ಬೆಂಗಳೂರು : ಸಂಜೆ 7.30ಕ್ಕೆ ಕಬ್ಬನ್ ಪಾರ್ಕ್ ಬಂದ್?
ಬೆಂಗಳೂರು, ಡಿಸೆಂಬರ್ 17 : ಬೆಂಗಳೂರಿನ ಕಬ್ಬನ್ ಪಾರ್ಕ್ ಇನ್ನು ಮುಂದೆ ಸಂಜೆ 7.30ರ ನಂತರ ಬಂದ್ ಆಗುವ ಸಾಧ್ಯತೆ ಇದೆ. ಕಬ್ಬನ್ ಪಾರ್ಕ್ನ ಆಡಳಿತ ಮಂಡಳಿ ಈ ಕುರಿತ ಪ್ರಸ್ತಾವನೆಯನ್ನು ಕರ್ನಾಟಕ ಸರ್ಕಾರಕ್ಕೆ ಸಲ್ಲಿಸಿದ್ದು, ಒಪ್ಪಿಗೆಗಾಗಿ ಕಾಯುತ್ತಿದೆ.
ಕಬ್ಬನ್
ಪಾರ್ಕ್ನಲ್ಲಿ
ಅನೈತಿಕ
ಚುಟುವಟಿಕೆಗಳು
ಹೆಚ್ಚುತ್ತಿವೆ.
ಕೆಲವು
ದಿನಗಳ
ಹಿಂದೆ
ತೋಟಾಗಾರಿಕೆ
ಇಲಾಖೆಯ
ಭದ್ರತಾ
ಸಿಬ್ಬಂದಿಗಳು
ಪಾರ್ಕ್ನಲ್ಲಿ
ಮಹಿಳೆ
ಮೇಲೆ
ಅತ್ಯಾಚಾರ
ನಡೆಸಿದ್ದರು.
ಆದ್ದರಿಂದ,
ಸಂಜೆ
7.30ಕ್ಕೆ
ಪಾರ್ಕ್
ಬಂದ್
ಮಾಡಲು
ಆಡಳಿತ
ಮಂಡಳಿ
ನಿರ್ಧರಿಸಿದೆ.
[ಕಬ್ಬನ್
ಪಾರ್ಕ್
website]
'ಸದ್ಯ, ರಾತ್ರಿ 10.30ರ ತನಕ ಕಬ್ಬನ್ ಪಾರ್ಕ್ನಲ್ಲಿ ವಾಹನ ಸಂಚಾರ ಮತ್ತು ಜನರ ಓಡಾಟಕ್ಕೆ ವ್ಯವಸ್ಥೆ ಕಲ್ಪಿಸಲಾಗಿದೆ. ಅನೈತಿಕ ಚಟುವಟಿಕೆ ಹಾಗೂ ಅಹಿತಕರ ಘಟನೆಗಳು ಹೆಚ್ಚುತ್ತಿರುವುದರಿಂದ ಬೇಗ ಬಂದ್ ಮಾಡುವ ನಿರ್ಧಾರ ಕೈಗೊಳ್ಳಲಾಗಿದೆ' ಎಂದು ಕಬ್ಬನ್ಪಾರ್ಕ್ ಉಪ ನಿರ್ದೇಶಕ ಮಹಾಂತೇಶ್ ಮುರಗೋಡ್ ಹೇಳಿದ್ದಾರೆ. [ಕಬ್ಬನ್ ಪಾರ್ಕ್ ನಲ್ಲಿ ಗ್ಯಾಂಗ್ ರೇಪ್]
ಸಂಜೆ 7.30ಕ್ಕೆ ಪಾರ್ಕ್ ಬಂದ್ ಮಾಡುವ ಬಗ್ಗೆ ರಾಜ್ಯ ಸರ್ಕಾರಕ್ಕೆ ಈಗಾಗಲೇ ಪ್ರಸ್ತಾವನೆ ಸಲ್ಲಿಸಲಾಗಿದೆ. ಬೆಳಗ್ಗೆ 8 ರಿಂದ ಸಂಜೆ 7.30ರವರೆಗೆ ಮಾತ್ರ ವಾಹನ ಸಂಚಾರಕ್ಕೆ ಅವಕಾಶ ಕಲ್ಪಿಸಬೇಕು ಎಂದು ಪ್ರಸ್ತಾವನೆಯಲ್ಲಿ ಮನವಿ ಮಾಡಲಾಗಿದೆ. ಸಂಜೆ 7.30 ರ ನಂತರ ವಾಕಿಂಗ್ಗೂ ಅವಕಾಶ ನೀಡಬಾರದು ಎಂದು ಮನವಿ ಸಲ್ಲಿಸಲಾಗಿದ್ದು, ಸರ್ಕಾರ ಇದಕ್ಕೆ ಇನ್ನೂ ಒಪ್ಪಿಗೆ ನೀಡಿಲ್ಲ. [ಕಬ್ಬನ್ ಪಾರ್ಕ್ ಅಭಿವೃದ್ಧಿಗಾಗಿ ಪ್ರತ್ಯೇಕ ಪ್ರಾಧಿಕಾರ ರಚನೆ]
ಅಂದಹಾಗೆ ಕಬ್ಬನ್ ಪಾರ್ಕ್ನಲ್ಲಿ ಭಾನುವಾರ ವಾಹನ ಸಂಚಾರವನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ. ತೋಟಗಾರಿಕಾ ಇಲಾಖೆ ಮೊದಲು ಪ್ರಾಯೋಗಿಕವಾಗಿ ಜಾರಿಗೆ ತಂದ ಈ ಕ್ರಮವನ್ನು ಈಗ ಪ್ರತಿವಾರಕ್ಕೆ ವಿಸ್ತರಣೆ ಮಾಡಲಾಗಿದ್ದು, ಭಾನುವಾರ ಪಾರ್ಕ್ ವಾಹನ ಸಂಚಾರದಿಂದ ಮುಕ್ತವಾಗಿರುತ್ತದೆ.