• search

ವೀಕ್ಲಿ ಆಫ್‌ ಇಲ್ಲದೆ ಆರು ಬೋಗಿಯ ಮೆಟ್ರೋ ಭಾನುವಾರವೂ ಸೇವೆ ನೀಡಿದೆ

By Nayana
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
        ಆರು ಬೋಗಿಯ ಮೆಟ್ರೋ ಭಾನುವಾರವೂ ಸೇವೆ ನೀಡಿದೆ | Oneindia kannada

        ಬೆಂಗಳೂರು, ಜೂನ್ 25 : ಆರು ಬೋಗಿಗಳ ಮೆಟ್ರೋ ಸುಂದರಿಗೆ ಟೆಕ್ಕಿಗಳ ರೀತಿ ವೀಕ್ಲಿ ಆಫ್. ಅಂದ್ರೆ, ಐದು ದಿನಗಳ ಕಾಲ, ಸೋಮವಾರದಿಂದ ಶುಕ್ರವಾರದವರೆಗೆ ಮೈಮುರಿಯುವಂತೆ ದುಡಿದು, ಶನಿವಾರ ಮತ್ತು ಭಾನುವಾರ ವಿಶ್ರಾಂತಿ!

        ಆದರೆ, ಶುಕ್ರವಾರದಿಂದ ತನ್ನ ಸೇವೆ ಆರಂಭಿಸಿರುವ ಆರು ಬೋಗಿಗಳ ಮೆಟ್ರೋ ಅನಿವಾರ್ಯವಾಗಿ ಭಾನುವಾರವೂ ಕೆಲಸ ಮಾಡುವಂತಾಗಿದೆ. ಈ ಮೆಟ್ರೋ ಭಾನುವಾರವೂ ಕೂಡ ಮೈಸೂರು ರಸ್ತೆ-ಬೈಯಪ್ಪನಹಳ್ಳಿ ನೇರಳೆ ಮಾರ್ಗದಲ್ಲಿ ಐದು ಟ್ರಿಪ್‌ಗಳನ್ನು ನಡೆಸಿದೆ.

        ಸೋಮವಾರದಿಂದ ಶುಕ್ರವಾರದವರೆಗೆ ಪೀಕ್‌ ಸಮಯದಲ್ಲಿ ಮಾತ್ರ ಆರು ಬೋಗಿಯ ಮೆಟ್ರೋ ಸಂಚರಿಸಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದರು. ಆದರೆ ಭಾನುವಾರ ಪ್ರಯಾಣಿಕರ ಸಂಖ್ಯೆ ಕಡಿಮೆ ಇದ್ದರೂ ಕೂಡ ಸಿಬ್ಬಂದಿಗೆ ತರಬೇತಿ ನೀಡುವ ಉದ್ದೇಶದಿಂದ ಆರು ಬೋಗಿಯ ರೈಲನ್ನು ಕಾರ್ಯಾಚರಣೆಗೊಳಿಸಲಾಯಿತು.

        ನಮ್ಮ ಮೆಟ್ರೋಗೆ ಆರು ಕೋಚ್‌ ಸೇವೆಯ ಗರಿ!

        ಬೆಳಗ್ಗೆ 11.18ಕ್ಕೆ ಬೈಯಪ್ಪನಹಳ್ಳಿಯಿಂದ ಹೊರಟ ರೈಲು ಸಂಜೆ 5.21ರವರೆಗೆ ಸೇವೆ ನೀಡಿತು. ನಂತರ 5.32ರಿಂದ ಮತ್ತೆ ಸೇವೆ ಆರಂಭವಾಗಿಯಿತು. 6.57ಕ್ಕೆ ಬೈಯಪ್ಪನಹಳ್ಳಿ ನಿಲ್ದಾಣಕ್ಕೆ ಬಂದ ರೈಲು ಆ ದಿನದ ಕಾರ್ಯಾಚರಣೆಯನ್ನು ಅಂತ್ಯಗೊಳಿಸಿತು. ಸಂಜೆ 6.58ಕ್ಕೆ ಬೈಯಪ್ಪನಹಳ್ಳಿಗೆ ಕಳುಹಿಸಿ ನಿರ್ವಹಣೆ ಮಾಡಲಾಯಿತು.

        Six coaches metro ran on Sunday too

        ಸದ್ಯ ಮೆಟ್ರೊ ಬಳಿಯಿರುವ 50 ರೈಲುಗಳ ಪೈಕಿ ಒಂದು ರೈಲಿಗೆ ಬೆಮೆಲ್ ಸಂಸ್ಥೆ ನೀಡಿದ 3 ಬೋಗಿಗಳನ್ನು ಸೇರಿಸಿ 6 ಬೋಗಿಗಳನ್ನಾಗಿ ಪರಿವರ್ತಿಸಲಾಗಿದೆ. ಪ್ರತಿದಿನ ಪೀಕ್ ಅವರ್ ನಲ್ಲಿ 12 ಟ್ರಿಪ್ ಗಳಲ್ಲಿ ಈ 6 ಬೋಗಿಗಳ ರೈಲನ್ನು ಬಳಸಿಕೊಳ್ಳಲು ಮೆಟ್ರೊ ನಿಗಮ ನಿರ್ಧರಿಸಿದೆ. ರೈಲ್ವೇ ಸುರಕ್ಷತಾ ಆಯುಕ್ತರು 6 ಬೋಗಿಗಳ ರೈಲು ಗರಿಷ್ಠ 80 ಕಿಲೋ ಮೀಟರ್ ಸ್ಪೀಡ್ ನಲ್ಲಿ ಸಂಚರಿಸಲು ಅನುಮತಿ ನೀಡಿದ್ದಾರೆ.

        2019ರ ಜೂನ್ ವೇಳೆಗೆ ಪೂರ್ಣ ಪ್ರಮಾಣದಲ್ಲಿ ಮೆಟ್ರೊ ರೈಲುಗಳೆಲ್ಲಾ 6 ಬೋಗಿಗಳಾದರೆ ಪ್ರಯಾಣಿಕರ ಹೊತ್ತೊಯ್ಯುವ ಸಾಮರ್ಥ್ಯ ಹೆಚ್ಚಾಗಲಿದೆ. ಆಗಸ್ಟ್ ನಲ್ಲಿ ಮತ್ತೊಂದು ಸೆಟ್ ಕೋಚ್ ಬೆಮೆಲ್ ನಿಂದ ಮೆಟ್ರೊ ನಿಗಮಕ್ಕೆ ಹಸ್ತಾಂತರವಾಗಲಿದೆ.

        ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

        English summary
        Commuters were surprised while six coaches metro was on service on Sunday as it was scheduled on Monday to Friday. Later BMRCL had clarified that the staff were on training on the six coaches metro on this Sunday and it will not be regular on Sunday.

        Oneindia ಬ್ರೇಕಿಂಗ್ ನ್ಯೂಸ್,
        ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

        X
        We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more