ಅಪ್ರಾಪ್ತೆಯ ಮೇಲೆ 16 ವರ್ಷದ ಬಾಲಕನಿಂದ ರೇಪ್
ಬೆಂಗಳೂರು, ಮೇ. 21 :ಹದಿನಾಲ್ಕು ವರ್ಷದ ಬಾಲಕಿಯ ಮೇಲೆ 16 ವರ್ಷದ ಬಾಲಕನೊಬ್ಬ ಅತ್ಯಾಚಾರವೆಸಗಿ ಪರಾರಿಯಾದ ಘಟನೆ ಎಲೆಕ್ಟ್ರಾನಿಕ್ ಸಿಟಿ ಸಮೀಪ ನಡೆದಿದೆ.
ಬೇಗೂರು ರಸ್ತೆಯಲ್ಲಿರುವ ವಿಶ್ವಪ್ರಿಯಾ ಲೇಔಟ್ನ ಸಮೀಪ ನಿರ್ಮಾಣದ ಹಂತದ ಕಟ್ಟಡದಲ್ಲಿ ರಾಯಚೂರು ಮತ್ತು ತಮಿಳುನಾಡು ಮೂಲದ ಕಾರ್ಮಿಕರು ಕೆಲಸ ಮಾಡುತ್ತಿದ್ದರು. ಮೇ. 19 ಸೋಮವಾರ ಬೆಳಗ್ಗೆ ಕುಟುಂಬದ ಕಾರ್ಮಿಕರು ಯಾರು ಇಲ್ಲದ ವೇಳೆ ಕಾರ್ಮಿಕ ಕುಟುಂಬದ ಬಾಲಕಿಯನ್ನು ಪುಸಲಾಯಿಸಿ ಬಾಲಕ ಶೆಡ್ಗೆ ಕರೆದು ಅತ್ಯಾಚಾರವೆಸಗಿದ್ದಾನೆ.[ಮ್ಯಾನ್ಮಾರ್ ಯುವತಿ ಮೇಲೆ 2 ತಿಂಗಳಿಂದ ಅತ್ಯಾಚಾರ]
ಮಧ್ಯಾಹ್ನ ಪುನಃ ಆತ ಬಾಲಕಿಯನ್ನು ಕರೆದೊಯ್ದು ಅತ್ಯಾಚಾರ ನಡೆಸುವಾಗ ಕಟ್ಟಡ ರೈಟರ್ ಆಗಮಿಸಿದ್ದಾರೆ. ರೈಟರ್ ತನ್ನನ್ನು ಗಮನಿಸುತ್ತಿರುವುನ್ನು ನೋಡಿದ ಕೂಡಲೇ ಬಾಲಕ ಪರಾರಿಯಾಗಿದ್ದಾನೆ.
ಕಟ್ಟಡ ನಿರ್ಮಿಸುತ್ತಿರುವ ಮಾಲೀಕ ಭಾಸ್ಕರ್ ರೆಡ್ಡಿ ಎಲೆಕ್ಟ್ರಾನಿಕ್ ಸಿಟಿ ಪೊಲೀಸ್ ಠಾಣೆಯಲ್ಲಿ ಈ ಸಂಬಂಧ ದೂರು ನೀಡಿದ್ದಾರೆ. ತಮಿಳುನಾಡಿನ ತಿರುಪುರ್ ಮೂಲದ ಬಾಲಕನ ಪತ್ತೆಗೆ ಪೊಲೀಸರು ಶೋಧ ಕಾರ್ಯ ಆರಂಭಿಸಿದ್ದಾರೆ.