• search

ವರಮಹಾಲಕ್ಷ್ಮೀ ಹಬ್ಬದ ಹೆಸರಲ್ಲಿ ಗಗನಕ್ಕೇರಿದ ಹೂವು-ಹಣ್ಣಿನ ದರ

By Nayana
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
        Varamahalakshmi Festival : ವರಮಹಾಲಕ್ಷ್ಮಿ ಹಬ್ಬಕ್ಕೆ ಹೂವು, ಹಣ್ಣು, ತರಕಾರಿಗಳ ಬೆಲೆ ಗಗನಕ್ಕೆ|Oneindia Kannada

        ಬೆಂಗಳೂರು, ಆಗಸ್ಟ್ 23: ವರಮಹಾಲಕ್ಷ್ಮೀ ಹಬ್ಬಕ್ಕೆ ಇನ್ನು ಒಂದು ದಿನ ಬಾಕಿ ಇದೆ, ನಗರದ ಮಾರುಕಟ್ಟೆಯಲ್ಲಿ ಹೂವು-ಹಣ್ಣುಗಳ ದರ ಗಗನಕ್ಕೇರಿದೆ. ಇನ್ನು ಸಾಲು ಸಾಲು ಹಬ್ಬಗಳು ಆಗಮಿಸುತ್ತವೆ, ಹಬ್ಬಗಳ ಸೀಸನ್ ಮುಗಿಯುವವರೆಗೂ ಬೆಲೆಗಳು ಕಡಿಮೆಯಾಗುವ ಮಾತೇ ಇಲ್ಲ.

        ಹೂವು, ಹಣ್ಣುಗಳ ಪೂರೈಕೆ ಸಾಕಷ್ಟಿದ್ದರೂ ಹಬ್ಬಗಳ ನೆಪವೊಡ್ಡಿ ಬೆಲೆಯನ್ನು ಏರಿಕೆ ಮಾಡಲಾಗುತ್ತಿದೆ. ಹಬ್ಬಕ್ಕೆ ಬೇಕಾದ ಬಾಳೆಕಂಬ, ಮಾವಿನಸೊಪ್ಪು, ಕೇದಗೆ, ತಾವರೆ ಹೂವು, ಮಲ್ಲಿಗೆ ಸೇರಿದಂತೆ ಇತರೆ ಹೂವುಗಳ ಬೆಲೆ ಗಗನಕ್ಕೇರಿದೆ.

        ವರಮಹಾಲಕ್ಷ್ಮಿ ವ್ರತ: ಆಚರಣೆ ಹೇಗೆ, ಏಕೆ? ವೈಶಿಷ್ಟ್ಯವೇನು?

        ವರಮಹಾಲಕ್ಷ್ಮೀ ಹಬ್ಬಕ್ಕೆ ಎಥೇಚ್ಛವಾಗಿ ಹೂವು, ಹಣ್ಣುಗಳ ಸರಬರಾಜು ಆಗುತ್ತಿದೆ. ಈ ವೇಳೆ ಬೀನ್ಸ್, ಟೊಮೆಟೊ, ಬಟಾಣಿ, ಸೊಪ್ಪು ಸೇರಿದಂತೆ ಕೆಲವು ತರಕಾರಿಗಳ ಬೆಲೆ ಕೊಂಚ ಇಳಿದಿದೆ.

        ಹಾಪ್‌ಕಾಮ್ಸ್ ಮತ್ತು ಸಗಟು ದರದಲ್ಲಿ ಹಣ್ಣುಗಳ ಬೆಲೆ ಕೆಜಿಗೆ ಶೇ.20ರಷ್ಟು ಕಡಿಮೆಯಾಗಿದೆ. ಏಲಕ್ಕಿ ಬಾಳೆ ಕೆಜಿಗೆ 80-90, ಸೇಬು 140-180, ಸೀಬೇಕಾಯಿ 60ರೂ, ಅನಾನಸ್ ಒಂದು ಹಣ್ಣಿಗೆ 50 ರೂ. ಸೀತಾಫಲ ಕೆಜಿಗೆ 100-150ರೂ.ಗಳಲ್ಲಿ ಮಾರಾಟ ಮಾಡಲಾಗುತ್ತಿದೆ.

