ವೈರಲ್ ವಿಡಿಯೋ: ನೆಲಮಂಗಲದಲ್ಲಿ ಪವಾಡಸದೃಶವಾಗಿ ಅಪಘಾತದಿಂದ ಪಾರಾದ ಮಗು
Recommended Video
ಬೆಂಗಳೂರು, ಆಗಸ್ಟ್ 22: ಭೀಕರ ವಾಹನಾಪಘಾತವೊಂದರಲ್ಲಿ ಮಗುವೊಂದು ಪವಾಡಸದೃಶವಾಗಿ ಬದುಕಿದ ಘಟನೆ ಬೆಂಗಳೂರಿನ ನೆಲಮಂಗಲದಲ್ಲಿ ನಡೆದಿದೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಬೆಂಗಳೂರಿನ ಚನ್ನಪರಮೇಶ್ವರ ಮತ್ತು ಅವರ ಪತ್ನಿ ರೇಣುಕಾ ಎಂಬುವವರು ತಮ್ಮ ಐದು ವರ್ಷದ ಮಗುವನ್ನು ಬೈಕಿನ ಮುಂಭಾಗದಲ್ಲಿ ಕೂರಿಸಿಕೊಂಡು ಬೆಂಗಳೂರಿಗೆ ಬರುತ್ತಿದ್ದರು. ಈ ಸಂದರ್ಭದಲ್ಲಿ ನೆಲಮಂಗಲದ ಬಳಿ ವೇಗವಾಗಿ ಬರುತ್ತಿದ್ದ ಚನ್ನಪರಮೇಶ್ವರ ಅವರು ಪಕ್ಕದಲ್ಲಿದ್ದ ಮತ್ತೊಂದು ಬೈಕಿಗೆ ಅಚಾನಕ್ಕಾಗಿ ಗುದ್ದಿದ್ದಾರೆ.
ಪವಾಡ : ರೈಲಿಗೆ ಡಿಕ್ಕಿ ಹೊಡೆದ್ರು ಸಾವು ಗೆದ್ದ ಯುವತಿ
ಈ ಸಂದರ್ಭದಲ್ಲಿ ದಂಪತಿ ಅಲ್ಲಿಯೇ ಬಿದ್ದಿದ್ದು, ಬೈಕಿನಲ್ಲಿ ಮುಂದೆ ಕೂತಿದ್ದ ಮಗುವಿನ ಸಮೇತ ಬೈಕು ಮುಂದೆ ಎಷ್ಟೋ ದೂರ ಚಲಿಸಿದೆ. ನಂತರ ರಸ್ತೆ ಬದಿಯ ಹುಲ್ಲಿನ ಮೇಲೆ ಬಿದ್ದಿದೆ! ಮಗು ಪ್ರಾಣಾಪಾಯದಿಂದ ಪವಾಡಸದೃಶವಾಗಿ ಪಾರಾಗಿದೆ.
Viral video: Child miraculously escaped from an accident in Bengaluru pic.twitter.com/KMgj9Gjv2m
— Trupti Hegde (@truptiabhijith) August 22, 2018
ಅಚ್ಚರಿ ಎಂದರೆ ಮಗುವಿದ್ದ ಬೈಕು ತನ್ನಷ್ಟಕ್ಕೇ ಮುಂದೆ ಚಲಿಸುತ್ತಿರುವಾಗ ರಸ್ತೆಯಲ್ಲಿ ಹಲವು ವಾಹನಗಳಿದ್ದರೂ, ಬೈಕಿನ ಬಳಿಯೇ ದೊಡ್ಡ ಲಾರಿಯೊಂದು ಚಲಿಸುತ್ತಿದ್ದರೂ ಮಗು ಯಾವ ಪ್ರಾಣಾಪಾಯವಿಲ್ಲದೆ ಪಾರಾದದ್ದು ನಿಜಕ್ಕೂ ಪವಾಡವೆನ್ನಿಸಿದೆ.
ಈ ಪವಾಡ ಸದೃಶ ಘಟನೆ ಕ್ಯಾಮರಾವೊಂದರಲ್ಲಿ ರೆಕಾರ್ಡ್ ಆಗಿದ್ದು, ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.