ಬೆಕ್ಕು- ನಾಯಿಯೇ ಮಧಾಹ್ನದ ಊಟ, ವಿಜಯನಗರದಲ್ಲಿ ಇಂಥವರೂ ಇದ್ದಾರೆ!
ಬೆಂಗಳೂರು, ಜುಲೈ 20: ಈ ಸುದ್ದಿ ಖಂಡಿತಾ ವಿಚಿತ್ರ ಹಾಗೂ ವಿಲಕ್ಷಣವಾಗಿದೆ. ಓದುವ ಮುನ್ನ ಒಂದಿಷ್ಟು ಸಮಯ ಈ ಜಗತ್ತಿನಲ್ಲಿ ನೀವಿಲ್ಲ ಅಂದುಕೊಂಡರೂ ಉತ್ತಮ. ಏಕೆಂದರೆ, ಈಗ ಹೇಳಹೊರಟಿರುವುದು ಅಂಥ ಜನರ ಬಗ್ಗೆ. ಇವರು ಎಂಥವರು ಅಂದರೆ, ನಾಯಿ- ಬೆಕ್ಕುಗಳನ್ನು ಸುಟ್ಟು ಹಾಕಿ ತಿನ್ನುವ ವಿಚಿತ್ರ ಜನರು.
ಸಿಲಿಕಾನ್ ಸಿಟಿ ಬೆಂಗಳೂರಿನ ಆದಿಚುಂಚನಗಿರಿ ಮಠದ ಬಳಿ ಪತ್ತೆಯಾಗಿದ್ದಾರೆ. ಬೆಂಗಳೂರಿನ ವಿಜಯನಗರದ ಆದಿ ಚುಂಚನಗಿರಿ ಮಠದ ಎದುರಿನ ಸರ್ವೀಸ್ ರಸ್ತೆಯಲ್ಲಿ ಬೀಡುಬಿಟ್ಟಿರುವ, ತಮಿಳುನಾಡಿನಿಂದ ಬಂದಿರುವ ಈ ಜನರು ತಮ್ಮ ಆಹಾರಕ್ಕಾಗಿ ಬೆಕ್ಕುಗಳನ್ನು ಕೊಂದು, ವಿಚಿತ್ರ ರೀತಿಯ ಆಹಾರವನ್ನು ಸೇವಿಸುತ್ತಿದ್ದಾರೆ.
ಸುಮಾರು 1 ತಿಂಗಳಿನಿಂದ ವಿಜಯನಗರದಲ್ಲೇ ಬೀಡು ಬಿಟ್ಟಿರುವ ಇವರ ಆಹಾರ ಪದ್ಧತಿಗೆ ಸ್ಥಳೀಯರು ವಿರೋಧವನ್ನು ವ್ಯಕ್ತಪಡಿಸುತ್ತಿದ್ದಾರೆ. ಈಚೆಗೆ ಮಧ್ಯಾಹ್ನದ ವೇಳೆ ಬೀದಿ ನಾಯಿಯನ್ನು ಕೊಂದಿದ್ದ ಈ ಜನರು ಅದನ್ನೇ ಊಟಕ್ಕೆ ಸೇರಿಸಿದ್ದಾರೆ. ಈ ವಿಚಿತ್ರ ಜನರ ಗುಂಪಿನಲ್ಲಿ ಮಹಿಳೆಯರು- ಮಕ್ಕಳು ಸೇರಿ 10ಕ್ಕೂ ಹೆಚ್ಚು ಜನರಿದ್ದಾರೆ. ಇವರೆಲ್ಲರೂ ಕಲ್ಲು ಒಡೆಯುವ ಕೆಲಸ ಮಾಡಿಕೊಂಡು ಜೀವನ ಸಾಗಿಸುತ್ತಿದ್ದಾರೆ.