ಫ್ಲಿಪ್ಕಾರ್ಟ್ನಿಂದ ಮೊಬೈಲ್ ಕದ್ದ ಕಳ್ಳ ಸಿಕ್ಕಿಬಿದ್ದ
ಬೆಂಗಳೂರು,ಜು.7: ಆನ್ಲೈನ್ ಶಾಪಿಂಗ್ ತಾಣ ಫ್ಲಿಪ್ಕಾರ್ಟ್ನ ಮಾರಾಟ ಮಳಿಗೆಯಿಂದ ಸ್ಮಾರ್ಟ್ಫೋನ್ಗಳನ್ನು ಕಳವು ಮಾಡಿದ ಆರೋಪಿಯೊಬ್ಬನನ್ನು ಜೆ.ಜೆ.ನಗರ ಠಾಣೆಯ ಪೊಲೀಸರು ಬಂಧಿಸಿ, ಒಟ್ಟು 4.50 ಲಕ್ಷ ಮೌಲ್ಯದ ಸ್ಮಾರ್ಟ್ಫೋನ್ಗಳನ್ನು ವಶಪಡಿಸಿಕೊಂಡಿದ್ದಾರೆ.
ಕೆಂಗೇರಿ ದೊಡ್ಡಿಪಾಳ್ಯದ ಇಮ್ಯಾನುಯಲ್ ತೇಜಸ್ ಬಿನ್ ಪ್ರೇಮಕುಮಾರ್(21) ಬಂಧಿತ ಆರೋಪಿ. ಬಂಧಿತನಿಂದ ಮೊಬೈಲ್ 8 ಆಪಲ್ ಐಫೋನ್ಗಳು, 4 ಸ್ಯಾಮ್ಸಂಗ್, 1 ನೋಕಿಯಾ ಲುಮಿಯಾ ಸ್ಮಾರ್ಟ್ಫೋನ್ಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.[ಆನ್ಲೈನ್ ಶಾಪಿಂಗ್ ನಲ್ಲಿ ಫ್ಲಿಪ್ ಕಾರ್ಟ್ ಭರ್ಜರಿ ಡೀಲ್]
ಜೆ.ಜೆ.ನಗರ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್ಪೆಕ್ಟರ್ ಆರ್.ವಸಂತಕುಮಾರ್ ನೇತೃತ್ವದಲ್ಲಿ ಪಿಎಸ್ಐ ಆಂಜಿನಪ್ಪ ಮತ್ತು ಸಿಬ್ಬಂದಿಯವರಾದ ಗಜೇಂದ್ರ, ಸತೀಶ್, ದೇವರಾಜ, ಪರಮೇಶ್ ನಾಯ್ಕ್ ಹಾಗೂ ವೆಂಕಟೇಶ್ಮೂರ್ತಿ ರವರು ಆರೋಪಿಯನ್ನು ಬಂಧಿಸಿ ಮಾಲನ್ನು ವಶಪಡಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ..
English summary
Bangalore JJ Nagar Police on Monday arrested a person on charges of stealing high-end mobile phones from flipkart warehouse. The arrested person is Premkuar 21, form Doddipalaya, kengeri.