Click it and Unblock the Notifications
Just In
-
-
-
Don't Miss
-
ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್ -
DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ -
ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್! -
613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..! -
ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್ -
ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೆಳಗಾವಿ: ಹಸುಳೆಯನ್ನು ರೇಪ್ ಮಾಡಿ ಜೀವಂತ ಸಮಾಧಿ ಮಾಡಲೆತ್ನಿಸಿದ ಕಾಮುಕ
ಬೆಳಗಾವಿ, ಸೆಪ್ಟೆಂಬರ್ 10: ಎರಡೂವರೆ ವರ್ಷದ ಹಸುಳೆಯ ಮೇಲೆ ಅತ್ಯಾಚಾರ ಮಾಡಿದ ಕಾಮುಕನೊಬ್ಬ ಮಗುವನ್ನು ಜೀವಂತ ಹೂಳಲು ಯತ್ನಿಸಿದ ಘಟನೆ ಶನಿವಾರ ಸಂಜೆ ವರದಿಯಾಗಿದೆ.
ಬೆಳಗಾವಿ ಜಿಲ್ಲೆಯ ಬೈಲಹೊಂಗಲ ತಾಲೂಕಿನ ವಣ್ಣೂರು ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಅತ್ಯಾಚಾರಕ್ಕೆ ಒಳಗಾದ ಮಗುವನ್ನು ರಕ್ಷಿಸಲಾಗಿದೆ.
ಇನ್ನು ಹಸುಳೆ ಎಂದೂ ನೋಡದೆ ಅತ್ಯಾಚಾರ ಎಸಗಿದ ಸುಭಾಷ್ ಮಹದೇವ್ ನಾಯ್ಕರ್ ಎಂಬಾತನ್ನು ಬೆಳಗಾವಿ ಪೊಲೀಸರು ಬಂಧಿಸಿದ್ದಾರೆ.
ಸಂಜೆ ಆರು ಗಂಟೆ ಹೊತ್ತಿಗೆ ಸರಕಾರಿ ಪ್ರಾಥಮಿಕ ಶಾಲೆಯ ಮೈದಾನದಲ್ಲಿ ಮಗು ಆಟವಾಡುತ್ತಿತ್ತು. ಈ ವೇಳೆ ಆರೋಪಿಯು ಮಗುವನ್ನು ತನ್ನ ಜತೆ ಆಟವಾಡಲು ಕರೆದು ನಂತರ ಶಾಲೆ ಕಟ್ಟಡದ ಹಿಂಭಾಗ ಅತ್ಯಾಚಾರ ಎಸಗಿದ್ದಾನೆ.
ನಂತರ ಮಗುವಿನ ಮುಖ ಮತ್ತು ಎದೆಗೆ ಕಚ್ಚಿ ಶಾಲೆಯ ಆವರಣ ಗೋಡೆಯ ಹಿಂಭಾಗ ಸಣ್ಣ ಗುಂಡಿ ತೋಡಿ ಹೂಳಲು ಯತ್ನಿಸಿದ್ದಾನೆ. ಇನ್ನೇನು ಮುಕ್ಕಾಲು ಭಾಗ ಮಣ್ಣಿನಲ್ಲಿ ಮಗುವನ್ನು ಹೂತಿದ್ದ.
ಆದರೆ ಮಗು ಸಂಜೆ 7 ಗಂಟೆಯಾದರೂ ಬಂದಿಲ್ಲ ಎಂದು ಮಗುವಿನ ತಂದೆ ಮತ್ತು ಗ್ರಾಮಸ್ಥರು ಹುಡುಕಾಡುತ್ತಾ ಬಂದಾಗ ಆರೋಪಿ ಮಗುವನ್ನು ಹೂಳಿತ್ತಿದ್ದ ದೃಶ್ಯ ಕಾಣಿಸಿದೆ. ಈ ವೇಳೆ ತಂದೆ ಮಗುವನ್ನು ರಕ್ಷಿಸಿದ್ದು ಗ್ರಾಮಸ್ಥರು ಯುವಕನಿಗೆ ಥಳಿಸಿ ಪೊಲೀಸರಿಗೆ ಒಪ್ಪಿಸಿದ್ದಾರೆ.
ಮಗುವಿಗೆ ಇಲ್ಲಿನ ನೇಸರಗಿ ಗ್ರಾಮದ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಚಿಕಿತ್ಸೆ ನೀಡಿ ನಂತರ ಬೆಳಗಾವಿ ಜಿಲ್ಲಾಸ್ಪತ್ರೆಗೆ ಸೇರಿಸಲಾಗಿದೆ. ಮಗು ತೀವ್ರ ರಕ್ತ ಸ್ರಾವದಿಂದ ಬಳಲುತ್ತಿದ್ದು, ರಕ್ತ ಸ್ರಾವ ನಿಲ್ಲಿಸಲು ವೈದ್ಯರು ಹರಸಾಹಸ ಪಡುತ್ತಿದ್ದಾರೆ. ಸದ್ಯಕ್ಕೆ ಮಗುವಿನ ಪರಿಸ್ಥಿತಿ ಚಿಂತಾಜನಕವಾಗಿದೆ.
