ಬೆಂಗಳೂರು ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
Oneindia App Download

ಲಾಲ್ ಬಾಗ್ ನಲ್ಲಿ ಜನವರಿ ಹೊತ್ತಿಗೆ ಮಿನಿ ನಯಾಗರ ಜಲಪಾತ

|
Google Oneindia Kannada News

ಬೆಂಗಳೂರು, ನವೆಂಬರ್ 10: ಇಲ್ಲಿನ ಲಾಲ್ ಬಾಗ್ ಬಹು ದೊಡ್ಡ ಆಕರ್ಷಣೆ ಎಂಬುದರಲ್ಲಿ ಎರಡು ಮಾತಿಲ್ಲ. ಮುಂದಿನ ಜನವರಿ ವೇಳೆಗೆ ಈ ಆಕರ್ಷಣೆಗೆ ಮತ್ತಷ್ಟು ಮೆರುಗು ಸೇರ್ಪಡೆಯಾಗಲಿದೆ. ಅಂದುಕೊಂಡಂತೆ ಎಲ್ಲವೂ ನೆರವೇರಿದರೆ ಲಾಲ್ ಬಾಗ್ ನ ಸಸ್ಯೋದ್ಯಾನದಲ್ಲಿ ಮುಂದಿನ ಜನವರಿ ಹೊತ್ತಿಗೆ ಮಿನಿ ನಯಾಗರ ಜಲಪಾತ ನಿರ್ಮಾಣವಾಗುತ್ತದೆ.

ಅಯ್ಯಯ್ಯೋ, ಇಲ್ನೋಡಿ, ಲಾಲ್ ಬಾಗ್ ಕೆರೆ ತುಂಬ ಹಾವೋ ಹಾವು!ಅಯ್ಯಯ್ಯೋ, ಇಲ್ನೋಡಿ, ಲಾಲ್ ಬಾಗ್ ಕೆರೆ ತುಂಬ ಹಾವೋ ಹಾವು!

ಕೃತಕವಾಗಿ ನಿರ್ಮಿಸುವ ಈ ಜಲಪಾತ 25 ಅಡಿಯಷ್ಟು ಎತ್ತರ ಇರಲಿದೆ. 120 ಅಡಿಯಷ್ಟು ವಿಸ್ತಾರವಾಗಿ ನೀರು ಧುಮ್ಮಿಕ್ಕಲಿದೆ. ಈ ಯೋಜನೆಗೆ 2.7 ಕೋಟಿ ರುಪಾಯಿ ವೆಚ್ಚ ತಗುಲಲಿದ್ದು, ಆ ಮೊತ್ತವನ್ನು ರಾಜ್ಯ ತೋಟಗಾರಿಕೆ ಇಲಾಖೆಯಿಂದ ನೀಡಲಾಗಿದೆ. ಕಳೆದ ಒಂದು ವರ್ಷದಿಂದ ಲೋಕೋಪಯೋಗಿ ಇಲಾಖೆಯಿಂದ ಈ ಕಾಮಗಾರಿ ನಡೆಯುತ್ತಿದೆ.

'Mini Niagara Falls' at Bengaluru’s Lalbagh to be ready by January

ಲಾಲ್ ಬಾಗ್ ಕೆರೆಯ ಬಳಿಯೇ ಈ ಜಲಪಾತ ನಿರ್ಮಿಸುತ್ತಿದ್ದು, ಕೆರೆಯ ನೀರನ್ನೇ ಇದಕ್ಕಾಗಿ ಬಳಸಿಕೊಳ್ಳಲಾಗುತ್ತದೆ. ಇದು ಹೇಗೆ ಕೆಲಸ ಮಾಡುತ್ತದೆ ಎಂಬುದನ್ನು ತಿಳಿಯಲು ಇನ್ನು ಹದಿನೈದು ದಿನದಲ್ಲಿ ಪ್ರಾಯೋಗಿಕ ಪರೀಕ್ಷೆ ನಡೆಯಲಿದೆ ಎಂದು ಮೂಲಗಳು ತಿಳಿಸಿವೆ.

ಲಾಲ್ ಬಾಗಿನಲ್ಲಿ ಕಂಗೊಳಿಸುತ್ತಿದೆ ಕುಸುಮ ಕವಿಶೈಲಲಾಲ್ ಬಾಗಿನಲ್ಲಿ ಕಂಗೊಳಿಸುತ್ತಿದೆ ಕುಸುಮ ಕವಿಶೈಲ

ಕಳೆದ ಮೇನಲ್ಲಿ ಈ ಮಿನಿ ನಯಾಗರ ನಿರ್ಮಾಣ ಆಗುವ ಬಗ್ಗೆ ವರದಿಯಾಗಿತ್ತು. ಮಿನಿ ನಯಾಗರ ನಿರ್ಮಾಣಕ್ಕಾಗಿ ಲಾಲ್ ಬಾಗ್ ನ ದೊಡ್ಡ ಕೆರೆಯಿಂದ ಸಣ್ಣ ಕೆರೆಗೆ ನೀರು ಪಂಪ್ ಮಾಡಲಾಗುತ್ತದೆ. ಅದಕ್ಕಾಗಿ 250 ಎಚ್ ಪಿ ಸಾಮರ್ಥ್ಯದ ಮೋಟಾರ್ ಬಳಸಲಾಗುತ್ತದೆ.

ಈ ರೀತಿ ವಿಶ್ವ ಪ್ರಸಿದ್ಧ ಜಲಪಾತವೊಂದರ ತದ್ರೂಪು ಮಾದರಿ ನಿರ್ಮಿಸುವುದರಿಂದ ದೇಶ- ವಿದೇಶದ ಪ್ರವಾಸಿಗರನ್ನು ಸೆಳೆಯುವುದಷ್ಟೇ ಅಲ್ಲ, ಸ್ಥಳೀಯರ ಪಾಲಿಗೂ ಪ್ರಮುಖ ಆಕರ್ಷಣೆ ಆಗಲಿದೆ ಎಂಬ ನಂಬಿಕೆ ವ್ಯಕ್ತವಾಗಿದೆ.

English summary
Bengaluru’s iconic Lalbagh botanical gardens will soon sport a mini Niagara Falls and it is expected to be ready by January.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X