'ಅಜ್ಜಿ'ಯ ನೆನೆಯಲು ಹೋಗಿ 'ಅಮ್ಮ'ನನ್ನು ನೆನೆದ ರಾಹುಲ್!

Posted By:
Subscribe to Oneindia Kannada

ಬೆಂಗಳೂರು, ಆಗಸ್ಟ್ 16: ರಾಜ್ಯ ಸರ್ಕಾರದ ಮಹತ್ವಾಕಾಂಕ್ಷೆಯ ಇಂದಿರಾ ಕ್ಯಾಂಟೀನ್ ಉದ್ಘಾಟನೆಗಾಗಿ ಬೆಂಗಳೂರಿಗೆ ಬುಧವಾರ ಆಗಮಿಸಿದ್ದ ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ, ಉದ್ಘಾಟನಾ ಸಮಾರಂಭದಲ್ಲಿ ಭಾಷಣ ಮಾಡುವಾಗ ಇಂದಿರಾ ಕ್ಯಾಂಟೀನ್ ಎಂದು ಉಚ್ಚರಿಸುವ ಬದಲು ಅಮ್ಮಾ ಕ್ಯಾಂಟೀನ್ ಎಂದು ಉಚ್ಛರಿಸಿದ ಪ್ರಸಂಗ ನಡೆಯಿತು.

ಇಂದಿರಾ ಕ್ಯಾಂಟೀನ್ ಕುರಿತು ಟ್ವಿಟ್ಟಿಗರು ಏನಂತಾರೆ?

ದೀಪ ಬೆಳಗಿಸುವ ಮೂಲಕ ಕ್ಯಾಂಟೀನ್ ಉದ್ಘಾಟನೆ ನೆರವೇರಿಸಿದ ರಾಹುಲ್ ಗಾಂಧಿ ಆನಂತರ ಮಾತಿಗೆ ನಿಂತರು. ರಾಜ್ಯ ಸರ್ಕಾರದ ಈ ಕ್ರಮಕ್ಕೆ ಶ್ಲಾಘನೆ ವ್ಯಕ್ತಪಡಿಸುತ್ತಲೇ ತಮ್ಮ ಮಾತನ್ನು ಆರಂಭಿಸಿದ ಅವರು, ''ಇನ್ನು ಕೆಲವೇ ತಿಂಗಳುಗಳಲ್ಲಿ ರಾಜ್ಯದ ಎಲ್ಲಾ ಬಡವರೂ ಹೊಟ್ಟೆ ತುಂಬ ಊಟ ಮಾಡುವಂಥ ಸುಯೋಗ ಒದಗಲಿದೆ. ರಾಜ್ಯದ ಎಲ್ಲಾ ನಗರಗಳಲ್ಲಿ ತಲೆ ಎತ್ತಲಿರುವ ಅಮ್ಮಾ ಅಲ್ಲ.... ಇಂದಿರಾ ಕ್ಯಾಂಟೀನ್ ನಿಂದ ಯಾರೂ ಇನ್ನು ಉಪವಾಸದಿಂದ ಇರುವಂತಾಗದು'' ಎಂದರು.

'Amma..Er..Indira Canteens': Rahul Gandhi's Flub Reveals Inspiration

ಬಾಯಿ ತಪ್ಪಿ ಆಡಿದ ಮಾತಿಗೆ ರಾಹುಲ್ ಮುಖದಲ್ಲಿ ಕೊಂಚ ಮುಜುಗರ ಇಣುಕಿತಾದರೂ, ಅರೆಕ್ಷಣದಲ್ಲಿ ಆ ತಪ್ಪನ್ನು ಸರಿಪಡಿಸಿಕೊಂಡು ಸರಿಯಾಗಿ ಉಚ್ಛರಿಸಿದ್ದರ ಬಗ್ಗೆ ಒಂದು ಸಮಾಧಾನವೂ ಕಂಡಿತು.

ಇಂದಿರಾ ಕ್ಯಾಂಟೀನ್‌ನಲ್ಲಿ ಅನ್ನ, ಸಾಂಬಾರ್ ಸವಿದ ರಾಹುಲ್

ಆದರೆ, ನೆರೆದಿದ್ದವರಿಗೆ ಮಾತ್ರ ರಾಹುಲ್ ಬಾಯಿ ತಪ್ಪಿ ಏನನ್ನೋ ಹೇಳಲು ಹೋಗಿದ್ದು ಅವರ ಮುಖದಲ್ಲಿ ಮಂದಹಾಸವನ್ನು ತರಿಸಿತು.

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

English summary
Congress Vice President Rahul Gandhi today inaugurated "Indira canteens," which will provide food at a subsidised cost to the poor in Karnataka capital, Bengaluru. His party, which rules the state, has borrowed the idea from neighboring Tamil Nadu ahead of assembly elections due in less than a year.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