ಜನವರಿಯಲ್ಲಿ ಆರು ಬೋಗಿ ಮೆಟ್ರೋ ರೈಲು ಪ್ರಾಯೋಗಿಕ ಆರಂಭ

Posted By: Nayana
Subscribe to Oneindia Kannada

ಬೆಂಗಳೂರು, ಡಿಸೆಂಬರ್ 21 : ಜನವರಿ ಅಂತ್ಯದ ವೇಳೆಗೆ 6 ಬೋಗಿಯ ಒಂದು ಮೆಟ್ರೋ ರೈಲು ಸಂಚಾರ ಪ್ರಾರಂಭವಾಗುವ ನಿರೀಕ್ಷೆ ಇದೆ. ಬಿಎಂಆರ್​ಸಿಎಲ್​ಗೆ 3 ಬೋಗಿಗಳನ್ನು ಬಿಇಎಂಎಲ್ ಸರಬರಾಜು ಮಾಡಲಿದೆ ಎಂದು ಮೂಲಗಳು ತಿಳಿಸಿವೆ.

ನಮ್ಮ ಮೆಟ್ರೋದಲ್ಲಿ ವಿಕಲಚೇತನಿರಿಗೂ ಪ್ರತ್ಯೇಕ ಬೋಗಿ ಸಾಧ್ಯತೆ

ಮೆಟ್ರೋದಲ್ಲಿ ಪ್ರತಿನಿತ್ಯ 1.50 ರಿಂದ 2 ಲಕ್ಷ ಜನರು ಪ್ರಯಾಣಿಕರು ಸಂಚರಿಸುತ್ತಾರೆ. ಬೆಳಗ್ಗೆ7 ರಿಂದ 10 ಗಂಟೆ ಹಾಗೂ ಸಂಜೆ 5 ರಿಂದ8 ರವರೆಗೆ ಮೆಟ್ರೋದಲ್ಲಿ ಕಾಲಿಡಲಾಗದಷ್ಟು ಪ್ರಯಾಣಿಕರ ದಟ್ಟಣೆ ಇರುತ್ತದೆ. ಪ್ರತಿ ಕಿ.ಮೀ ನಡುವೆ10 ಸಾವಿರ ಜನ ಸಂಚಿರಿಸುತ್ತಾರೆ. ಹೀಗಾಗಿಯೇ ವಿಶ್ವದ ಅತಿ ಹೆಚ್ಚು ದಟ್ಟಣೆಯ ಮೆಟ್ರೋಗಳಲ್ಲಿ ನಮ್ಮ ಮೆಟ್ರೋ ಕೂಡ ಒಂದು ಎಂಬ ಹೆಗ್ಗಳಿಕೆಯಿದೆ.

Within end of January Six coach of metro will on lane

ದಿನದಿಂದ ದಿನಕ್ಕೆ ಪ್ರಯಾಣಿಕರ ದಟ್ಟಣೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಈಗಿರುವ ೩ ಬೋಗಿಯ ರೈಲುಗಳನ್ನು 6 ಬೋಗಿಗೆ ಪರಿವರ್ತಿಸಲು ಬಿಎಂಆರ್ ಸಿಎಲ್ ನಿರ್ಧರಿಸಿದೆ. 1, 421 ಕೋಟಿ ರೂ. ವೆಚ್ಚದಲ್ಲಿ 150 ಬೋಗಿಗಳನ್ನು ತಯಾರಿಸಿಕೊಡುವುದಾಗಿ 2017 ಮಾರ್ಚ್ ನಲ್ಲಿ ಬಿಇಎಂಎಲ್ ಒಪ್ಪಂದ ಮಾಡಿಕೊಂಡಿದೆ. ಇದರ ಅನ್ವಯ ಜನವರಿ ಅಂತ್ಯದೊಳಗೆ 3 ಬೋಗಿಗಳನ್ನು ಬಿಇಎಂಎಲ್ ಸರಬರಾಜು ಮಾಡಲಿದ್ದು, ಇವುಗಳನ್ನು ಈಗಿರುವ 3 ಬೋಗಿಯ ನಡುವೆ ಸೇರಿಸಲಾಗುತ್ತದೆ.

ಬೆಂಗಳೂರು ಏರ್ ಪೋರ್ಟ್ ಗೆ ಮೆಟ್ರೋ: ಸಚಿವ ಸಂಪುಟ ಅಸ್ತು

6 ಬೋಗಿಯ ರೈಲು ಸೇವೆ ಪ್ರಾರಂಭವಾದರೆ ಒಂದು ಬೋಗಿಯಲ್ಲಿ ಒಟ್ಟು 1, 576 ರಿಂದ 2, 004 ಜನ ಪ್ರಯಾಣಿಸಬಹುದು. ಗಡುವು: ಎಲ್ಲಾ150 ಬೋಗಿಗಳ ಸರಬರಾಜಿಗೆ 2019 ಡಿಸೆಂಬರ್ ಗಡುವು ಹಾಕಿಕೊಳ್ಳಲಾಗಿದೆ. ಬಿಇಎಂಡಲ್ ನಲ್ಲಿ ಈ ಹಿಂದೆ 2 ಮೆಟ್ರೋ ಬೋಗಿ ತಯಾರಿಕಾ ಘಟಕವಿತ್ತು. ಇತ್ತೀಚೆಗಷ್ಟೇ 3 ನೇ ಉತ್ಪಾದನಾ ಘಟಕ ಪ್ರಾರಂಭಿಸಲಾಗಿದೆ. ಪ್ರತಿ ತಿಂಗಳಿಗೆ 6-9ಬೋಗಿಯಂತೆ ಸರಬರಾಜು ಮಾಡಲು ಸಾದ್ಯವಿದೆ. ಹೀಗಾಗಿ ನಿಗದಿತ ಸಮಯದೊಳಗೇ ಬೋಗಿ ಸರಬರಾಜು ಆಗಲಿದೆ ಎಂದು ಮೂಲಗಳು ತಿಳಿಸಿವೆ.

ಪ್ರಾಯೋಗಿಕ ಓಡಾಟ: ಬೋಗಿಗಳು ಜನವರಿಯಲ್ಲಿ ಸರಬರಾಜಾದರೂ ಪ್ರಾಯೋಗಿಕ ಸಂಚಾರ ನಡೆಸಿದ ಬಳಿಕವಷ್ಟೇ ಪ್ರಯಾಣಿಕರ ಸೇವೆಗೆ ಬಿಎಂಆರ್ ಸಿಎಲ್ ನೀಡಲಿದೆ. 6 ಬೋಗಿ ರೈಲು ನಿಲ್ಲುವಂತಹ ನಿಲ್ದಾಣಗಳನ್ನು ಮೊದಲೇ ವಿನ್ಯಾಸಗೊಳಿಸಲಾಗಿದೆ.

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

English summary
Namma metro expected to run with six coaches from end of January as metro running with three coaches presently. Additional 150 coaches are needed to augment the three-coach trains to six coaches.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