೊರಡುವ ರೈಲು 8.30ಕ್ಕೆ ಬೆಂಗಳೂರನ್ನು ತಲುಪಲಿದೆ. 110 ಕಿ.ಮೀ.ರೈಲಿನ ಪ್ರಯಾಣದ ಅವಧಿ 2.55 ಗಂಟೆ.

ಎಲ್ಲಿ, ಎಲ್ಲಿ ನಿಲ್ಲಿಸಲಿದೆ?

ಬೆಂಗಳೂರು ಸಂಗೊಳ್ಳಿ ರಾಯಣ್ಣ ನಿಲ್ದಾಣದಿಂದ ಹೊರಡುವ ರೈಲು. ಕೃಷ್ಣದೇವರಾಯ ಹಾಲ್ಟ್, ನಾಯಂಡಹಳ್ಳಿ, ಜ್ಞಾನ ಭಾರತಿ ಹಾಲ್ಟ್‌, ಕೆಂಗೇರಿ, ಹೆಜ್ಜಾಲ, ಬಿಡದಿ, ಕೇತೋಹಳ್ಳಿ ಹಾಲ್ಟ್, ರಾಮಮನಗರ, ಚನ್ನಪಟ್ಟಣ, ಮಂಡ್ಯ, ಪಾಂಡವಪುರ, ಶ್ರೀರಂಗಪಟ್ಟಣ, ಮೈಸೂರು ಸೇರಲಿದೆ. ಮೈಸೂರಿನಿಂದ ಹೊರಡುವ ರೈಲು ಸಹ ಈ ಎಲ್ಲಾ ನಿಲ್ದಾಣಗಳಲ್ಲಿ ನಿಲುಗಡೆಗೊಳ್ಳಲಿದೆ.

ಏನಿದು ಮೆಮು ರೈಲು?

ಮೆಮು ಎಂದರೆ ಮೇನ್‌ಲೈನ್ ಎಲೆಕ್ಟ್ರಿಕ್ ಮಲ್ಟಿಪಲ್ ಯೂನಿಟ್ ಸಂಕ್ಷಿಪ್ತ ರೂಪ. ಗ್ರಾಮಾತರ ಮತ್ತು 2ನೇ ಹಂತದ ನಗರಗಳಿಗೆ ಸಂಪರ್ಕ ಕಲ್ಪಿಸಲು ಈ ರೈಲನ್ನು ಬಳಸಲಾಗುತ್ತದೆ. ಈ ರೈಲುಗಳಲ್ಲಿ ಬೋಗಿಗಳನ್ನು ಎಳೆಯಲು ಪ್ರತ್ಯೇಕ ಎಂಜಿನ್ ಇರುವುದಿಲ್ಲ. ವಿದ್ಯುತ್ ಮೋಟಾರ್ ಬೋಗಿಗಳಲ್ಲೇ ಇರುತ್ತದೆ. 'ಮೆಮು' ರೈಲುಗಳು ಸಾಂಪ್ರದಾಯಿಕ ರೈಲುಗಳಿಂದ ವೇಗವಾಗಿ ಸಂಚರಿಸುತ್ತದೆ.

ರಾಮನಗರ ತನಕ ಸಂಚಾರ

ಮೆಮು ರೈಲು ಈಗಾಗಲೇ ಬೆಂಗಳೂರಿನಿಂದ ರಾಮನಗರದ ತನಕ ಸಂಚಾರ ನಡೆಸುತ್ತಿತ್ತು. ಈಗ ಅದನ್ನು ಮೈಸೂರಿನ ತನಕ ವಿಸ್ತರಣೆ ಮಾಡಲಾಗಿದೆ. ಬೆಂಗಳೂರಿನಿಂದ 8 ಗಂಟೆಗೆ ಹೊರಟು ರೈಲು ರಾಮನಗರ ತಲುಪುತ್ತಿತ್ತು. ಮೈಸೂರಿನ ತನಕ ವಿಸ್ತರಣೆ ಆದ ರೈಲಿನಲ್ಲಿ 12 ಬೋಗಿಗಳಿವೆ. 3,500 ಪ್ರಯಾಣಿಕರು ಪ್ರಯಾಣಿಸಬಹುದು.

English summary

All set for Mainline Electric Multiple Unit (MEMU) train service between Bengaluru-Ramanagara-Mysuru. Train will run from December 26, 2018. Here is a schedule.