#Bengaluru

'ಚೊಂಬು' ವಾಗ್ದಾದ: ಕಾವೇರಿ ನೀರು ಹರಿಸಿ ಕನ್ನಡಿಗರಿಗೆ ಖಾಲಿ ಚೊಂಬು ಕೊಟ್ಟಿದ್ದು ನೀವು: ಬಿಜೆಪಿ ತಿರುಗೇಟು
#Bengaluru

ಜಿಹಾದಿಗಳಿಗೆ 'ಪಾಸ್‌ಪೋರ್ಟ್‌' ಗಲಭೆಕೋರರಿಗೆ 'ವೀಸಾ' ನೀಡುವ ಕಾಂಗ್ರೆಸ್: ಬಿಜೆಪಿ
#Bengaluru

Bengaluru Rain: ಸುದೀರ್ಘ ಕಾಯುವಿಕೆ ಅಂತ್ಯ: ಬೆಂಗಳೂರಿಗೆ ಎಂಟ್ರಿ ಕೊಟ್ಟ ಮಳೆ; ವಿಡಿಯೋ ನೋಡಿ
#Bengaluru

Monsoon: ಬೆಂಗಳೂರಿನಲ್ಲಿ 'ಮುಂಗಾರು ಪೂರ್ವ' ಬಿಬಿಎಂಪಿ ಕಾರ್ಯಕ್ರಮಗಳ ಪಟ್ಟಿ
#Bengaluru

Namma Metro Pink Line: ಮೆಟ್ರೋ ಸುರಂಗ ಕಾಮಗಾರಿ ಬಹುತೇಕ ಪೂರ್ಣ: ಯೋಜನೆಯ ಅಪ್ಡೇಟ್
#Bengaluru

ಮಹಾರಾಜರು ಬೆಂಗಳೂರು ಅರಮನೆ ಮೈದಾನ ಜಾಗ ಬಿಟ್ಟು ಕೊಡುವಂತೆ ಎಎಪಿ ಆಗ್ರಹ

ಬೆಂಗಳೂರು : 'ಕಿಸ್ ಆಫ್‌ ಲವ್' ನಡೆಯುತ್ತಾ?

| Updated: Saturday, November 29, 2014, 9:14 [IST]

ಬೆಂಗಳೂರು, ನ.29 : ಬೆಂಗಳೂರಿನಲ್ಲಿ 'ಕಿಸ್ ಆಫ್‌ ಲವ್' ಆಚರಣೆ ನಡೆಯಲಿದೆಯೇ? ಇಲ್ಲವೇ? ಈ ಪ್ರಶ್ನೆಗೆ ಇನ್ನೂ ಉತ್ತರ ದೊರಕಿಲ್ಲ. ಪೊಲೀಸರು ಕಾರ್ಯಕ್ರಮಕ್ಕೆ ಅನುಮತಿ ನೀಡಿಲ್ಲ. ಆದರೆ, 'ಕಿಸ್‌ ಆಫ್‌ ಲವ್‌' ಆಯೋಜಕರು ಭಾನುವಾರ ಕಾರ್ಯಕ್ರಮ ನಡೆಸುತ್ತೇವೆ ಎಂದು ಪೊಲೀಸರೊಂದಿಗೆ ಸಂಘರ್ಷಕ್ಕೆ ಇಳಿದಿದ್ದಾರೆ.

'ಕಿಸ್ ಆಫ್‌ ಲವ್‌'ನ ಮೊದಲಿನ ಸ್ವರೂಪವನ್ನು ಬದಲಾವಣೆ ಮಾಡಿ, ಯಾರಿಗೂ ತೊಂದರೆಯಾಗದಂತೆ ಭಾನುವಾರ ಸಂಜೆ 4 ಗಂಟೆಗೆ ಟೌನ್‌ಹಾಲ್ ಮುಂಭಾಗದಲ್ಲಿದಲ್ಲಿ 'ಕಿಸ್‌ ಆಫ್‌ ಲವ್‌' ಆಚರಿಸುವ ಬಗ್ಗೆ ಯೋಜನೆ ರೂಪಿಸುತ್ತಿದ್ದೇವೆ ಎಂದು ಆಯೋಜಕರು ಹೇಳಿದ್ದಾರೆ. [ಕಿಸ್ ಲವ್ ನಡೆಸಲು ಪೊಲೀಸರ ಒಪ್ಪಿಗೆ ಇಲ್ಲ]

