• search
  • Live TV
ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಸಕಾಲಕ್ಕೆ ವೇತನ ನೀಡುವಂತೆ ಆಶಾ ಕಾರ್ಯಕರ್ತೆಯರ ಪ್ರತಿಭಟನೆ

|
Google Oneindia Kannada News

ಬೆಂಗಳೂರು, ಡಿಸೆಂಬರ್ 1: ಸುಮಾರು 150ಕ್ಕೂ ಹೆಚ್ಚು ಆಶಾ ಕಾರ್ಯಕರ್ತೆಯರು ಬುಧವಾರ ಫ್ರೀಡಂ ಪಾರ್ಕ್‌ನಲ್ಲಿ ವಿಳಂಬವಾಗುತ್ತಿರುವ ವೇತನ ಹಾಗೂ ಪ್ರೋತ್ಸಾಹಧನಗಳನ್ನು ಬಿಡುಗಡೆ ಮಾಡಬೇಕು ಹಾಗೂ ಮಾಸಿಕ ಬಸ್ ಪಾಸ್‌ ನೀಡುವಂತೆ ಪ್ರತಿಭಟನೆ ನಡೆಸಿದರು.

ಬೆಂಗಳೂರು ನಗರ ವ್ಯಾಪ್ತಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಮಾನ್ಯತೆ ಪಡೆದ ಸಾಮಾಜಿಕ ಆರೋಗ್ಯ ಕಾರ್ಯಕರ್ತರು (ಆಶಾ) ಮೂರು ತಿಂಗಳಿನಿಂದ ಸಂಬಳ ನೀಡಿಲ್ಲ. ಅಲ್ಲದೆ ತಮ್ಮ ಪ್ರೋತ್ಸಾಹಧನವೂ ಕೂಡ ವಿಳಂಬವಾಗಿದೆ. ಈ ಸಮಸ್ಯೆಗಳು ಪದೇ ಪದೇ ಎದುರಾಗುತ್ತಿದ್ದು, ಪ್ರತಿಭಟನೆ ನಡೆಸಿದ ನಂತರವಷ್ಟೇ ವೇತನ ನೀಡಲಾಗುತ್ತಿದೆ ಎಂದರು.

ಕರ್ನಾಟಕ ಜೈಲಿನಲ್ಲಿರುವ ಅಪರಾಧಿಗಳ ವೇತನ ಹೆಚ್ಚಳಕರ್ನಾಟಕ ಜೈಲಿನಲ್ಲಿರುವ ಅಪರಾಧಿಗಳ ವೇತನ ಹೆಚ್ಚಳ

ಅಧಿಕಾರಿಗಳು ಪ್ರತಿ ತಿಂಗಳ ಐದನೇ ತಾರೀಖಿನಂದು ತಮ್ಮ ವೇತನವನ್ನು ಜಮಾ ಮಾಡಬೇಕು ಎಂದು ಅವರು ಒತ್ತಾಯಿಸಿದರು. ತಮ್ಮ ಕೆಲಸದ ದತ್ತಾಂಶವನ್ನು ನಮೂದಿಸುವ ಸಂತಾನೋತ್ಪತ್ತಿ ಮತ್ತು ಮಕ್ಕಳ ಆರೋಗ್ಯ (ಆರ್‌ಸಿಎಚ್‌) ಪೋರ್ಟಲ್‌ನಲ್ಲಿ ತಾಂತ್ರಿಕ ಸಮಸ್ಯೆಗಳಿವೆ. ಪೋರ್ಟಲ್‌ನ ಡೇಟಾದ ಆಧಾರದ ಮೇಲೆ ಕೇಂದ್ರ ಸರ್ಕಾರವು ಅವರಿಗೆ ಸಂಭಾವನೆ ನೀಡುವುದರಿಂದ ಇದು ಅವರ ವೇತನದ ಮೇಲೆ ಪರಿಣಾಮ ಬೀರುತ್ತದೆ ಎಂದು ಅವರು ಹೇಳಿದರು.

ಆಯುಷ್ಮಾನ್ ಭಾರತ್ ಆರೋಗ್ಯ ಖಾತೆ ಕಾರ್ಡ್‌ಗಳು, ಚುನಾವಣೆಗಳು, ಇ ಸಂಜೀವಿನಿ ಇತ್ಯಾದಿಗಳಿಗೆ ಸಂಬಂಧಿಸಿದಂತೆ ಹೆಚ್ಚುವರಿ ಕೆಲಸಗಳನ್ನು ಬಲವಂತಪಡಿಸಬಾರದು ಎಂದು ಅವರು ಹೇಳಿದರು. ಕರ್ನಾಟಕ ರಾಜ್ಯ ಸಂಯುಕ್ತ ಆಶಾ ಕಾರ್ಯಕರ್ತೆಯರ ಸಂಘದ ಮುಖ್ಯಸ್ಥೆ ರಮಾ ಟಿ ಸಿ ಮಾತನಾಡಿ, ಕಳೆದ ತಿಂಗಳು ಕಾರ್ಮಿಕರು ಆರೋಗ್ಯ ಆಯುಕ್ತರನ್ನು ಭೇಟಿಯಾದಾಗ ವೇತನದ ಭರವಸೆ ನೀಡಲಾಗಿತ್ತು. ಆದರೆ ನಾವು ನಮ್ಮ ವೇತನವನ್ನು ಇನ್ನೂ ಪಡೆದಿಲ್ಲ. ಆರ್‌ಸಿಎಚ್‌ ಸಮಸ್ಯೆಯು ಸಹ ಬಗೆಹರಿಯದೆ ಉಳಿದಿದೆ ಎಂದು ಅವರು ಆರೋಪಿಸಿದರು.

Asha workers protest to pay wages on time in

ಸಮಸ್ಯೆಗಳನ್ನು ಬಗೆಹರಿಸದಿದ್ದಲ್ಲಿ ಕಾರ್ಮಿಕರು ದೊಡ್ಡ ಪ್ರತಿಭಟನೆ ನಡೆಸಲಿದ್ದಾರೆ ಎಂದ ರಮಾ ಅವರು, ಆರೋಗ್ಯ ಸಚಿವರು ತಮ್ಮ ಸಮಸ್ಯೆಗಳನ್ನು ನಿರ್ಲಕ್ಷಿಸುತ್ತಿದ್ದಾರೆ. ತಾವು ಅವರನ್ನು ಭೇಟಿ ಮಾಡಲು ಅವಕಾಶ ನೀಡುತ್ತಿಲ್ಲ ಎಂದು ಆರೋಪಿಸಿದರು.

English summary
More than 150 Asha workers staged a protest at Freedom Park on Wednesday demanding the release of delayed salaries and allowances and monthly bus passes.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X