        ದಿಢೀರ್‌ ಮಳೆಗೆ ಘಾಸಿಕೊಂಡ ತರಕಾರಿಗಳು: ಬೆಲೆ ದುಪ್ಪಟ್ಟು

        ಗುಲಾಬಿ ಹೂವು 160-200 ರೂ, ಸೇವಂತಿಗೆ 150-200, ಮಲ್ಲಿಗೆ 300-400ರೂ, ತಾವರೆ ಹೂವು80-100, ಚೆಂಡು ಹೂವು 40-50ರೂಗಳಿದೆ, ಕ್ಯಾರೇಟ್ ಮತ್ತು ಹಸಿಮೆಣಸಿನ ಕಾಯಿ ಮೆಲೆ ಏರಿಕೆಯಾಗಿದೆ ಕ್ಯಾರೇಟ್ ಕೆಜಿಗೆ 80 ರೂ ಹಾಗ ಹಸಿಮೆಣಸಿನಕಾಯಿ ಕೆಜಿಗೆ 58ರೂ. ಆಗಿದೆ.

        ಲಕ್ಷ್ಮಿಗೆ ಪ್ರಿಯವಾದ ಮಲ್ಲಿಗೆ ಬೆಲೆ ಕೆಜಿಗೆ 1500

        ಲಕ್ಷ್ಮಿಗೆ ಪ್ರಿಯವಾದ ಮಲ್ಲಿಗೆ ಬೆಲೆ ಕೆಜಿಗೆ 1500

        ವರಮಹಾಲಕ್ಷ್ಮೀ ಹಬ್ಬದ ಪ್ರಯಕ್ತ ಹೂವು, ಹಣ್ಣು ತರಕಾರಿಗಳ ಬೆಲೆ ಗಗನಕ್ಕೇರಿದೆ, ಮಲ್ಲಿಗೆ ಒಂದು ಮಾರಿಗೆ 200-250ರವರೆಗೂ ಮಾರಾಟವಾಗುತ್ತಿದೆ. ಕೆಜಿಗೆ ಒಂದೂವರೆ ಸಾವಿರ ರೂವರೆಗೆ ಮಾರಾಟ ಮಾಡಲಾಗುತ್ತಿದೆ, ಸೂಜಿಮಲ್ಲಿಗೆ, ದುಂಡುಮಲ್ಲಿಗೆ, ಮೈಸೂರು ಮಲ್ಲಿಗೆ ಹೀಗೆ ವಿವಿಧ ಬಗೆಯ ಮಲ್ಲಿಗೆ ಹೂಗಳಿಗೆ ಬೇರೆ ಬೇರೆ ದರವಿದೆ.

        ಕಾಕಡಾ ಹೂವಿನ ಬೆಲೆ ಕೆಜಿಗೆ 500

        ಕಾಕಡಾ ಹೂವಿನ ಬೆಲೆ ಕೆಜಿಗೆ 500

        ಕಾಕಡಾ ಹೂವಿನ ಬೆಲೆ 500ರೂ ತಲುಪಿದೆ, ಪರಿಮಳ ಬೀರುವ ಕೇದಿಗೆ ಒಂದು ದಿಂಡಿಗೆ 100-150 ರೂ.ಇದೆ. ಆದರೆ ಜನರ ಖರೀದಿಯ ಉತ್ಸಾಹ ಕಿಂಚಿತ್ತೂ ಕುಸಿದಿಲ್ಲ. ಶುಕ್ರವಾರದ ಹಬ್ಬಕ್ಕೆ ಸೋಮವಾರದಿಂದಲೇ ಖರೀದಿ ಆರಂಭವಾಗಿದೆ. ಲಕ್ಷ್ಮಿಯ ಅಲಂಕಾರಕ್ಕೆ ಯಥೇಚ್ಛವಾಗಿ ಹೂವು ಬಳಸುವುದರಿಂದ ಬುಧವಾರ ಕೆ.ಆರ್. ಮಾರುಕಟ್ಟೆಯಲ್ಲಿ ಸಗಟು ದರದಲ್ಲಿ ಖರೀದಿಸಲು ಜನ ನೆರೆದಿದ್ದರು.

        ಯಾವ್ಯಾವ ಹಣ್ಣಿನ ದರ ಏರಿಕೆ?

        ಯಾವ್ಯಾವ ಹಣ್ಣಿನ ದರ ಏರಿಕೆ?

