Big Breaking: ಒಂದೇ ದಿನ ಕರ್ನಾಟಕದಲ್ಲಿ 515 ಕೊರೊನಾ ಕೇಸ್ ಪತ್ತೆ

ಬೆಂಗಳೂರು, ಜೂನ್ 5: ಕರ್ನಾಟಕದಲ್ಲಿ ಇಂದು ಒಂದೇ ದಿನ 515 ಜನರಿಗೆ ಕೊರೊನಾ ವೈರಸ್ ತಗುಲಿರುವುದು ದೃಢವಾಗಿದೆ. ಈ ಮೂಲಕ ರಾಜ್ಯದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 4835ಕ್ಕೆ ಏರಿಕೆಯಾಗಿದೆ.

ಇಂದು ವರದಿಯಾಗಿರುವ 515 ಪ್ರಕರಣಗಳ ಪೈಕಿ 473 ಜನರು ಮಹಾರಾಷ್ಟ್ರ ರಾಜ್ಯದಿಂದ ಪ್ರಯಾಣ ಮಾಡಿರುವ ಹಿನ್ನೆಲೆ ಹೊಂದಿದ್ದಾರೆ. ಉಡುಪಿಯಲ್ಲಿ 204 ಕೇಸ್, ಕಲಬುರಗಿಯಲ್ಲಿ 42 ಮಂದಿಗೆ ವೈರಸ್, ಯಾದಗರಿಯಲ್ಲಿ 74 ಜನರಿಗೆ ಸೋಂಕು, ವಿಜಯಪುರದಲ್ಲಿ 53 ಕೇಸ್ ಸೇರಿದಂತೆ ರಾಜ್ಯದಲ್ಲಿ 500 ರ ಗಡಿ ದಾಟಿದೆ.

ಉಡುಪಿಯಲ್ಲಿ 204 ಕೇಸ್ ವರದಿಯಾಗುವ ಮೂಲಕ ಜಿಲ್ಲೆಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 768ಕ್ಕೆ ಏರಿದೆ. ಕಲಬರುಗಿಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 552ಕ್ಕೆ ಜಿಗಿದಿದೆ. ಬೆಂಗಳೂರಿನಲ್ಲಿ ಒಟ್ಟು 434 ಜನರಿಗೆ ವೈರಸ್ ಅಂಟಿಕೊಂಡಿದೆ.

ಜಿಲ್ಲೆವಾರು ಇಂದು ವರದಿಯಾದ ಸೋಂಕಿನ ವಿವರ

ಉಡುಪಿ 204

ಕಲಬುರಗಿ 42

ಬೆಂಗಳೂರು ನಗರ 10

ಬೆಂಗಳೂರು ಗ್ರಾಮಾಂತರ 12

ಯಾದಗಿರಿ 74

ಮಂಡ್ಯ 13

ಬೆಳಗಾವಿ 36

ಬೀದರ್ 39

ವಿಜಯಪುರ 53

ಹಾಸನ 3, ದಕ್ಷಿಣ ಕನ್ನಡ 8, ಉತ್ತರ ಕನ್ನಡ 7, ದಾವಣಗೆರೆ 1, ಬಾಗಲಕೋಟೆ 1, ಧಾರವಾಡ 3, ಬಳ್ಳಾರಿ 1, ಕೋಲಾರ 1, ಹಾವೇರಿ 2, ರಾಮನಗರ 2, ಚಿಕ್ಕಬಳ್ಳಾಪುರ 3 ಕೇಸ್ ಪತ್ತೆಯಾಗಿದೆ.

ಇದುವರೆಗೂ ರಾಜ್ಯದಲ್ಲಿ 1688 ಸೋಂಕಿತರು ಗಣಮುಖರಾಗಿದ್ದು, ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದಾರೆ. 3088 ಸಕ್ರಿಯ ಸೋಂಕಿತ ಪ್ರಕರಣಗಳು ರಾಜ್ಯದಲ್ಲಿದೆ. ಈವರೆಗೂ 57 ಜನರು ಕೊರೊನಾ ಸೋಂಕಿನಿಂದ ಪ್ರಾಣ ಕಳೆದುಕೊಂಡಿದ್ದಾರೆ. ಇನ್ನು 13 ಜನ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.

English summary

Karnataka reports 515 new COVID19 positive cases from 5 pm yesterday to 5 pm today; taking the total number of positive cases in the state to 4835.