ಜಯನಗರ: ಬಿಜೆಪಿಗೆ ಸಕತ್ 'ಕೈ'ಕೊಟ್ಟಿದ್ದು ಏಳು ವಾರ್ಡುಗಳ ಪೈಕಿ ಇದು!

ಬೆಂಗಳೂರು, ಜೂ 13: ಕಳೆದ ಹತ್ತು ವರ್ಷಗಳಿಂದ ಬೆಂಗಳೂರು ನಗರದ ಬಿಜೆಪಿಯ ಭದ್ರಕೋಟೆಯಾಗಿದ್ದ ಜಯನಗರ ಕ್ಷೇತ್ರದಲ್ಲಿ ಕಾಂಗ್ರೆಸ್ ತನ್ನ ಬಾವುಟವನ್ನು ಹಾರಿಸುವಲ್ಲಿ ಯಶಸ್ವಿಯಾಗಿದೆ. ಕಾಂಗ್ರೆಸ್ಸಿನ ಸೌಮ್ಯಾ ರೆಡ್ಡಿ ಗೆಲುವು ಸಾಧಿಸಿದ್ದಾರೆ.

ಕ್ಷೇತ್ರದ ವ್ಯಾಪ್ತಿಯಲ್ಲಿ ಬರುವ ಏಳು ವಾರ್ಡುಗಳ ಪೈಕಿ, ನಿರೀಕ್ಷೆಯಂತೆ ಬಿಜೆಪಿಗೆ ಕೈಕೊಟ್ಟಿದ್ದು ಮುಸ್ಲಿಂ ಪ್ರಾಭಲ್ಯದ ಗುರಪ್ಪನಪಾಳ್ಯ ವಾರ್ಡ್. ಆದರೆ, ಬಹುಷಃ ಕಾಂಗ್ರೆಸ್ ಕೂಡಾ ಈ ವಾರ್ಡಿನಲ್ಲಿ ಈ ಮಟ್ಟದ ಲೀಡ್ ಬರುತ್ತದೆ ಎಂದು ಅಂದುಕೊಂಡಿರಲಿಕ್ಕಿಲ್ಲ.

ಏಳು ವಾರ್ಡುಗಳ ಪೈಕಿ ಮೂರರಲ್ಲಿ ಕಾಂಗ್ರೆಸ್ ಮುನ್ನಡೆ ಪಡೆದರೆ, ನಾಲ್ಕರಲ್ಲಿ ಬಿಜೆಪಿ ಮುನ್ನಡೆಯನ್ನು ಸಾಧಿಸುವಲ್ಲಿ ಯಶಸ್ವಿಯಾಗಿತ್ತು. ಬಿಜೆಪಿಗೆ ಇನ್ನೊಂದು ಹಿನ್ನಡೆಯನ್ನು ತಂದುಕೊಟ್ಟ ವಾರ್ಡ್ ಎಂದರೆ ಅದು, ಬಿಜೆಪಿ ಟಿಕೆಟ್ ಆಕಾಂಕ್ಷಿಯಾಗಿದ್ದ, ಎಂ ನಾಗರಾಜ್ ಪ್ರತಿನಿಧಿಸುವ ಭೈರಸಂದ್ರ ವಾರ್ಡ್.

ಜೆ ಪಿ ನಗರ, ಶಾಖಾಂಬರಿ ನಗರ, ಸಾರಕ್ಕಿ, ಪಟ್ಟಾಭಿರಾಮ ನಗರದಲ್ಲಿ ಬಿಜೆಪಿಗೆ, ಕಾಂಗ್ರೆಸ್ ಗಿಂತ ಹೆಚ್ಚಿನ ಮತಗಳು ಬಂದಿದ್ದರೆ, ಕಾಂಗ್ರೆಸ್ ಪಕ್ಷಕ್ಕೆ ಭೈರಸಂದ್ರ, ಜಯನಗರ ಪೂರ್ವ, ಗುರಪ್ಪನಪಾಳ್ಯದಲ್ಲಿ ಲೀಡ್ ಸಿಕ್ಕಿತ್ತು. ಪ್ರತೀ ವಾರ್ಡ್ ನಲ್ಲಿ ಬಿಜೆಪಿ ಮತ್ತು ಕಾಂಗ್ರೆಸ್ಸಿಗೆ ಸಿಕ್ಕ ಮತ, ಅಂತರಗಳ ವಿವರ ಇಂತಿದೆ:

ಜೆ ಪಿ ನಗರ	ಬಿಜೆಪಿ - 8,492	ಕಾಂಗ್ರೆಸ್ - 4,984	ಲೀಡ್ - 3,508 (ಬಿಜೆಪಿಗೆ ಲೀಡ್)
ಸಾರಕ್ಕಿ	ಬಿಜೆಪಿ - 9,097	ಕಾಂಗ್ರೆಸ್ - 4,490	ಲೀಡ್ - 5,607 (ಬಿಜೆಪಿಗೆ ಲೀಡ್)
ಶಾಖಾಂಬರಿ ನಗರ	ಬಿಜೆಪಿ - 9,637	ಕಾಂಗ್ರೆಸ್ - 3,555	ಲೀಡ್ - 6,087 (ಬಿಜೆಪಿಗೆ ಲೀಡ್)
ಪಟ್ಟಾಭಿರಾಮ ನಗರ	ಬಿಜೆಪಿ - 9,358	ಕಾಂಗ್ರೆಸ್ - 4,282	ಲೀಡ್ - 5,256 (ಬಿಜೆಪಿಗೆ ಲೀಡ್)
ಭೈರಸಂದ್ರ	ಬಿಜೆಪಿ - 6,595	ಕಾಂಗ್ರೆಸ್ - 9,809	ಲೀಡ್ - 3,214 (ಕಾಂಗ್ರೆಸ್ಸಿಗೆ ಲೀಡ್)
ಜಯನಗರ ಪೂರ್ವ	ಬಿಜೆಪಿ - 5,523	ಕಾಂಗ್ರೆಸ್ - 7,777	ಲೀಡ್ - 2,254 (ಕಾಂಗ್ರೆಸ್ಸಿಗೆ ಲೀಡ್)
ಗುರಪ್ಪನಪಾಳ್ಯ	ಬಿಜೆಪಿ - 2,710	ಕಾಂಗ್ರೆಸ್ - 19,650	ಲೀಡ್ - 16,850 (ಕಾಂಗ್ರೆಸ್ಸಿಗೆ ಲೀಡ್)

ಕಾಂಗ್ರೆಸ್: 54,457
ಬಿಜೆಪಿ: 51,592
ಕಾಂಗ್ರೆಸ್ ಗೆಲುವಿನ ಅಂತರ: 2,865

English summary

Jayanagar assembly election (Bengaluru urban) ward wise vote sharing details and leading details. Jayanagar constituency has seven wards and Congress got lead in 3 wards and BJP in 4.