ನಮ್ಮ ಮೆಟ್ರೋ: ಸಿಲ್ಕ್ ಬೋರ್ಡ್-ಕೆಆರ್ ಪುರ ಮಾರ್ಗಕ್ಕೆ ಶೀಘ್ರ ಟೆಂಡರ್

ಬೆಂಗಳೂರು, ಫೆಬ್ರವರಿ 19 : ಬೆಂಗಳೂರಿನ ಸಿಲ್ಕ್ ಬೋರ್ಡ್ -ಕೆ.ಆರ್ ಪುರ ಹೊರ ವರ್ತುಲ ರಸ್ತೆಯಲ್ಲಿ ಮೆಟ್ರೋ ಮಾರ್ಗ ನಿರ್ಮಾಣಕ್ಕಾಗಿ ವಾರದೊಳಗೆ ಟೆಂಡರ್ ಕರೆಯಲು ಬಿಎಂಆರ್ ಸಿಎಲ್ ಸಿದ್ಧತೆ ನಡೆಸಿದೆ.
ಕಾಮಗಾರಿ ಆರಂಭಿಸಲು ರಾಜ್ಯ ಸರ್ಕಾರ ನೀಡಿರುವ 500 ಕೋಟಿ ಕ್ರೋಢೀಕರಣ ಗುರಿಯನ್ನು ನಿಗಮ ತಲುಪಿದೆ. ಐಟಿ ಕಾರಿಡಾರ್ ಎಂದೇ ಕರೆಸಿಕೊಂಡಿರುವ ಈ ಪ್ರದೇಶದಲ್ಲಿ 8 ಲಕ್ಷ ಉದ್ಯೋಗಿಗಳಿದ್ದಾರೆ. ಈ ಪ್ರದೇಶಕ್ಕೆ

ಮೆಟ್ರೋ ಸಂಪರ್ಕ ಕಲ್ಪಿಸುವಂತೆ 2016 ರ ಅಕ್ಟೋಬರ್ ನಲ್ಲಿ ಬಿಎಂಆರ್ ಸಿ ಎಲ್ ವಿಸ್ತೃತ ಯೋಜನಾ ವರದಿ ತಯಾರಿಸಿತ್ತು.4,202 ಕೋಟಿ ರೂ ವೆಚ್ಚದಲ್ಲಿ ನಿರ್ಮಾಣವಾಗಲಿರುವ ಯೋಜನೆಗೆ 2017 ರ ಮಾರ್ಚ್ ನಲ್ಲಿ ಸಂಪುಟ ಒಪ್ಪಿಗೆ ನೀಡಿತ್ತು. ಶೀಘ್ರವಾಗಿ ಕಾಮಗಾರಿ ಪೂರ್ಣಗೊಳಿಸುವ ನಿಟ್ಟಿನಲ್ಲಿ ಬಿಎಂಆರ್ ಸಿ ಎಲ್ ಇತ್ತೀಚೆಗೆ ಹೊಸ ವಿಧಾನ

ಅನುಸರಿಸುತ್ತಿದೆ. ಪೂರ್ಣ ಮಾರ್ಗದ ಕಾಮಗಾರಿಯನ್ನು ಒಬ್ಬ ಗುತ್ತಿಗೆದಾರನಿಗೆ ನೀಡದೆ , ವಿಭಜಿಸಿ ನೀಡಲಾಗುತ್ತಿದೆ. ಸಿಲ್ಕ್ ಬೋರ್ಡ್-ಕೆ.ಆರ್ ಪುರ ಮಾರ್ಗದಲ್ಲೂ ಇದೆ ವಿಧಾನ ಅನುಸರಿಸಲು ನಿಗಮ ನಿರ್ಧರಿಸಿದ್ದು , 17

ಕಿಮೀ ಕಾಮಗಾರಿಯನ್ನು 2-3 ಗುತ್ತಿಗೆದಾರರಿಗೆ ನೀಡುವ ಸಾಧ್ಯತೆ ಇದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

English summary

BMRCL will call tender for Namma metro work between silk board and KR Puram at the cost of Rs.4,202 crores around 17 km of stretch.