ಕೆಂಪೇಗೌಡ ಏರ್ಪೋರ್ಟ್ ಬಳಕೆದಾರರ ಶುಲ್ಕ ಸೆ.16ರಿಂದ ಕಡಿತ
ಬೆಂಗಳೂರು, ಸೆಪ್ಟೆಂಬರ್ 3: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಕೆದಾರರ ಶುಲ್ಕ ಸೆಪ್ಟೆಂಬರ್ 16ರಿಂದ ಕಡಿತಗೊಳ್ಳಲಿದೆ. ಸೆ.16ರಿಂದ ಪರಿಷ್ಕೃತ ಶುಲ್ಕ ಜಾರಿಗೆ ಬರಲಿದೆ.
ಇದೀಗ ದೇಶಿ ಬಳಕೆದಾರರಿಗೆ 306 ರೂ. ಸಂಗ್ರಹಿಸುತ್ತಿದ್ದು, ಹೊಸ ಶುಲ್ಕ 139 ರೂ. ಆಗಲಿದೆ, ವಿದೇಶಿ ಬಳಕೆದಾರರ ಶುಲ್ಕ 1226ರಿಂದ 558ರೂ.ಗೆ ಇಳಕೆಯಾಗಲಿದೆ. ಇದೀಗ ಶುಲ್ಕ ಅರ್ಧದಷ್ಟು ಕಡಿಮೆಯಾಗಿರುವುದರಿಂದ ಏರ್ಪೋರ್ಟ್ ಬಳಕೆದಾರರಿಗೆ ಸಂತಸ ಉಂಟು ಮಾಡಿದೆ.
ಕೆಐಎಎಲ್: ಎರಡನೇ ಟರ್ಮಿನಲ್ ವಿಶಾಲ ಸ್ಥಳಾವಕಾಶ
ಬಳಕೆದಾರರ ಶುಲ್ಕದ ವಿಚಾರವಾಗಿ ಭಾರತೀಯ ವಿಮಾನ ನಿಲ್ದಾಣಗಳ ಆರ್ಥಿಕ ನಿಯಂತ್ರಣ ಪ್ರಾಧಿಕಾರ ಆದೇಶ ಹೊರಡಿಸಿದೆ. ಇದರ ಅನ್ವಯ ದರ ಇನ್ನೆರೆಡು ವಾರಗಳಲ್ಲಿ ಅಧಿಕೃತವಾಗಿ ಅನುಷ್ಠಾನಗೊಳ್ಳಲಿದೆ ಎಂದು ಮೂಲಗಳು ತಿಳಿಸಿವೆ.
ಕೆಂಪೇಗೌಡ ಏರ್ಪೋರ್ಟ್ನಲ್ಲಿ ಕೆಲಸ ಖಾಲಿ ಇದೆ: ಸಂದರ್ಶನಕ್ಕೆ ಹಾಜರಾಗಿ
ಈ ಸಾಲಿಗೆ ಶುಲ್ಕ ಇಳಿಸಿರುವಂತೆ 2019ರ ಏ.1ರಿಂದ ದೇಶಿ ಹಾಗೂ ವಿದೇಶಿ ಬಳಕೆದಾರರ ಶುಲ್ಕ ಕ್ರಮವಾಗಿ 179 ರೂ ಹಾಗೂ 716ರೂ. ನಿಗದಿಯಾಗಿದೆ.
ಜಗತ್ತಿನ ವೇಗದ ಅಭಿವೃದ್ಧಿಯ ಏರ್ಪೋರ್ಟ್ಗಳಲ್ಲಿ ಕೆಐಎಗೆ ದ್ವಿತೀಯ ಸ್ಥಾನ
ಇತ್ತೀಚೆಗೆ ನಡೆದಿದ್ದ ಏರ್ಲೈನ್ಸ್ ಬಳಕೆದಾರರ ಸಲಹಾ ಸಮಿತಿ ಸಭೆಯಲ್ಲಿ ಬಳಕೆದಾರ ಶುಲ್ಕ ಕಡಿತದ ಕುರಿತು ನಿರ್ಣಯ ಕೈಗೊಳ್ಳಲಾಗಿದೆ. 2020ರ ಏಪ್ರಿಲ್ 1ರಿಂದ ದೇಶಿ ಬಳಕೆದಾರರ ಶುಲ್ಕ 100ರೂ. ಹಾಗೂ ವಿದೇಶಿ ಬಳಖೆದಾರರ ಶುಲ್ಕ 400 ಆಗಲಿದೆ ಎಂದು ತಿಳಿದುಬಂದಿದೆ.