ಬೆಂಗಳೂರು ನಗರ ಪೊಲೀಸರು 'ಕಿಸ್ ಆಫ್ ಲವ್' ನಡೆಸಲು ಅನುಮತಿ ನಿರಾಕರಿಸಿರುವ ಆದೇಶದ ಪ್ರತಿ ನಮಗೆ ಲಭಿಸಿದೆ. ಶನಿವಾರ ಸಂಜೆ ಸಂಘಟನೆಯ ಸದಸ್ಯರೆಲ್ಲಾ ಸಭೆ ಸೇರಿ ಮುಂದಿನ ಯೋಜನೆ ರೂಪಿಸುತ್ತೇವೆ ಎಂದು ಆಯೋಜಕರು ತಿಳಿಸಿದ್ದಾರೆ. [ಕಿಸ್ ಆಫ್ ಲವ್ ವಿದ್ಯಾರ್ಥಿಗಳು ಹೇಳೋದೇನು?]

ಅನುಮತಿ ಕೊಡಬೇಡಿ : ಟೌನ್‌ಹಾಲ್ ಮುಂದೆ 'ಕಿಸ್‌ ಆಫ್ ಲವ್' ನಡೆಸಲು ಅನುಮತಿ ನೀಡಬೇಡಿ ಎಂದು ಪುಟ್ಟಣ್ಣ ಚೆಟ್ಟಿ ಕುಟುಂಬದವರು ಪೊಲೀಸರಿಗೆ ಮನವಿ ಮಾಡಿದ್ದಾರೆ. ಇಂಥ ಅಸಭ್ಯ ಕಾರ್ಯಕ್ರಮಗಳಿಗೆ ಅನುಮತಿ ಕೊಟ್ಟರೆ, ಪುಟ್ಟಣ್ಣ ಚೆಟ್ಟಿ ಅವರ ಗೌರವಕ್ಕೆ ಧಕ್ಕೆ ಬರಲಿದೆ ಎಂದು ಅವರು ಪೊಲೀಸರಿಗೆ ಮಾಡಿರುವ ಮನವಿಯಲ್ಲಿ ತಿಳಿಸಿದ್ದಾರೆ. [ಕಿಸ್ ಆಫ್ ಲವ್ ವಿರುದ್ಧ ಒನಕೆ ಚಳವಳಿ]

ನೈತಿಕ ಪೊಲೀಸ್‌ ಗಿರಿಯನ್ನು ವಿರೋಧಿಸಿ ಕಾನೂನು ಚೌಕಟ್ಟಿನೊಳಗೆ ಪ್ರತಿಭಟನೆ ಮಾಡಬಹುದು. ಆದರೆ, ಸಾರ್ವಜನಿಕ ಸ್ಥಳದಲ್ಲಿ ಚುಂಬಿಸುವುದು, ಅಶ್ಲೀಲವಾಗಿ ವರ್ತಿಸುವುದಕ್ಕೆ ಅವಕಾಶ ನೀಡುವುದಿಲ್ಲ ಎಂದು ನಗರ ಪೊಲೀಸ್ ಆಯುಕ್ತ ಎಂ.ಎನ್.ರೆಡ್ಡಿ ಈಗಾಗಲೇ ಸ್ಪಷ್ಟಪಡಿಸಿದ್ದಾರೆ. [ಕಿಸ್ ಆಫ್ ಲವ್ ನಿಮ್ಮ ಅಭಿಪ್ರಾಯ ತಿಳಿಸಿ]

'ಕಿಸ್‌ ಆಫ್‌ ಲವ್‌' ನಡೆಸಲು ಅನುಮತಿ ಕೋರಿ ಆಯೋಜಕರು ಹೆಚ್ಚುವರಿ ಪೊಲೀಸ್ ಆಯುಕ್ತ ಅಲೋಕ್‌ ಕುಮಾರ್ ಅವರಿಗೆ ಮನವಿ ಪತ್ರ ಸಲ್ಲಿಸಿದ್ದರು. ಆದರೆ, ಅಲೋಕ್ ಕುಮಾರ್ ಸಹ ಒಪ್ಪಿಗೆ ನೀಡಲು ಸಾಧ್ಯವಿಲ್ಲ ಎಂದು ಮನವಿಯನ್ನು ತಿರಸ್ಕರಿಸಿದ್ದಾರೆ.