Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮೋದಿ, ಅಮಿತ್ ಶಾ, ಹೆಗಡೆ ಹಿಂದೂ ಅಲ್ಲ: ನಟ ಪ್ರಕಾಶ್ ರೈ
Recommended Video
"ಅವರು ಹೇಳ್ತಾರೆ: ನಾನು ಹಿಂದೂ ವಿರೋಧಿ ಅಂತ. ಇಲ್ಲ. ನಾನು ಮೋದಿ ವಿರೋಧಿ, ನಾನು ಹೆಗಡೆ ವಿರೋಧಿ, ನಾನು ಅಮಿತ್ ಶಾ ವಿರೋಧಿ. ಮತ್ತು ನನ್ನ ಪ್ರಕಾರ ಅವರು ಹಿಂದೂಗಳಲ್ಲ".
-ಈ ಹೇಳಿಕೆ ಮೂಲಕ ಮತ್ತೊಂದು ಸುತ್ತಿನ ಬಿರುಗಾಳಿ ಎಬ್ಬಿಸಿದ್ದಾರೆ ನಟ ಪ್ರಕಾಶ್ ರೈ. ಬೆಂಗಳೂರಿನಲ್ಲಿ ಗುರುವಾರ ಇಂಡಿಯಾ ಟುಡೆ ದಕ್ಷಿಣ ಶೃಂಗಸಭೆಯಲ್ಲಿ ಮಾತನಾಡಿದ ಅವರು, 'ಸೆಕ್ಸಿ ದುರ್ಗಾ' ಎಂಬ ಹೆಸರಿನಲ್ಲಿ ಸಿನಿಮಾ ಮಾಡಿರುವ ನಿರ್ದೇಶಕ ಶಶಿಧರನ್ ಅವರನ್ನು ಬೆಂಬಲಿಸಿ ಮಾತನಾಡಿದರು.
"ಈ ಸಿನಿಮಾ ಹಿಂದೂ ಧರ್ಮದ ಬಗ್ಗೆ ಅಲ್ಲ. ಹಿಂದುತ್ವದ ವಿರೋಧವಾಗಿಲ್ಲ. ಆದರೂ ಈ ಸಿನಿಮಾ ಹಿಂದೂ ಧರ್ಮದಕ್ಕೆ ಸಂಬಂಧಿಸಿದ್ದು ಎನ್ನುತ್ತಿದ್ದಾರೆ" ಎಂದು ಪ್ರಕಾಶ್ ರೈ ಹೇಳಿದರು.
ಇನ್ನು ಹಿಂದುತ್ವ ವಿರೋಧಿ ಹೇಳಿಕೆ ನೀಡಿದ ಕಾರಣಕ್ಕೆ ಕರ್ನಾಟಕ ಸರಕಾರ ಸೈಟ್ ನೀಡಿದೆಯಂತಲ್ಲಾ ಎಂಬ ಪ್ರಶ್ನೆಗೆ ಉತ್ತರಿಸಿದ ಪ್ರಕಾಶ್ ರೈ, ನನ್ನ ಹತ್ತಿರ ಸಾಕಷ್ಟು ಹಣ- ಭೂಮಿ ಇದೆ. ನನಗೆ ಸರಕಾರದಿಂದ ಯಾವುದೇ ಭೂಮಿ ಬೇಡ ಎಂದಿದ್ದಾರೆ.
ಪ್ರಕಾಶ್ ರೈ ಮಾತಿಗೆ ಆಕ್ಷೇಪ
ಮೋದಿ, ಹೆಗಡೆ ಹಾಗೂ ಅಮಿತ್ ಶಾ ನನ್ನ ಪ್ರಕಾರ ಹಿಂದೂ ಅಲ್ಲ ಎಂಬ ಪ್ರಕಾಶ್ ರೈ ಮಾತಿಗೆ ವೀಕ್ಷಕರ ಪೈಕಿ ಇದ್ದ ಕೃಷ್ಣ ಸಾಗರ್ ರಾವ್ ಆಕ್ಷೇಪ ವ್ಯಕ್ತಪಡಿಸಿದ್ದಕ್ಕೆ ಉತ್ತರಿಸಿದ ರೈ, ಕೊಲೆಯನ್ನು ಬೆಂಬಲಿಸುವ ವ್ಯಕ್ತಿ ಹಿಂದೂ ಆಗಿರಲು ಸಾಧ್ಯವಿಲ್ಲ ಎಂದರು.
