ವೈಟ್ ಫೀಲ್ಡ್ ನಲ್ಲಿ 100 ವರ್ಷ ಹಳೆಯ ಆಲದಮರ ರಾತ್ರೋರಾತ್ರಿ ಮಂಗಮಾಯ

ಬೆಂಗಳೂರು, ಮಾರ್ಚ್ 03 : ನೂರು ವರ್ಷದ ಹಳೆಯ ಆಲದ ಮರಕ್ಕೆ ಕತ್ತರಿ ಹಾಕಲಾಗಿದೆ ಎಂದು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಶುಕ್ರವಾರ ರಾತ್ರಿ ಮರಕ್ಕೆ ಕತ್ತರಿ ಹಾಕಲಾಗಿದೆ ಎಂದು ನಿವಾಸಿಗಳು ಆರೋಪ ಮಾಡುತ್ತಿದ್ದಾರೆ.

ಬೆಂಗಳೂರಿನ ವೈಟ್ ಫೀಲ್ಡ್‌ ಬಡಾವಣೆಯಲ್ಲಿ ಆಲದ ಮರ ಕಾಣೆಯಾಗಿದೆ ಎಂದು ಅನಾಮಧೇಯ ವ್ಯಕ್ತಿಗಳ ವಿರುದ್ಧ ದೂರು ದಾಖಲು ಮಾಡಲಾಗಿದೆ. ಅರಣ್ಯ ಇಲಾಖೆಯವರು ಮರವನ್ನು ಕತ್ತರಿಸಿದ್ದಾರೆಯೇ? ಅಥವ ಬೇರೆಯವರು ಕತ್ತರಿಸಿದ್ದಾರೆಯೇ? ಎಂಬುದು ಇನ್ನೂ ಖಚಿತವಾಗಿಲ್ಲ.

ನಿವಾಸಿಗಳು ನೀಡಿದ ದೂರಿನ ಅನ್ವಯ ವೈಟ್ ಫೀಲ್ಡ್‌ ಪೊಲೀಸರು ಎಫ್‌ಐಆರ್ ದಾಖಲು ಮಾಡಿಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ. ಆಲದ ಮರದ ಬಳಿ ಕೆಲವು ಅಂಗಡಿಗಳಿದ್ದು, ಅವರು ಮರವನ್ನು ಕತ್ತರಿಸಿದ್ದಾರೆಯೇ? ಎಂದು ತನಿಖೆ ನಡೆಸಲಾಗುತ್ತಿದೆ.

ಮರಕ್ಕೆ ಕತ್ತರಿ ಹಾಕುವಂತಹ ಇಂತಹ ಘಟನೆ ವೈಟ್‌ ಫೀಲ್ಡ್ ಬಡಾವಣೆಯಲ್ಲಿ ಮತ್ತೆ ನಡೆಯಬಾರದು ಎಂದು ಜನರು ಬಯಸುತ್ತಿದ್ದಾರೆ. ಆದ್ದರಿಂದ, ಪರಿಸರವಾದಿ ವಿಜಯ್ ನಿಶಾಂತ್ ಜೊತೆ ಸೇರಿ ನಿವಾಸಿಗಳು ಟ್ರೀ ಸೆನ್ಸಸ್ಸ್ ಮಾಡಲು ಮುಂದಾಗಿದ್ದಾರೆ.

100 ವರ್ಷದಷ್ಟು ಹಳೆಯ ಮರಕ್ಕೆ ಯಾರು ಕತ್ತರಿ ಹಾಕಿದ್ದಾರೆ? ಎಂಬುದು ಇನ್ನೂ ತಿಳಿದುಬಂದಿಲ್ಲ. ಆದ್ದರಿಂದ, ಜನರು ಅನಾಮಧೇಯ ವ್ಯಕ್ತಿಯ ವಿರುದ್ಧ ದೂರು ನೀಡಲಾಗಿದೆ.

English summary

A police complaint was filed against an unknown person by residents of Whitefield area in Bengaluru for axing a 100-year-old banyan tree. Locals noticed the tree was missing but their efforts to find the culprit failed which is when they turned to the police.