ಬೆಸ್ಕಾಂ ಸಹಾಯವಾಣಿಯ ಮತ್ತಷ್ಟು ಸಂಖ್ಯೆಗಳು ಪ್ರಕಟ
ಈಗಿರುವ ಬೆಸ್ಕಾಂ ಸಹಾಯವಾಣಿ ಸಂಖ್ಯೆಯಾದ 1921ಗೆ ಹೆಚ್ಚುವರಿಯಾಗಿ ಮತ್ತಷ್ಟು ಸಂಖ್ಯೆಗಳನ್ನು ನೀಡಿದ ಬೆಸ್ಕಾಂ. ಬೆಂಗಳೂರು, ದಕ್ಷಿಣ, ಉತ್ತರ, ಪೂರ್ವ ಹಾಗೂ ಪಶ್ಚಿಮ ವಲಯಗಳಿಗೆ ಪ್ರತ್ಯೇಕ ನಂಬರ್.
ಬೆಂಗಳೂರು, ಜೂನ್ 26: ಸಾಮಾನ್ಯವಾಗಿ ಯಾವುದೇ ವಿದ್ಯುತ್ ವ್ಯತ್ಯಯಗಳಿಗೆ ಹಾಗೂ ಇಲಾಖಾ ಮಟ್ಟದಲ್ಲೇ ಆಗಬೇಕಿರುವ ರಿಪೇರಿ ಮುಂತಾದ ವಿಚಾರಗಳಿಗೆ ಜನಸಾಮಾನ್ಯರು ಬೆಸ್ಕಾಂ ಸಹಾಯವಾಣಿ ಸಂಖ್ಯೆಯಾದ 1912ಗೆ ಕರೆ ಮಾಡುವುದು ರೂಢಿಯಲ್ಲಿದೆ.
ಮಳೆಗೆ ಬೆಚ್ಚಿದ ಬೆಂಗಳೂರಿಗರಿಗೆ ಬೆಸ್ಕಾಂ ಸಹಾಯವಾಣಿಗಳು!
Dear Consumer's
— Namma BESCOM (@NammaBESCOM) June 26, 2017
If helpline no 1912 is busy,please contact following no's, pic.twitter.com/oqgqbZu5zW
ಆದರೆ, ಕೆಲವೊಮ್ಮೆ ಈ ಸಂಖ್ಯೆಗೆ ಎಷ್ಟೇ ಕರೆ ಮಾಡಿದರೂ ಸಂಪರ್ಕ ಸಾಧ್ಯವಾಗುವುದಿಲ್ಲ. ಗ್ರಾಹಕರ ಕರೆಗಳು ಈ ಸಂಖ್ಯೆಗೆ ಹೆಚ್ಚಾದಂತೆಲ್ಲಾ ಸಂಪರ್ಕ ಅಲಭ್ಯವಾಗುತ್ತದೆ. ಇದರಿಂದ ನಾಗರಿಕರ ಅಸಮಾಧಾನವೂ ಹೆಚ್ಚಾಗುತ್ತದೆ.
ಈ ಹಿನ್ನೆಲೆಯಲ್ಲಿ, ಬೆಸ್ಕಾಂ ಸಂಸ್ಥೆಯು ತನ್ನ ತನ್ನ ಸಹಾಯವಾಣಿಯ ಮತ್ತಷ್ಟು ಸಂಖ್ಯೆಗಳನ್ನು ಟ್ವಿಟರ್ ನಲ್ಲಿ ಪ್ರಕಟಿಸಿದೆ. ಬೆಂಗಳೂರು ದಕ್ಷಿಣ, ಉತ್ತರ, ಪೂರ್ವ ಹಾಗೂ ಪಶ್ಚಿಮ ವಲಯಗಳಿಗೆ ತಲಾ ಮೂರು ಪ್ರತ್ಯೇಕ ಸಂಖ್ಯೆಗಳನ್ನು ನೀಡಲಾಗಿದ್ದು, ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳುವಂತೆ ಸಂಸ್ಥೆ ಕೋರಿದೆ.