ಅಂದೇ ಖರೀದಿ, ಅಂದೇ ಡೆಲಿವರಿ; ಹೊಸ ಇ-ಮಂತ್ರ

ಬೆಂಗಳೂರು, ಏ. 29: ಇ-ಕಾಮರ್ಸ್, ಇ ಶಾಪಿಂಗ್ ಎಂಬುದು ದಿನೇ ದಿನೆ ವೈವಿಧ್ಯಮಯವಾಗುತ್ತಿದ್ದು, ಜನರನ್ನು ಪರಿಣಾಮಕಾರಿಯಾಗಿ ತಲುಪುತ್ತಿದೆ. ಬೆಂಗಳೂರಿನ Flipkart ಕಂಪನಿ ಸಹ ತನ್ನ ಗ್ರಾಹಕರಿಗೆ ಮೌಲ್ಯಾಧಾರಿತ ಸೇವೆ ಒದಗಿಸಲು ಹಲವು ತಂತ್ರಗಳನ್ನು ಅಳವಡಿಸಿಕೊಂಡಿದೆ.

ಮುಖ್ಯವಾಗಿ ಅಂದೇ ಡ್ರಾ- ಅಂದೇ ಫಲಿತಾಂಶ ಅನ್ನುವಂತೆ 'ಗ್ರಾಹಕರು ಯಾವುದೇ ಉತ್ಪನ್ನವನ್ನು ಆರ್ಡರ್ ಮಾಡಿದ ದಿನವೇ ಅದನ್ನು ಗ್ರಾಹಕರ ಮನೆ ಬಾಗಿಲಿಗೆ ತಲುಪಿಸುತ್ತೇವೆ' ಎಂದು ಕಂಪನಿ ಹೇಳಿದೆ.

ಓಕೆ ಫೈನ್. ಅಕಸ್ಮಾತ್ ಅಂದೇ ಸರಕು ಡೆಲಿವರು ಆಗಲಿಲ್ಲಾಂದ್ರೆ ಏನಪ್ಪಾ ಅಂದರೆ ಮಾರನೆಯ ದಿನ ಆ ಸರಕು ನಿಮ್ಮ ಮನೆಯ ಬಾಗಿಲು ತಲುಪುತ್ತದೆ. ಆದರೆ ಸಂಪೂರ್ಣ ಉಚಿತವಾಗಿ! ಅಂದರೆ ಕಂಪನಿ ತನ್ನ ವಾಗ್ದಾನವನ್ನು ಉಳಿಸಿಕೊಳ್ಳಲಿಲ್ಲಾಂದ್ರೆ ಅದಕ್ಕೆ ದಂಡ ರೂಪದಲ್ಲಿ ಉಚಿತವಾಗಿ ಸರಕನ್ನು ಗ್ರಾಹಕರ ಮನೆ ಬಾಗಿಲಿಗೆ ತಲುಪಿಸುವುದಾಗಿ ತಿಳಿಸಿದೆ.

Same Day Guarantee Delivery:

ಇದು ಬೆಂಗಳೂರು ಸೇರಿದಂತೆ ಒಟ್ಟು 10 ನಗರಗಳಲ್ಲಿ ಪ್ರಾಯೋಗಿಕವಾಗಿ ಸೋಮವಾರದಿಂದ ಜಾರಿಗೆ ಬಂದಿದೆ. ಯಾವುದೇ ದಿನ ಮಧ್ಯಾಹ್ನ 12 ಗಂಟೆಯೊಳಗಾಗಿ ಆರ್ಡರ್ ಪ್ಲೇಸ್ ಮಾಡಿದರೆ ಅಂದೇ (ರಾತ್ರಿ 9 ಗಂಟೆಯೊಳಗಾಗಿ) ಸರಕನ್ನು ಪಡೆಯಬಹುದು. ಆದರೆ ಇದಕ್ಕಾಗಿ 200 ರೂ ಹೆಚ್ಚು ಜ=ಹಣ ನೀಡಬೇಕಾಗುತ್ತದೆ.

Bangalore, Delhi, Mumbai, Kolkata, Noida, Gurgaon, Faridabad, Manesar, Navi Mumbai ಮತ್ತು Thaneಯಲ್ಲಿ ಈ ಸೇವೆ ಲಭ್ಯವಾಗುತ್ತಿದೆ. ಇದರ ಯಶಸ್ಸನ್ನು ನೋಡಿಕೊಂಡು ಇನ್ನೂ ಕೆಲವು ನಗರಗಳಿಗೆ ಸೇವೆಯನ್ನು ವಿಸ್ತರಿಸುವುದಾಗಿ ಕಂಪನಿ ಹೇಳಿದೆ.

ನಾಳೆಯೊಳಗೆ ಡೆಲಿವರಿ ಸೇವೆಯೂ ಇದೆ: ಅಂದರೆ ಇಂದು ಆರ್ಡರ್ ಪ್ಲೇಸ್ ಮಾಡಿದರೆ ನಾಳೆಯೊಳಗೆ ಸರಕು ಡೆಲಿವರಿ ಮಾಡುವ ಸೌಲಭ್ಯವೂ ಇದೆ. ಅದು ಬೆಂಗಳೂರು, ದಾವಣಗೆರೆ, ಹುಬ್ಬಳ್ಳಿ ಸೇರಿದಂತೆ 25ಕ್ಕೂ ಹೆಚ್ಚು ನಗರಗಳಲ್ಲಿ ಲಭ್ಯವಿದೆ.

English summary

Bangalore Flipkart e Commerce Same Day Guarantee Delivery service introduced. The e-commerce major today launched its 'Same Day Guarantee Delivery' in 10 cities. Customers can place their orders by 12 noon on a business day to have their orders delivered to them by 9 pm on the same day, Flipkart said.