ಲಾಲ್ಬಾಗ್ ದುಬಾರಿ ಶುಲ್ಕ ನಿಗದಿಗೆ ಪುಷ್ಪ ಪ್ರಿಯರ ಭಾರಿ ವಿರೋಧ
ಬೆಂಗಳೂರು, ಆಗಸ್ಟ್ 1: ಲಾಲ್ಬಾಗ್ನಲ್ಲಿ ಆ.4ರಿಂದ ಆರಂಭವಾಗಲಿರುವ ಫಲಪುಷ್ಪ ಪ್ರದರ್ಶನಕ್ಕೆ ಪ್ರವೇಶ ಶುಲ್ಕ ಹೆಚ್ಚಳ ಮಾಡಿರುವುದರಿಂದ ಸಾರ್ವಜನಿಕರು ವಿರೋಧ ವ್ಯಕ್ತಪಡಿಸಿದ್ದಾರೆ.
2014ರಿಂದ ಇಲ್ಲಿಯವರೆಗೆ ಒಟ್ಟು 3 ಬಾರಿ ಪ್ರವೇಶ ಶುಲ್ಕ ಏರಿಕೆ ಮಾಡಲಾಗಿದೆ. ಇದೀಗ 70 ರೂ. ತಲುಪಿದೆ. ಪ್ರತಿ ಎರಡು ವರ್ಷಗಳಿಗೆ ವಯಸ್ಕರಿಗೆ 10 ರೂ.ನಂತೆ ಏರಿಕೆ ಮಾಡಲಾಗುತ್ತದೆ. ಈ ವರ್ಷ ಜಿಎಸ್ಸ್ಟಿ ಶೇ.18ರಷ್ಟು ವಿಧಿಸಿರುವ ಕಾರಣ ಪ್ರವೇಶ ಶುಲ್ಕವನ್ನು ರಜೆ ಇತರೆ ದಿನಗಳಲ್ಲಿ 70 ರೂ. ನಿಗದಿಪಡಿಸಲಾಗಿದೆ.
ಲಾಲ್ಬಾಗ್ ಫಲಪುಷ್ಪ ಪ್ರದರ್ಶನ: ಪ್ರವೇಶ ದುಬಾರಿ
ಫಲಪುಷ್ಪ ಪ್ರದರ್ಶನ ಆರು ತಿಂಗಳಿಗೊಮ್ಮೆ 15-20 ಲಕ್ಷ ರೂ. ಗಳಿಸುತ್ತಿದೆ. ಪ್ರದರ್ಶನದ ವೇಳೆ ಟಿಕೆಟ್ ದುಡ್ಡಿನ ಜತೆಗೆ 100 ಕ್ಕೂ ಅಧಿಕ ಮಳಿಗೆಗಳಿಂದ ಲಕ್ಷಾಂತರ ರೂ,ಹಣ ಸಂಗ್ರಹವಾಗುತ್ತದೆ. ಅನೇಕ ಕಡೆಯಿಂದ ಹಣ ಹರಿದುಬರುತ್ತದೆ.
ಕಳೆದ ವರ್ಷ ಆಗಸ್ಟ್ನಿಂದಲೇ ಲಲ್ ಬಾಗ್ ಪ್ರವೇಶ ಶುಲ್ಕದ ಜತೆಗೆ ಜಿಎಸ್ಸ್ಟಿ ಶುಲ್ಕವೂ ಅನ್ವಯವಾಗಿದೆ. ಆದರೆ ಆಗಸ್ಟ್ ಮತ್ತು ಜನವರಿಯ ಪ್ರದರ್ಶನದ ವೇಳೆ ಜಿಎಸ್ಸ್ಟಿ ಪಾವತಿಸದ ಕಾರಣ ತೆರಿಗೆ ಇಲಾಖೆಯಿಂದ ಇದೀಗ ಕೋಟಿ ತೆರಿಗೆ ಹಣ ಪಾವತಿಸುವಂತೆ ಆಯೋಜಕರಿಗೆ ನೋಟಿಸ್ ನೀಡಲಾಗಿದೆ.
2016-17ರ ಜನವರಿ ಮತ್ತು ಆಗಸ್ಟ್ ಪ್ರದರ್ಶನಗಳಲ್ಲಿ ವಯಸ್ಕರಿಗೆ ಸಾಮಾನ್ಯ ದಿನಗಳಲ್ಲಿ 50 ರೂ. ಹಾಗೂ ರಜಾ ದಿನಗಳಲ್ಲಿ 60 ರೂ. ಇತ್ತು. ಮಕ್ಕಳಿಗೆ 10 ರೂ.ಗಳನ್ನು ನಿಗದಿಪಡಿಸಲಾಗಿತ್ತು.
ಇದೀಗ ಸಾಮಾನ್ಯ ದಿನಗಳಲ್ಲಿ ಒಳಗೊಂಡಂತೆ ಎಲ್ಲಾ ದಿನಗಳಲ್ಲೂ 70 ರೂ. ಹೆಚ್ಚಿಸಲಾಗಿದೆ. ಮಕ್ಕಳಿಗೆ 20 ರೂ. ವಿಧಿಸಲಾಗಿದೆ ಇದೀಗ ಇದಕ್ಕೆ ತೀವ್ರ ವಿರೋಧ ವ್ಯಕ್ತವಾಗಿದೆ. ಪ್ರತಿ ವರ್ಷದಂತೆ ಈ ವರ್ಷವೂ ಕೂಡ 10 ರೂ.ಗಳನ್ನು ಏರಿಸಬಹುದಾಗಿತ್ತು, ಕೆಲವು ಪುಷ್ಪ ಪ್ರಿಯರು ಪ್ರತಿ ನಿತ್ಯವೂ ಬರುತ್ತಾರೆ ಈ ಶುಲ್ಕ ಹೊರೆಯಾಗಲಿದೆ ಎಂದು ಅಭಿಪ್ರಾಯ ವ್ಯಕ್ತವಾಗಿದೆ.