ಕ್ರಿಸ್‌ಮಸ್ ರಜೆ, ಕೆಎಸ್ಆರ್‌ಟಿಸಿಯಿಂದ ವಿಶೇಷ ಬಸ್ಸುಗಳು

ಬೆಂಗಳೂರು, ಡಿಸೆಂಬರ್ 21 : ಕ್ರಿಸ್‌ಮಸ್ ಹಬ್ಬದ ಹಿನ್ನೆಲೆಯಲ್ಲಿ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ ವಿಶೇಷ ಬಸ್ಸುಗಳ ವ್ಯವಸ್ಥೆ ಮಾಡಿದೆ. ಡಿಸೆಂಬರ್ 23 ಮತ್ತು 24ರಂದು ಬಸ್ಸುಗಳು ಬೆಂಗಳೂರಿನಿಂದ ವಿವಿಧ ಸ್ಥಳಗಳಿಗೆ ಸಂಚಾರ ನಡೆಸಲಿವೆ.

ಕೆಎಸ್ಆರ್‌ಟಿಸಿಯ 500 ಬಸ್ಸುಗಳು ಬೆಂಗಳೂರಿನಿಂದ ರಾಜ್ಯದ ವಿವಿಧ ಪ್ರದೇಶಗಳಿಗೆ ತೆರಳಲಿವೆ. ರಾಜ್ಯದ ಬೇರೆ-ಬೇರೆ ಸ್ಥಳಗಳಿಂದ ಡಿಸೆಂಬರ್ 27ರಂದು ಬೆಂಗಳೂರಿಗೆ ವಾಪಸ್ ಆಗಲಿವೆ. [2016ರ ರಜೆ ಪಟ್ಟಿ ನೋಡಿ]

ವಿಶೇಷ ಬಸ್ಸುಗಳಲ್ಲಿ ಸಂಚಾರ ನಡೆಸುವ ಪ್ರಯಾಣಿಕರು www.ksrtc.in ವೆಬ್‌ಸೈಟ್‌ಗೆ ಭೇಟಿ ನೀಡಿ ಟಿಕೆಟ್ ಬುಕ್ ಮಾಡಬಹುದಾಗಿದೆ. ಬೆಂಗಳೂರಿನ 171, ಮೈಸೂರಿನ 17 ಮತ್ತು ಮಂಗಳೂರಿನ 35 ಕೌಂಟರ್ ಸೇರಿದಂತೆ ಬೇರೆ-ಬೇರೆ ಜಿಲ್ಲೆಗಳ 230 ಕೌಂಟರ್‌ಗಳಲ್ಲಿ ಮುಂಗಡ ಟಿಕೆಟ್ ಕಾಯ್ದಿರಿಸಬಹುದಾಗಿದೆ ಎಂದು ಸಂಸ್ಥೆಯ ಪ್ರಕರಣೆ ತಿಳಿಸಿದೆ.

ಯಾವ-ಯಾವ ಸ್ಥಳಗಳಿಗೆ ಬಸ್? : ಬೆಂಗಳೂರಿನ ಕೆಂಪೇಗೌಡ ಬಸ್ ನಿಲ್ದಾಣದಿಂದ ಧರ್ಮಸ್ಥಳ, ಕುಕ್ಕೆ ಸುಬ್ರಮಣ್ಯ, ಶಿವಮೊಗ್ಗ, ಹಾಸನ, ಮಂಗಳೂರು, ಕುಂದಾಪುರ, ಶೃಂಗೇರಿ, ಹೊರನಾಡು, ದಾವಣಗೆರೆ, ಹುಬ್ಬಳ್ಳಿ, ಧಾರವಾಡ. ಬೆಳಗಾವಿ, ವಿಜಯಪುರ, ಗೋಕರ್ಣ, ಶಿರಸಿ, ಕಾರವಾರ, ರಾಯಚೂರು, ಕಲಬುರಗಿ, ಬಳ್ಳಾರಿ, ಕೊಪ್ಪಳ, ಯಾದಗಿರಿ, ಬೀದರ್ ಮುಂತಾದ ಸ್ಥಳಗಳಿಗೆ ವಿಶೇಷ ಬಸ್ಸುಗಳು ಸಂಚಾರ ನಡೆಸಲಿವೆ.

ಸಾಲು ರಜೆಗಳು

* ಡಿಸೆಂಬರ್ 24 - ಗುರುವಾರ (ಈದ್ ಮಿಲಾದ್)
* ಡಿಸೆಂಬರ್ 25 - ಶುಕ್ರವಾರ (ಕ್ರಿಸ್ ಮಸ್)
* ಡಿಸೆಂಬರ್ 26 - ಶನಿವಾರ
* ಡಿಸೆಂಬರ್ 27 - ಭಾನುವಾರ

English summary

In view of the Christmas festival KSRTC is operating 500 extra buses on December 23 and 24, 2015. Special buses will be exclusively operated from Kempegowda bus station Bengaluru. Passengers can book tickets on www.ksrtc.in website.