ಬಿಡಿಎ ಹಾಗೂ ಕೆಇಬಿ ಬಡಾವಣೆಗಳಲ್ಲಿ ಅಸಮರ್ಪಕ ನೀರು ಪೂರೈಕೆ

ಬೆಂಗಳೂರು, ಏಪ್ರಿಲ್ 10: ನಗರದ ವಿವಿದ ಬಡಾವಣೆಯಲ್ಲಿ ರಾತ್ರಿ ಪಾಳಿ ವ್ಯವಸ್ಥೆಯಲ್ಲಿ ಅಸಮರ್ಪಕ ನೀರು ಪೂರೈಸಲಾಗುತ್ತಿದೆ. ಬಿಡಿಎ ಮತ್ತು ಕೆಇಬಿ ಬಡಾವಣೆ 7ನೇ ಅಡ್ಡ ಒಳರಸ್ತೆ ಸೇರಿದಂತೆ ಹಲವು ಬಡಾವಣೆಗಳಲ್ಲಿ ಈ ರೀತಿ ತೊಂದರೆ ಉಂಟಾಗಿದೆ.

ಜಲಮಂಡಳಿ ಮಾತ್ರ ದಿನ ಬಿಟ್ಟು ದಿನ ಅಥವಾ ಮೂರು ದಿನಗಳಿಗೊಮ್ಮೆ ಪೂರೈಕ್ ಮಾಡುತ್ತಿದ್ದೇವೆ ಎಂದು ಹೇಳುತ್ತಿದೆ. ಆದರೆ ರಾತ್ರಿ ಪಾಳಿಯಲ್ಲಿ ಅಸಮರ್ಪಕ ನೀರು ಪೂರೈಕೆಯಿಂದ ನಿವಾಸಿಗಳು ಕಂಗಾಲಾಗಿದ್ದಾರೆ.

5ನೇ ಒಳ ರಸ್ತೆಯಲ್ಲಿ ಮತ್ತು ಕೆಇಬಿ ಆಟದ ಮೈದಾನದಲ್ಲಿ ಈಗಾಗಲೇ ಕೊಳವೆ ಬಾವಿಯಿಂದ ನೀರು ಪೂರೈಕೆಯಾಗುತ್ತಿದೆ. ಬಹುತೇಕ ಕಡೆ ಕಾವೇರಿ ನೀರು ಪೂರೈಕೆಯಾಗುವ ಬಡಾವಣೆಗಳಲ್ಲೂ ಕೊಳವೆ ಬಾವಿಗಳನ್ನು ಕೊರೆಸಿ ಪೈಪ್‌ಲೈನ್ ಮೂಲಕ ನೀರಿನ ಸೌಲಭ್ಯವನ್ನು ಒದಗಿಸಲಾಗುತ್ತಿದೆ.

ಆದರೆ 7ನೇ ಅಡ್ಡರಸ್ತೆಯಲ್ಲಿ ನಿವಾಸಿಗಳು ಹೆಚ್ಚಿನ ಸಂಖ್ಯೆಯಲ್ಲಿದ್ದು, ಕೊಳವೆ ಬಾವಿಗಳ ಸೌಲಭ್ಯವಿಲ್ಲ ಅಥವಾ ಕುಡಿಯುವ ನೀರಿನ ಘಟಕಗಳ ವ್ಯವಸ್ಥೆಯೂ ಇಲ್ಲ. ಹೀಗಾಗಿ ಜಲಮಂಡಳಿಯ ಕಾವೇರಿ ನೀರು ಪೂರೈಕೆಯನ್ನೇ ಜನರು ನಂಬಿದ್ದಾರೆ.

English summary

Residents of interior part if BDA and KIB layout are facing water problem.BWSSB improper water supply effecting their livelihood.