ಮಾರ್ಚ್ ಅಂತ್ಯದೊಳಗೆ ಬೆಂಗಳೂರಿನ 200 ಕಡೆಗಳಲ್ಲಿ ಉಚಿತ ವೈ-ಫೈ ಸೌಲಭ್ಯ
ಬೆಂಗಳೂರು, ಫೆಬ್ರವರಿ 14: ಮಾರ್ಚ್ ಅಂತ್ಯದೊಳಗೆ ಬೆಂಗಳೂರಲ್ಲಿ 200 ಕಡೆಗಳಲ್ಲಿ ಉಚಿತ ವೈ-ಫೈ ಸೌಲಭ್ಯ ದೊರೆಯಲಿದೆ.
110 ಪ್ರದೇಶಗಳಲ್ಲಿ ಈಗಾಗಲೇ ಹಾಟ್ಸ್ಪಾಟ್ಗಳನ್ನು ಅಳವಡಿಸಿದ್ದು, ಮಾರ್ಚ್ನಿಂದ ಉಚಿತ ವೈ-ಫೈ ಸೇವೆ ಲಭ್ಯವಾಗಲಿದೆ.
6 ತಿಂಗಳಿನಲ್ಲಿ ಬೆಂಗಳೂರು ತುಂಬಾ ಉಚಿತ ವೈ-ಫೈ
ರಾಜ್ಯ ಸರ್ಕಾರವು 5938 ಸ್ಥಳಗಳಲ್ಲಿ ಹಾಟ್ಸ್ಪಾಟ್ ಅಳವಡಿಸಿ ವೈ-ಫೈ ಸೌಲಭ್ಯ ಕಲ್ಪಿಸಲು ಅನುಮೋದನೆ ನೀಡಿತ್ತು. ಇದೀಗ ಸಧ್ಯಕ್ಕೆ 200 ಸ್ಥಳಗಳಲ್ಲಿ ಉಚಿತ ವೈ-ಫೈ ಸೌಲಭ್ಯ ಸಿಗಲಿದೆ.
ಟೆಲಿಕಾಂ ಕಂಪನಿಗಳ ಜೊತೆಗೆ ಚರ್ಚಿಸಿ, ಸ್ಮಾರ್ಟ್ ಪೋಲ್ಗಳನ್ನು ಹಾಕಲು ಅವಕಾಶ ಮಾಡಿಕೊಟ್ಟಿದೆ. ಇಂಡಸ್ ಟವರ್ಸ್ ಹನಿಕಾಂಬ್, ಡಿ-ವೋಯ್ಸ್ ಮತ್ತು ಎಸಿಟಿ ಟೆಲಿಕಾಂ ಕಂಪನಿಗಳು ವೈಫೈ ಸೌಲಭ್ಯ ಕಲ್ಪಿಸಲು ಭರದ ಸಿದ್ಧತೆ ನಡೆಸಿವೆ.
ದಕ್ಷಿಣ ಕನ್ನಡದ ಕೆಲವು ಗ್ರಾಮಗಳಲ್ಲಿ ಸಿಗಲಿದೆ ಉಚಿತ ವೈಫೈ ಸೇವೆ
ಇಂಡಸ್ ಟವರ್ಸ್ ಕಂಪನಿಯು ಬಿಬಿಎಂಪಿ ಕೇಂದ್ರ ಕಚೇರಿ , ರಾಜಭವನ, ಕಸ್ತೂರ ಬಾ ರಸ್ತೆ ಸೇರಿದಂತೆ 5 ಕಡೆ ಸ್ಮಾರ್ಟ್ ಪೋಲ್ಗಳನ್ನು ಹಾಕಿದೆ. ಹನಿಕಾಂಬ್ ಮತ್ತು ಡಿ-ವೋಡ್ಸ್ ಕಂಪನಿಗಳು ಚಿಕ್ಕಲಸಂದ್ರ, ಕೊತ್ತನೂರು ಮುಖ್ಯರಸ್ತೆ, ಅಗರ, ಎಚ್ಎಸ್ಆರ್ 1ನೇ ಸೆಕ್ಟರ್, ಜಯನಗರ ನಾಲ್ಕನೇ ಬ್ಲಾಕ್, ಜೆಪಿನಗರ, ಆರ್ಟಿ ನಗರ, ಇಂದಿರಾನಗರ ಡಿಫೆನ್ಸ್ ಕಾಲೊನಿ, ವಿವಿಪುರಂ, ಆರ್ಟಿನಗರ, ಆಂಜನೇಯ ದೇವಸ್ಥಾನ ಬೀದಿ ಗಳಲ್ಲಿ ಹಾಟ್ಸ್ಪಾಟ್ಗಳನ್ನು ಅಳವಡಿಸಿದೆ.