        ಹಣ್ಣಿನ ದರವೂ ಏರಿಕೆ ಲಕ್ಷ್ಮಿ ಹಬ್ಬಕ್ಕೆ ಹೂವು ಪ್ರಧಾನ ವಸ್ತುವಾದರೆ, ನಂತರದ ಆದ್ಯತೆ ಹಣ್ಣುಗಳಿಗೆ. ಹೀಗಾಗಿ ಹೂವು ದರ ಏರಿಕೆಯ ಜತೆಗೆ ಹಣ್ಣಿನ ದರವೂ ಏರಿಕೆಯಾಗಿದೆ. ದ್ರಾಕ್ಷಿ, ಸೇಬು, ಬಾಳೆಹಣ್ಣು, ಸೀಬೆ, ಸಪೋಟ, ಸೀತಾಫಲ ಹೀಗೆ ಎಲ್ಲಾ ಬಗೆಯ ಹಣ್ಣುಗಳ ಬೆಲೆಯೂ ಗಗನಕ್ಕೇರಿದೆ. ಕೆಆರ ಮಾರುಕಟ್ಟೆ, ಮಲ್ಲೇಶ್ವರಂ, ಗಾಂಧಿಬಜಾರ್, ರಾಜಾಜಿನಗರ, ಚಾಮರಾಜಪೇಟೆ ಹೀಗೆ ನಗರದ ಬಹುತೇಕ ಮಾರುಕಟ್ಟೆಗಳಲ್ಲಿ ಹೂವು-ಹಣ್ಣು, ಪೂಜಾ ಸಾಮಗ್ರಿಗಳ ಖರೀದಿಯ ಭರಾಟೆ ಜೋರಾಗಿದೆ.

         ತಮಿಳುನಾಡಿನಿಂದ ಹೂಗಳ ಸರಬರಾಜು

        ತಮಿಳುನಾಡಿನಿಂದ ಹೂಗಳ ಸರಬರಾಜು

        ಹಬ್ಬಕ್ಕೆ ಹೂವಿಗೆ ಹೆಚ್ಚು ಬೇಡಿಕೆಯಿರುವುದರಿಂದ ತಮಿಳುನಾಡಿನಿಂದ ನಗರದ ಕೆ.ಆರ್. ಮಾರುಕಟ್ಟೆಗೆ ಶೇ.75ರಷ್ಟು ಹೂವು ಬರುತ್ತಿದೆ. ಹೂವಿನ ಗುಣಮಟ್ಟ ಹಾಗೂ ಪ್ರಮಾಣದ ಮೇರೆಗೆ ಬೆಳಗ್ಗೆ, ಮಧ್ಯಾಹ್ನ ಹಾಗೂ ಸಂಜೆಯ ದರಗಳು ಕೊಂಚ ಏರಿಳಿಕೆಯಾಗುತ್ತವೆ.

         ಹೂವಿನ ದರ ಸಗಟು ಮಾರಾಟ(ಕೆ.ಜಿ.ಗಳಲ್ಲಿ)

        ಹೂವಿನ ದರ ಸಗಟು ಮಾರಾಟ(ಕೆ.ಜಿ.ಗಳಲ್ಲಿ)

        -ಕನಕಾಂಬರ1,500-2,000 ರೂ.

        -ಮಲ್ಲಿಗೆ ಹೂವು 1500 ರೂ.

        -ಕಣಿಗಲೆ 200 ರೂ.

        -ಜಾಜಿ ಮಲ್ಲಿಗೆ550 ರೂ.

        -ಮಳ್ಳೆ ಮಲ್ಲಿಗೆ 500 ರೂ.

        -ಸೇವಂತಿಗೆ ಹೂವು200 ರಿಂದ 240 ರೂ.

        -ಸುಕಂದರಾಜ್300 ರೂ.

        -ಚೆಂಡು ಹೂವು100 ರೂ.

        -ತಾವರೆ ಹೂವು ಒಂದಕ್ಕೆ ಚಿಕ್ಕದು 30 ರೂ. ದೊಡ್ಡದು 50 ರೂ.

        -ಮೇಲ್ಪಟ್ಟು ಕೇದಗೆ -ಒಂದಕ್ಕೆ 50 ರೂ. ಮೇಲ್ಪಟ್ಟು

        ಬಾಳೆಕಂಬ ಚಿಕ್ಕ ಜೋಡಿಗೆ 60 ರಿಂದ 80 ರೂ., ದೊಡ್ಡ 100 ರೂ. ಮೇಲ್ಪಟ್ಟು.

        ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

        English summary
        Despite fruits and flowers available with cheaper in wholesale price, customers were forced to pay more price in the name of Vara Mahalakshmi festival which is on Friday.

        Oneindia ಬ್ರೇಕಿಂಗ್ ನ್ಯೂಸ್,
        ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

        X
        We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more