ಒಂದೇ ವಿಮಾನದಲ್ಲಿ ಹಾರಿರಿ ಬೆಂಗಳೂರಿನಿಂದ ಸ್ಯಾನ್ ಫ್ರಾನಿಸ್ಕೋಗೆ
ಬೆಂಗಳೂರು, ಸೆಪ್ಟೆಂಬರ್, 26: ಬೆಂಗಳೂರಿನಿಂದ ಅಮೆರಿಕಾದ ಸ್ಯಾನ್ ಫ್ರಾನ್ಸಿಸ್ಕೋಗೆ ಪ್ರಯಾಣ ಮಾಡುವ ಪ್ರಯಾಣಿಕರಿಗೆ ಸಿಹಿಸುದ್ದಿ. ನೀವು 17 ರಿಂದ 18 ಗಂಟೆಯೊಳಗೆ ಒಂದೇ ವಿಮಾನದಲ್ಲಿ ಅಮೆರಿಕಾದ ಸ್ಯಾನ್ ಫ್ರಾನ್ಸಿಸ್ಕೋ ತಲುಪಬಹುದು. ಈ ವ್ಯವಸ್ಥೆಯನ್ನು ಭಾರತೀಯ ವಿಮಾನಯಾನ ಸಂಸ್ಥೆ ಕಲ್ಪಿಸಿಕೊಡಲಿದ್ದು, ಈ ವಿಮಾನ 2016ರ ಫೆಬ್ರವರಿ ತಿಂಗಳಲ್ಲಿ ಪ್ರಯಾಣಕ್ಕೆ ಮುಕ್ತವಾಗಿ ಲಭಿಸಲಿದೆ.
ಬೆಂಗಳೂರಿನಿಂದ ಸ್ಯಾನ್ ಫ್ರಾನ್ಸಿಸ್ಕೋಗೆ ಕ್ರಮಿಸಲು ಅನುಕೂಲವಾಗಲೆಂದು 'ಮ್ಯಾರಥಾನ್' ಎಂಬ ಬಹಳ ಉದ್ದದ ಮತ್ತು ಅತಿವೇಗದ ವಿಮಾನ ತಯಾರಿಕೆಗೆ ಭಾರತೀಯ ವಿಮಾನಯಾನ ಸಂಸ್ಥೆಯು ಒಪ್ಪಿಗೆ ನೀಡಿದೆ. ಈ ವಿಮಾನವು ಬೆಂಗಳೂರಿನಿಂದ ಹೊರಡಲಿದ್ದು, 17ರಿಂದ 18 ಗಂಟೆ ಒಳಗೆ 8,700 ಮೈಲಿ ದೂರವಿರುವ ಸ್ಯಾನ್ ಫ್ರಾನ್ಸಿಸ್ಕೋ ತಲುಪುತ್ತದೆ.[ವಾಯುಸೇನೆ-ಎಚ್ ಎಎಲ್ ಸಂವಹನಕ್ಕೆ ಹೊಸ ಪೋರ್ಟಲ್]
ಪ್ರಪಂಚದ ಅತ್ಯಂತ ಉದ್ದದ ಹಾಗೂ ಅತಿವೇಗದ ವಿಮಾನ ಎಂಬ ಹೆಗ್ಗಳಿಕೆಗೆ ಕ್ವಾಂಟಸ್ ವಿಮಾನ ಪಾತ್ರವಾಗಿತ್ತು. ಇದು ಯುಎಸ್ ಎ ಯ ದಲ್ಲಾಸ್ ನಿಂದ ಆಸ್ಟ್ರೇಲಿಯಾದ ಸಿಡ್ನಿ ನಡುವೆ ಹಾರಾಡುತ್ತಿದೆ. ಈ ಎರಡು ನಗರದ ಅಂತರ 8,578 ಮೈಲಿ (13,730 ಕಿ.ಮೀ)
ಕ್ವಾಂಟಸ್ ವಿಮಾನ ಹಾರಾಟ ಆರಂಭಿಸಿದ ಒಂದೇ ವರ್ಷದಲ್ಲಿ ಎಮಿರೆಟ್ಸ್ ವಿಮಾನವು ತನ್ನ ಹಾರಾಟ ಆರಂಭಿಸಿ ಇದರ ದಾಖಲೆ ಮುರಿದು ಹಾಕಿದ್ದು, ದುಬೈಯಿಂದ ಫ್ಲೋರಿಡಾದ ಪಣಾಮ ನಗರಕ್ಕೆ ಹಾರಾಡಲು ಶುರುವಿಟ್ಟಿತು. ಈ ನಗರಗಳ ನಡುವಿನ ಅಂತರ 8,588 ಮೈಲಿ (13,760 ಕಿ.ಮೀ). ಇದೀಗ ಮ್ಯಾರಥಾನ್ ಇವೆರಡು ವಿಮಾನಗಳಿಗಿಂತ ಹೆಚ್ಚಿನ ದೂರ ಹಾರಾಡಲು ಹೊರಟಿದೆ.