ಪದವಿ ಪ್ರವೇಶ ಪ್ರಕ್ರಿಯೆ ಆರಂಭ: ಬೇಗ ಬೇಗ ಅರ್ಜಿ ಸಲ್ಲಿಸಿ
ಬೆಂಗಳೂರು, ಮೇ.2: ದ್ವಿತೀಯ ಪಿಯುಸಿ ಫಲಿತಾಂಶ ಹೊರಬಿದ್ದ ಹಿನ್ನೆಲೆಯಲ್ಲೇ ಪದವಿ ಕೋರ್ಸ್ಗಳ ಪ್ರವೇಶ ಪ್ರಕ್ರಿಯೆ ಆರಂಭವಾಗಿದೆ.
ಕೆಲವು ಪ್ರತಿಷ್ಠಿತ ಕಾಲೇಜುಗಳ ಕಾರ್ಮಿಕರ ದಿನವನ್ನು ಲೆಕ್ಕಿಸದೆ ಮಂಗಳವಾರ ಮಧ್ಯಾಹ್ನದವರೆಗೆ ಅರ್ಜಿ ನೀಡಿವೆ. ಮತ್ತೆ ಕೆಲವು ಕಾಲೇಜುಗಳು ಬುಧವಾರದಿಂದ ಅರ್ಜಿ ನೀಡಲಿವೆ. ಈ ವರ್ಷ ವಾಣಿಜ್ಯ ವಿಭಾಗಕ್ಕೆ ಹೆಚ್ಚಿನ ಬೇಡಿಕೆ ಉಂಟಾಗಲಿದೆ ಎಂಬ ನಿರೀಕ್ಷೆ ಇದೆ.
ದ್ವಿತೀಯ ಪಿಯು ಫಲಿತಾಂಶ ಪ್ರಕಟ, ದಕ್ಷಿಣ ಕನ್ನಡ ಪ್ರಥಮ
ಬಹುತೇಕ ಪ್ರತಿಷ್ಠಿತ ಕಾಲೇಜುಗಳಲ್ಲಿ ವಾಣಿಜ್ಯಕ್ಕೆ ಶೇ.80 ಮತ್ತು ವಿಜ್ಞಾನ ಮತ್ತು ಕೆಲೆಗೆ ಶೇ.60ರಷ್ಟು ಕಟ್ಆಫ್ ನಿಗದಿಮಾಡಿಕೊಂಡಿದೆ. ಈ ವರ್ಷ ದ್ವಿತೀಯ ಪಿಯುಸಿ ಫಲಿತಾಂಶ ಕೂಡ ಶೇ.7.18 ಹೆಚ್ಚಳವಾಗಿರುವುದರಿಂದ ಪ್ರವೇಶಕ್ಕೆ ನಿಗದಿಪಡಿಸುವ ಕಟ್ಆಫ್ ಅಂಕವನ್ನು ಶೇ.2 ರಷ್ಟು ಏರಿಕೆ ಮಾಡಿದೆ. ಮೇ.5ರವರೆಗೆ ಅರ್ಜಿ ಸಲ್ಲಿಸಲು ಅವಕಾಶ ನೀಡಲು ನಿರ್ಧರಿಸಿವೆ.
ಬಿಎಂಎಸ್ ಮಹಿಳಾ ಕಾಲೇಜು: ಬಸವನಗುಡಿಯ ಬಿಎಂಎಸ್ ಮಹಿಳಾ ಕಾಲೇಜಿನಲ್ಲಿ ಬಿ.ಕಾಂ-460, ಬಿಎಸ್ಸಿ-200, ಬಿ.ಎ-400, ಬಿಸಿಎ-120, ಬಿಬಿಎ-120 ಮತ್ತು ಬಿ.ವೋಕ್ನಲ್ಲಿ 30 ಸೀಟುಗಳು ಲಭ್ಯವಿದೆ.
ವಿಜಯ ಕಾಲೇಜು: ಆರ್.ವಿ. ರಸ್ತೆಯ ವಿಜಯ ಅನುದಾನಿತ ಮತ್ತು ಅನುದಾನರಹಿತ ಕಾಲೇಜು ಪ್ರತಿ ವರ್ಷ 1500 ಅರ್ಜಿಗಳನ್ನು ಸ್ವೀಕರಿಸುತ್ತದೆ. ಬಿ.ಕಾಂನಲ್ಲಿ 480, ವಿಜ್ಞಾನದಲ್ಲಿ 630 ಸೀಟುಗಳು ಲಭ್ಯವಿದೆ. ಕಳೆದ ವರ್ಷ ಬಿ.ಕಾಂಗೆ ಶೇ.80 ಮತ್ತು ವಿಜ್ಞಾನಕ್ಕೆ ಶೇ.60 ಕಟ್ಆಫ್ ಅಂಕ ನಿಗದಿ ಮಾಡಲಾಗಿತ್ತು.