ಹಿಂದೂ ಎಂದು ನಿರ್ಧರಿಸಲು ನೀವ್ಯಾರು?
ಯಾರು ಹಿಂದೂ ಎಂದು ನಿರ್ಧರಿಸುವುದಕ್ಕೆ ನೀವ್ಯಾರು ಎಂದು ಕೃಷ್ಣ ಸಾಗರ್ ಪ್ರಶ್ನಿಸಿದ್ದಕ್ಕೆ, ನಾನು ಹಿಂದೂ ವಿರೋಧಿ ಎಂದು ಅವರು ನಿರ್ಧರಿಸಬಹುದಾದರೆ, ನಾನೂ ಅವರಿಗೆ ಹೇಳಬಹುದು: ನೀವು ಹಿಂದೂ ಅಲ್ಲ ಎಂದರು ಪ್ರಕಾಶ್ ರೈ.
ಸಚಿವರನ್ನು ಪ್ರಶ್ನಿಸಬೇಕು
ಈ ಮಾತುಕತೆ ಸ್ವಲ್ಪ ಕಾಲ ಮುಂದುವರಿಯಿತು. ಈ ಮಧ್ಯೆ ಪ್ರಶ್ನೆ ಮುಂದಿಟ್ಟ ಪ್ರಕಾಶ್ ರೈ, "ತಮ್ಮ ಸಚಿವರನ್ನು ನಮ್ಮ ಪ್ರಧಾನಿ ಪ್ರಶ್ನಿಸಬೇಕು- ಜನರಿಂದ ಆಯ್ಕೆಯಾದ, ಸಂಪುಟದಲ್ಲಿ ಸಚಿವರಾದ ವ್ಯಕ್ತಿ ಒಂದು ಧರ್ಮವನ್ನು ಈ ಭೂಮಿಯಿಂದ ತೊಲಗಿಸಬೇಕು ಅಂತ ಮಾತನಾಡಬಾರದು. ಅದು ಹಿಂದೂ ಧರ್ಮ ಅಲ್ಲ".
ಸಚಿವರಿಗೆ ಬಾಯಿ ಮುಚ್ಚಿಕೊಂಡಿರಲು ಹೇಳಿ
"ಆಗಲೂ ತನ್ನ ಸಚಿವರಿಗೆ ಬಾಯಿ ಮುಚ್ಚಿಕೊಂಡಿರುವಂತೆ ಪ್ರಧಾನ ಮಂತ್ರಿ ಹೇಳದಿದ್ದರೆ ನಾನು ನಮ್ಮ ಪ್ರಧಾನಿಗಳನ್ನು ಕೇಳ್ತೀನಿ- ನೀವು ಕೂಡ ಹಿಂದೂ ಅಲ್ಲ" ಎಂದು ಪ್ರಕಾಶ್ ರೈ ಹೇಳಿದರು.
ಮತ ಹಾಕಿದರೂ ಹಾಕದಿದ್ದರೂ ಅವರೇ ನಮ್ಮ ಪ್ರಧಾನಿ
ನನ್ನದೊಂದು ಪ್ರಾಮಾಣಿಕ ಹಾಗೂ ನೇರ ಪ್ರಶ್ನೆ. ನಾನು ನಮ್ಮ ಪ್ರಧಾನಮಂತ್ರಿಗಳನ್ನು ಒಂದು ಪಕ್ಷಕ್ಕೆ ಸೇರಿದವರು ಅಂತ ನೋಡಲ್ಲ. ನಾನು ಅವರಿಗೆ ಮತ ಹಾಕಿದ್ದೇನೋ ಅಥವಾ ಹಾಕಿಲ್ಲವೋ ಆದರೂ ಅವರೇ ನಮ್ಮ ಪ್ರಧಾನಮಂತ್ರಿ. ಅವರನ್ನು ಪ್ರಶ್ನೆ ಮಾಡುವ ಎಲ್ಲ ಹಕ್ಕು ನನಗಿದೆ ಎಂದು ಪ್ರಕಾಶ್ ರೈ ಹೇಳಿದರು.
