KSRP:ಮಹಿಳಾ ಸಿಬ್ಬಂದಿಗಳಿಗೆ ವಾಹನಗಳಲ್ಲಿ ಶೌಚಾಲಯ ವ್ಯವಸ್ಥೆ

ಬೆಂಗಳೂರು, ಏಪ್ರಿಲ್ 02: ಕೆಎಸ್ಆರ್ ಪಿ ಮಹಿಳಾ ಸಿಬ್ಬಂದಿಗಳು ತರಬೇತಿ ಪಡೆಯುವ ಜಾಗದಲ್ಲಿ ಶೌಚಾಲಯ ವ್ಯವಸ್ಥೆ ಇಲ್ಲದ ಪರದಾಡುತ್ತಿದ್ದರು. ಹಾಗಾಗಿ ಕೆಎಸ್ಆರ್ ಪಿ ವಾಹನದಲ್ಲಿಯೇ ಶೌಚಾಲಯ ನಿರ್ಮಿಸಲಾಗಿದೆ.

ಸುಮಾರು 6330 ಮಹಿಳಾ ಸಿಬ್ಬಂದಿಗಳು ತರಬೇತಿ ಪಡೆಯುವ ಜಾಗದಲ್ಲಿ ಶೌಚಾಲಯವಿರಲಿಲ್ಲ. ಮೊದಲ ಶೌಚಾಲಯ ಕೊಯಮತ್ತೂರಿನಲ್ಲಿ 1.5ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಿಸಿದ್ದು ಶೀಘ್ರದಲ್ಲಿ ಇನ್ನುಳಿದ ವಾಹನಗಳಿಗೂ ವಿಸ್ತರಿಸಲಾಗುತ್ತದೆ ಎಂದು ಕೆಎಸ್ಆರ್ ಪಿ ತಿಳಿಸಿದೆ.

ಸದ್ಯಕ್ಕೆ ಒಂದು ವಾಹನದಲ್ಲಿ ಶೌಚಾಲಯ ನಿರ್ಮಿಸಿದ್ದು ಶೀಘ್ರದಲ್ಲಿ ಐದು ವಾಹನಗಳಿಗೆ ವಿಸ್ತರಿಸಲಾಗುತ್ತದೆ. ಮಹಿಳೆಯರು ಹಾಗೂ ಪುರುಷ ಪೊಲೀಸ್ ಸಿಬ್ಬಂದಿಗಳ ಬೇಡಿಕೆ ಮೇರೆಗೆ ನಿರ್ಮಿಸಲಾಗುತ್ತದೆ. ಈಗಿರುವ ವಾಹನಗಳ ಪೈಕಿ ಶೇ.50ರಷ್ಟು ವಾಹನಗಳಿಗೆ ಶೌಚಾಲಯ ಅಳವಡಿಸುವ ಗುರಿ ಹೊಂದಲಾಗಿದೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ವಾಹನದ ಹಿಂಭಾಗ 12 ಚದರಡಿ ವಿಸ್ತೀರ್ಣದಲ್ಲಿ ಶೌಚಾಲಯ ನಿರ್ಮಿಸಲಾಗುತ್ತದೆ. ಹಾಗೆಯೇ 300 ಲೀಟರ್ ವಾಟರ್ ಟ್ಯಾಂಕ್ ಅಳವಡಿಸಲಾಗಿರುತ್ತದೆ. ಎರಡು ಹತ್ತಿರದಲ್ಲಿರುವ ಮ್ಯಾನ್ ಹೋಲ್‌ನಿಂದ ಎರಡು ಒಳಚರಂಡಿ ಪೈಪ್‌ಗಳನ್ನು ಅಳವಡಿಸಲಾಗಿರುತ್ತದೆ.

ದೊಂಬಿ, ಗಲಾಟೆ, ಬಂದ್ ಗಳು ನಡೆದಾಗ ಶುಚಿತ್ವದ ಕೊರತೆ ಉಂಟಾಗುತ್ತದೆ. ಕೆಲವೊಂದು ವಾಹನಗಳಲ್ಲಿ ಅಡುಗೆ ತಯಾರಿಸಲು ಸಲಕರಣೆ, ಬುಲೆಟ್ ಪ್ರೂಫ್ ಜಾಕೆಟ್ ಗಳು, ಟಿಯರ್ ಗ್ಯಾಸ್ ಹೀಗೆ ಎಲ್ಲಾ ಸೌಕರ್ಯಗಳು ಇರುವಾಗ ಶೌಚಾಲಯ ಮಾತ್ರ ಯಾಕೆ ಇಲ್ಲ ಎನ್ನುವ ಪ್ರಶ್ನೆ ಎಲ್ಲರನ್ನು ಕಾಡುತ್ತದೆ.

English summary

Standing guard in the open, often in tense situation or those involving large crowds, the police have little access to basic amenities. This particularly worse for the over 6,330 women police officials who have no access to clean women -friendly toilets.