ಫುಟ್ಪಾತ್ ಮೇಲೆ ಬೈಕ್ ಸಂಚಾರಕ್ಕೆ ಬಿತ್ತು ಬ್ರೇಕ್
ಬೆಂಗಳೂರು, ಫೆಬ್ರವರಿ 24 : ನಗರದಲ್ಲಿ ಫುಟ್ ಪಾತ್ ಮೇಲೆ ವಾಹನ ಚಲಾಯಿಸುವವರ ಸಂಖ್ಯೆ ಹೆಚ್ಚಾಗಿದೆ. ಪಾದಚಾರಿಗಳಿಂದ ಸಾಕಷ್ಟು ವಿರೋಧ ವ್ಯಕ್ತವಾಗಿತ್ತು.
ಪಾದಚಾರಿ ಮಾರ್ಗಗಳಲ್ಲಿ ಬೈಕ್ ಚಾಲನೆಯನ್ನು ತಡೆಯಲು ಅಲಸೂರು ಸಂಚಾರ ಪೊಲೀಸರು ಒಂದು ಉಪಾಯ ಮಾಡಿದ್ದಾರೆ. ಉಪಯೋಗಕ್ಕೆ ಬಾರದಿರುವ ಕಬ್ಬಿಣದ ಪೋಲ್ ಗಳನ್ನು ತಂದು, ಪಾದಚಾರಿ ಮಾರ್ಗ ಮಧ್ಯದಲ್ಲಿ ಇರಿಸಿದ್ದಾರೆ. ಇದರಿಂದ ಬೈಕ್ ಸವಾರರು ಪಾದಚಾರಿ ಮಾರ್ಗದಲ್ಲಿ ಚಲಾಯಿಸುವುದಕ್ಕೆ ಕಡಿವಾಣ ಬಿದ್ದಂತಾಗಿದೆ. ಸಾರ್ವಜನಿಕರು ಪೊಲೀಸರ ಈ ಕಾರ್ಯಕ್ಕೆ ಸಂಸತ ವ್ಯಕ್ತಪಡಿಸಿದ್ದಾರೆ.
ಬೆಂಗಳೂರು: ಶೀಘ್ರವೇ 85 ರಸ್ತೆಗಳಲ್ಲಿ ಸ್ಮಾರ್ಟ್ ಪಾರ್ಕಿಂಗ್ ವ್ಯವಸ್ಥೆ
ಅಲಸೂರು ಪೊಲೀಸರು ಹೇಳುವ ಪ್ರಕಾರ ಪೊಲೀಸ್ ಠಾಣೆ ಅಕ್ಕಪಕ್ಕದಲ್ಲಿ ಉಪಯೋಗಿಸಲು ಬಾರದಿರುವ ಕಬ್ಬಿಣ ಪೋಲ್ ಗಳು ಬಿದ್ದಿದ್ದವು. ಅದನ್ನು ತೆಗೆದುಕೊಂಡು 3 ಅಡಿ ಎತ್ತರದಲ್ಲಿ ಕತ್ತರಿಸಿ ಇಂದಿರಾನಗರದ 100ಅಡಿ ರಸ್ತೆಯ ಫುಟ್ ಪಾತ್, ಅಲಸೂರು ಮೆಟ್ರೋ ನಿಲ್ದಾಣ ಬಳಿ ಫುಟ್ ಪಾತ್ ಮಧ್ಯೆ ಅಳವಡಿಸಿದ್ದೇವೆ. ರಾತ್ರಿ ಹೊತ್ತು ಕಾಣುವ ಸಲುವಾಗಿ ಅದರ ಮೇಲೆ ಸ್ಟಿಕ್ಕರ್ ಗಳನ್ನು ಅಳವಡಿಸಲಾಗಿದೆ.
ಕೇವಲ ಬೈಕ್ ಸವಾರರನ್ನು ತಡೆಯುವುದಲ್ಲದೆ ಉಪಯೋಗಕ್ಕೆ ಬಾರದಿರುವ ವಸ್ತುಗಳು ಅಲ್ಲಲ್ಲಿ ಬಿದ್ದು ಹಾಳಾಗುವುದಕ್ಕಿಂತ ಅದರಿಂದ ಪ್ರಯೋಜನ ಪಡೆಯಬಹುದು ಎನ್ನುವುದು ಒಂದು ಆಲೋಚನೆಯಾಗಿದೆ.