• search
  • Live TV
ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಉಸಿರುಗಟ್ಟಿಸುವ ವಾತಾವರಣದಲ್ಲಿ ಬೆಂಗಳೂರು ವಿಲವಿಲ

By Prasad
|

ಬೆಂಗಳೂರು, ಏ. 29 : ಒಂದಾನೊಂದು ಕಾಲದಲ್ಲಿ ದಟ್ಟವಾದ ಗಿಡಮರಗಳಿಂದಾಗಿ ಉದ್ಯಾನ ನಗರಿ ಎಂದು ಹೆಸರು ಪಡೆದಿದ್ದ ಬೆಂಗಳೂರು, ಇಂದು ದಟ್ಟವಾದ ವಾಯುಮಾಲಿನ್ಯದಿಂದಾಗಿ ಉಸಿರಾಡಲು ಪರದಾಡುತ್ತಿದೆ. ನಗರದ ಕೆಲ ಭಾಗಗಳ ವಾಯುಮಾಲಿನ್ಯ ರಾಷ್ಟ್ರೀಯ ಮಿತಿಯನ್ನು ಮೀರಿದೆ.

ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ಬಿಡುಗಡೆ ಮಾಡಿರುವ ಮಾಲಿನ್ಯದ ದತ್ತಾಂಶ ದಂಗುಬಡಿಸುವಂತಿದೆ. ತಮಗೆ ಅರಿವಿಲ್ಲದಂತೆಯೆ ಬೆಂಗಳೂರಿನ ಜನತೆ ಇದೇ ವಾಯುವನ್ನು ಸೇವಿಸಿ ಅನಾರೋಗ್ಯಕ್ಕೀಡಾಗುತ್ತಿದ್ದಾರೆ. ಇದೊಂದು ರೀತಿ ನಿಧಾನ ವಿಷಪ್ರಾಶನವಿದ್ದಂತೆ ಎಂದು ದಿ ನ್ಯೂಸ್ ಮಿನಿಟ್ ವರದಿ ಮಾಡಿದೆ.

ವರ್ತೂರಿನಲ್ಲಿ ವಿಷಾನಿಲದಿಂದ ಕೂಡಿರುವ ಚರಂಡಿ ನೀರು ಹೊರಹೊಮ್ಮಿಸುತ್ತಿರುವ ನೊರೆಯಿಂದಾಗಿ ಬೆಂಗಳೂರಿನ ವಿವಿಧ ಬಡಾವಣೆಗಳಲ್ಲಿ ವಾಹನದಟ್ಟಣೆಯಿಂದ ಹೆಚ್ಚುತ್ತಿರುವ ವಾಯುಮಾಲಿನ್ಯ ಮತ್ತು ಮಿತಿಮೀರಿರುವ ಅವುಗಳ ಪ್ರಮಾಣದ ಬಗ್ಗೆ ಮತ್ತೊಮ್ಮೆ ಚರ್ಚಿಸುವಂತಾಗಿದೆ.

ವೈಟ್ ಫೀಲ್ಡ್ ಮತ್ತು ಹೊಸೂರು ರಸ್ತೆಯ ಸಿಲ್ಕ್ ಬೋರ್ಡ್ ಜಂಕ್ಷನ್ ಅತಿಹೆಚ್ಚು ಮಾಲಿನ್ಯದಿಂದ ಕೂಡಿವೆ. ಹೆಚ್ಚುತ್ತಿರುವ ವಾಹನಗಳು, ವಿರಳವಾಗುತ್ತಿರುವ ಹಸಿರು, ನಿಯಂತ್ರಣ ಕಳೆದುಕೊಳ್ಳುತ್ತಿರುವ ಸಂಚಾರ ವ್ಯವಸ್ಥೆಗಳು ಬೆಂಗಳೂರಿಗೆ ಈ ದುರವಸ್ಥೆಯನ್ನು ತಂದೊಡ್ಡಿವೆ.

ವೈಟ್ ಫೀಲ್ಡ್‌ನ ಆರ್‌ಎಸ್‌ಪಿಎಂ (Respirable Suspended Particulate Matter) ಮಟ್ಟ ರಾಷ್ಟ್ರೀಯ ಮಟ್ಟಕ್ಕಿಂತ ಶೇ.155ರಷ್ಟು ಹೆಚ್ಚಿದ್ದರೆ, ಹೊಸೂರು ರಸ್ತೆಯ ವಾಯುಮಾಲಿನ್ಯದ ಮಟ್ಟ ಶೇ.202ರಷ್ಟು ಅಧಿಕವಾಗಿದೆ. ಪ್ರತಿವಾರ ವಾಯುಮಾಲಿನ್ಯದ ಮಟ್ಟವನ್ನು ಮಾಲಿನ್ಯ ನಿಯಂತ್ರಣ ಮಂಡಳಿ ಅಳೆಯುತ್ತಿರುತ್ತದೆ.

ಇವೆರಡು ಪ್ರದೇಶಗಳಲ್ಲದೆ ಯಶವಂತಪುರ, ಪೀಣ್ಯ ಔದ್ಯೋಗಿಕ ಪ್ರದೇಶ, ಮೈಸೂರು ರಸ್ತೆ, ವಿಕ್ಟೋರಿಯಾ ರಸ್ತೆ, ವಿಕ್ಟೋರಿಯಾ ಆಸ್ಪತ್ರೆ, ನಿಮ್ಹಾನ್ಸ್, ದೊಮ್ಮಲೂರು ಪ್ರದೇಶಗಳಲ್ಲಿನ ವಾಯುಮಾಲಿನ್ಯ ಆತಂಕಕಾರಿಯಾಗಿ ಬೆಳೆಯುತ್ತಿದೆ. ಮಾಲಿನ್ಯವನ್ನು ನಿಯಂತ್ರಣದಲ್ಲಿಡುವುದು ಹೇಗೆ? ಯಾರು?

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Alarming increase in air pollution level chokes Bengaluru. RSPM level is much much above national level in Whitefield and Hosur Road Silk Board junction. Karnataka State Pollution Control Board has released the RSPM levels in different areas where traffic is very high.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more