ಆರು ಬೋಗಿಯ ಮೆಟ್ರೋದಲ್ಲಿ ಖಾಸಗಿ ಜಾಹೀರಾತಿಗೆ ಅವಕಾಶ

ಬೆಂಗಳೂರು, ಜು.30: ನಮ್ಮ ಮೆಟ್ರೋ ಕಳೆದ ವರ್ಷ 538 ಕೋಟಿಗೂ ಅಧಿಕ ನಷ್ಟ ಅನುಭವಿಸಿತ್ತು. ಈ ನಷ್ಟದಿಂದ ಹೊರ ಬರಲು ಆರು ಬೋಗಿಯ ಮೆಟ್ರೋದಲ್ಲಿ ಜಾಹಿರಾತು ಪ್ರದರ್ಶನಕ್ಕೆ ಅವಕಾಶ ಕಲ್ಪಿಸಲು ಮುಂದಾಗಿದೆ.

ಪ್ರತಿ ರೈಲಿನಲ್ಲಿ ಎಲ್‌ಸಿಡಿ ಪರದೆ ಇದೆ ಅದರಲ್ಲಿ ಮೆಟ್ರೋ ನಿಯಮಗಳೇನು, ಎನ್ನುವುದರ ಕುರಿತು ಮಾಹಿತಿ ಬರುತ್ತಿರುವುದು ಸಾಮಾನ್ಯವಾಗಿ ಎಲ್ಲರೂ ನೋಡಿದ್ದೀರ ಇನ್ನುಮುಂದೆ ಟಿವಿಗಳಲ್ಲಿ ಬರುವ ಹಾಗೆ ಜಾಹೀರಾತುಗಳಂತೆಯೇ ಮೆಟ್ರೋದ ಎಲ್‌ಸಿಡಿ ಪರದೆ ಮೇಲೆ ಜಾಹೀರಾತುಗಳು ಕಾಣಿಸಿಕೊಳ್ಳುತ್ತವೆ.

ಪ್ರತಿ ನಿಲ್ದಾಣದಲ್ಲೂ 5 ಸಾವಿರ ಚದರಡಿ ಜಾಗವನ್ನು ಜಾಹೀರಾತಿಗಾಗಿ ನಿಗಮ ಮೀಸಲಿರಿಸಿದೆ. ಮೆಟ್ರೋ ಕಂಬಗಳಲ್ಲಿ ಜಾಹೀರಾತು ಪ್ರದರ್ಶನಕ್ಕೆ ನಿಗಮ ಗುತ್ತಿಗೆ ನೀಡಿದೆ. ಮುಂದಿನ ದಿನಗಳಲ್ಲಿ ರೈಲಿನೊಳಗೆ ಜಾಗವಿರುವ ಸ್ಥಳದಲ್ಲಿಜಾಹೀರಾತು ಪ್ರದರ್ಶನ ಬೋರ್ಡ್‌ ಅಳವಡಿಸಲು ಚಿಂತನೆ ನಡೆಸಿದೆ.

ನಾಗಸಂದ್ರದಿಂದ ಯಲಚೇನ ಹಳ್ಳಿ ಹಾಗೂ ನಾಯಂಡಹಳ್ಳಿಯಿಂದ ಮೈಯಪ್ಪನಹ್ಳಿ ಮಾರ್ಗದಲ್ಲಿ ಒಟ್ಟು 49 ಮೂರು ಬೋಗಿಯ ಮೆಟ್ರೋಗಳು ಕಾರ್ಯ ನಿರ್ವಹಿಸುತ್ತಿವೆ, ಕಳೆದ ತಿಂಗಳಷ್ಟೇ ಒಂದು 3 ಬೋಗಿ ರೈಲನ್ನು 6 ಬೋಗಿಗಳ ರೈಲಾಗಿ ಪರಿವರ್ತಿಸಲಾಗಿತ್ತು.

3 ಬೋಗಿ ರೈಲುಗಳು ಪ್ರಯಾಣಿಕರಿಂದ ತುಂಬಿರುತ್ತದೆ. ಹೀಗಾಗಿ ಇಂತಹ ರೈಲಿನೊಳಗೆ ಜಾಹೀರಾತು ಹಾಕಿದರೆ ಪ್ರಯಾಣಿಕರಿಗೂ ಅನನುಕೂಲವಾಗಬಹುದು ಮತ್ತು ಜಾಹೀರಾತು ನೋಡಲು ಸಾಧ್ಯವಿಲ್ಲ ಎನ್ನುವುದು ನಿಗಮದ ಅಧಿಕಾರಿಗಳ ಅಭಿಪ್ರಾಯವಾಗಿದೆ.

ಹೀಗಾಗಿ ಮೊದಲು 6 ಬೋಗಿಯ ಮೆಟ್ರೋದಲ್ಲಿ ಮಾತ್ರ ಜಾಹೀರಾತು ಅಳವಡಿಸಲು ನಿರ್ಧರಿಸಿದೆ. 6 ಬೋಗಿ ಮೆಟ್ರೋದಲ್ಲಿ ಹೆಚ್ಚಿನ ಸ್ಥಳಾವಕಾಶಗಳಿವೆ. ಪ್ರತ್ಯೇಕ ಜಾಹೀರಾತು ಪ್ಯಾನಲ್‌ ಅಳವಡಿಸಲೂ ಅವಕಾಶವಿದೆ.

English summary

BMRCL has given permission for advertising inside of six coaches metro rail as part of increasing its revenue. The advertisements will be displayed in LED screen in the coach.