ರಾಹುಲ್ ಗಾಂಧಿ ಒಬ್ಬ ಖೋಟಾ ಹಿಂದುತ್ವವಾದಿ: ಹೆಗಡೆ

Posted By:
Subscribe to Oneindia Kannada

ಬೆಂಗಳೂರು, ಫೆಬ್ರವರಿ 15: ರಾಹುಲ್ ಗಾಂಧಿ ಒಬ್ಬ 'ಖೋಟಾ ಹಿಂದುತ್ವವಾದಿ' ಎನ್ನುವ ಮೂಲಕ ಮತ್ತೊಮ್ಮೆ ವಿವಾದದ ಕೇಂದ್ರ ಬಿಂದುವಾಗಿದ್ದಾರೆ ಕೇಂದ್ರ ಕೌಶಲ್ಯಾಭಿವೃದ್ಧಿ ಸಚಿವ ಅನಂತ ಕುಮಾರ್ ಹೆಗಡೆ.

'ನನ್ನ ಹೇಳಿಕೆಗೆ ನಾನು ಬದ್ಧ: ನಾಯಿಗಳು ಬೊಗಳಿದರೆ ತಲೆಕೆಡಿಸಿಕೊಳ್ಳಲ್ಲ'

ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ದೇವಾಲಯ ಭೇಟಿಗೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ನೀಡಿದ ಅವರು, 'ಅವರೊಬ್ಬ ನಕಲಿ ಹಿಂದುತ್ವವಾದಿ. ರಾಷ್ಟ್ರೀಯ ಸ್ವಯಂಸೇವಕ ಸಂಘ ಕಳೆದ 60-70 ವರ್ಷಗಳಿಂದ ಜನರಿಗೆ ತಮ್ಮ ಹಿಂದು ಮೂಲದ ಕುರಿತು ಅರಿವು ಮೂಡಿಸುತ್ತಿದೆ. ಅದು ಸಿದ್ದರಾಮಯ್ಯ ಮತ್ತು ರಾಹುಲ್ ಗಾಂಧಿಯವರಿಗೆ ಈಗ ಅರ್ಥವಾಗುತ್ತಿದೆ. ನಾನು ಹಿಂದು ಎಂದು ಕೇವಲ ಹೇಳಿದರೆ ಸಾಲದು, ಅದನ್ನು ಆಚರಿಸಬೇಕು. ಇಲ್ಲವೆಂದರೆ ನಿಮ್ಮನ್ನು ಖೋಟಾ ಹಿಂದುತ್ವವಾದಿ ಎಂದೇ ಕರೆಯಬೇಕಾಗುತ್ತದೆ' ಎಂದರು.

ರಾಹುಲ್ ಗಾಂಧಿ ಕರ್ನಾಟಕ ಭೇಟಿ ಕುರಿತು ನಿನ್ನೆ(ಫೆ.14) ಕೇಂದ್ರ ರಸಗೊಬ್ಬರ ಸಚಿವ ಅನಂತ ಕುಮಾರ್, "ರಾಗಾ "ಬಾತು", ಗುಂಡೂರಾವ್ ಮಾತು, ಗಾಂಗ್ರೆಸ್ ಮುಗೀತು" ಎಂದು ಪ್ರಾಸಬದ್ಧವಾಗಿ ಟ್ವೀಟ್ ಮಾಡಿದ್ದನ್ನೂ ಇಲ್ಲಿ ಉಲ್ಲೇಖಿಸಬಹುದು. ಒಟ್ಟಿನಲ್ಲಿ ರಾಗಾ ಭೇಟಿಯನ್ನು ಬಿಜೆಬಿ ನಾಯಕರು ಚೆನ್ನಾಗಿ ಆಡಿಕೊಳ್ಳುತ್ತಿದ್ದಾರೆ.

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

English summary
Union Minister Anant Kumar Hegde on Feb 15th took a jibe at Congress President Rahul Gandhi and called him a 'Khota Hindutvawadi' (Fake Hindu). Hegde's statement comes in the backdrop of Rahul's visit to temples in Karnataka ahead of the assembly elections.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