'ಮೋದಿಗೆ ಮತ ಹಾಕುವುದೇ ಉಡುಗೊರೆ' ಹೀಗೊಂದು ಮದುವೆ ಆಮಂತ್ರಣ!
ಬೆಂಗಳೂರು, ನವೆಂಬರ್ 16: "ಆಶೀರ್ವಾದವೇ ಉಡುಗೊರೆ..." ಎಂದು ಮದುವೆ ಆಮಂತ್ರಣದ ಮೇಲೆ ಬರೆಯುವುದು ಅಚ್ಚರಿಯ ವಿಷಯವಲ್ಲ. ಆದರೆ ಇಲ್ಲೊಂದು ಜೋಡಿ ತಮ್ಮ ಮದುವೆ ಆಮಂತ್ರಣದಲ್ಲಿ "ಪ್ರಧಾನಿ ಮೋದಿಗೆ ಮತ ಹಾಕುವುದೇ ಉಡುಗೊರೆ" ಎಂದು ಮುದ್ರಿಸಿ ಮೋದಿ ಬಗೆಗಿನ ತಮ್ಮ ಅಭಿಮಾನವನ್ನು ವ್ಯಕ್ತಪಡಿಸಿದೆ.
ಪ್ರವೀಣ್ ಮತ್ತು ಹೇಮಲತಾ ಎಂಬುವವರ ಮದುವೆ ಆಮಂತ್ರಣ ಇದೀಗ ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಕಷ್ಟು ಸುದ್ದಿ ಮಾಡುತ್ತಿದೆ.
ಇಂಡಿಯಾ ಟಿವಿ-ಸಿಎನ್ ಎಕ್ಸ್ ಸಮೀಕ್ಷೆ : ನರೇಂದ್ರ ಮೋದಿ ಮತ್ತೆ ಪ್ರಧಾನಿ?
ಆಮಂತ್ರಣದ ಕೆಳಗಡೆ "ನಿಮ್ಮ ಸಂತಸದ ನಗುಮುಖವೇ ಆಶೀರ್ವಾದ, 2019ರ ಲೋಕಸಭೆ ಚುನಾವಣೆಯಲ್ಲಿ ನರೇಂದ್ರ ಮೋದಿಯವರನ್ನು ಬೆಂಬಲಿಸಿ, ಹಾಕುವ ಮತವೇ ಉಡುಗೊರೆ" ಎಂದು ಮುದ್ರಿಸಲಾಗಿದೆ!
ಅಷ್ಟೇ ಅಲ್ಲ, ಆಮಂತ್ರಣದ ಹಿಂಭಾಗದಲ್ಲಿ ಪ್ರಧಾನ ಮಂತ್ರಿ ಉಜ್ವಲ ಯೋಜನೆ, ಪ್ರಧಾನ ಮಂತ್ರಿ ಆವಾಸ್ ಯೋಜನೆ ಸೇರಿದಂತೆ ಕೇಂದ್ರ ಎನ್ ಡಿಎ ಸರ್ಕಾರದ ಎಲ್ಲಾ ಪ್ರಮುಖ ಯೋಜನೆಗಳನ್ನೂ ನೀಡಲಾಗಿದೆ.
ಕಾಂಗ್ರೆಸ್ ನಾಯಕರಿಗೆ ಪ್ರಧಾನಿ ನರೇಂದ್ರ ಮೋದಿ ಬಹಿರಂಗ ಸವಾಲು
2019ರ ಮೇ-ಜೂನ್ ತಿಂಗಳಿನಲ್ಲಿ ಲೋಕಸಭಾ ಚುನಾವಣೆ ನಡೆಯಲಿದ್ದು, ಮುಂಬರುವ ಮಾರ್ಚ್ -ಏಪ್ರಿಲ್ ತಿಂಗಳಿನಲ್ಲಿ ಚುನಾವಣಾ ದಿನಾಂಕ ಘೋಷಣೆಯಾಗಲಿದೆ.