ಪೊಲೀಸರ ಮೇಲೆ ಮಚ್ಚು ಎತ್ತಿದ ರೌಡಿಗೆ ಗುಂಡು

ಬೆಂಗಳೂರು, ನವೆಂಬರ್ 09 : ಕುಡಿದ ಅಮಲಿನಲ್ಲಿ ಪೊಲೀಸರ ಮೇಲೆ ಮಚ್ಚು ಬೀಸಿದ ರೌಡಿಗೆ ಬೆಂಗಳೂರಿನ ಪೊಲೀಸರು ಗುಂಡೇಟಿನ ರುಚಿ ತೋರಿಸಿದ್ದಾರೆ.

ಎಲೆ ಕಲಾಲೋನಿ ವಾಸವಿದ್ದ ರೌಡಿ ಶ್ರೀನಿವಾಸ್ ಅಲಿಯಾಸ್ ಭೋಜ ನವೆಂಬರ್ 8 ರ ರಾತ್ರಿ ತನ್ನ ಸಹಚರರೊಂದಿಗೆ ಸೇರಿ ಎಲೆ ಕಾಲೋನಿಯಲ್ಲಿ ಹತ್ತಾರು ಕಾರುಗಳ ಗಾಜು ಪುಡಿ ಮಾಡಿ ದಾಂದಲೆ ನಡೆಸಿದ್ದ. ಸಾರ್ವಜನಿಕರು ನೀಡಿದ ದೂರಿನನ್ವಯ ನವೆಂಬರ್ 9 ರ ಗುರುವಾರ ಬೆಳಿಗ್ಗೆ ಪೊಲೀಸರು ಭೋಜನನ್ನು ಬಂಧಿಸಲು ತೆರಳಿದ್ದರು.

ಕುಡಿದ ಮತ್ತಿನಲ್ಲಿದ್ದ ಭೋಜ ಪೊಲೀಸರ ಮೇಲೆ ಮಚ್ಚು ಬೀಸಲು ಮುಂದಾಗಿದ್ದಾನೆ. ಈ ಸಮಯದಲ್ಲಿ ಆತ್ಮರಕ್ಷಣೆಗೆಂದು ಪೊಲೀಸ್ ಇನ್ಸ್ಪೆಕ್ಟರ್ ಶೇಖರ್ ಭೋಜನ ಮೇಲೆ ಪೈರಿಂಗ್ ಮಾಡಿದ್ದಾರೆ.

ಇದೀಗ ಭೊಜನನ್ನು ಆಸ್ಪತ್ರೆಗೆ ದಾಖಲಿಸಿದ್ದು ಚಿಕಿತ್ಸೆ ನೀಡಲಾಗುತ್ತಿದೆ. ಸ್ಥಳಕ್ಕೆ ಪೊಲೀಸ್ ಆಯುಕ್ತೆ ಮಾಲಿನಿ ಕೃಷ್ಣಮೂರ್ತಿ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಈ ಮುಂಚೆಯೂ ಭೋಜನ ಮೇಲೆ ಎರಡು ಕೊಲೆ ಪ್ರಕರಣಗಳು ನ್ಯಾಯಾಲಯದಲ್ಲಿದ್ದವು. ಅದಲ್ಲದೆ ಸ್ಥಳೀಯರಿಗೆ ವಿಪರೀತ ತೊಂದರೆ ಕೊಡುತ್ತಿದ್ದ ಎಂಬ ದೂರುಗಳು ಭೋಜನ ಮೇಲೆ ಕೇಳಿ ಬಂದಿದ್ದವು.

English summary

Police subinspecter Shekhar fires on Goon Shrinivas alias Bojha in ele colony, Bangalore on Novembre 9 nth morninig. Ele colony peaople complaint against Boja to police that he thrashed several Cars and creating Kheos in the colony. so that the police went to arrest him. in that time Bhoja attacked police by weapon so SI Shekhar Shoots him. now he is in hospital.