ಆರ್ ಜಿವಿ ಲಕ್ಷ್ಮೀಸ್ ಎನ್ಟಿಆರ್ ಚಿತ್ರಕ್ಕೆ ಆಂಧ್ರಪ್ರದೇಶದಲ್ಲಿ ನಿಷೇಧ!
ಅಮರಾವತಿ, ಮಾರ್ಚ್ 29: ಬಿಡುಗಡೆಗೂ ಮುನ್ನವೇ ಸಾಕಷ್ಟು ಚರ್ಚೆ, ವಿವಾದವನ್ನು ಹುಟ್ಟು ಹಾಕಿರುವ ಲಕ್ಷ್ಮೀಸ್ ಎನ್ಟಿಆರ್ ಚಿತ್ರದ ಬಿಡುಗಡೆಗೆ ಆಂಧ್ರಪ್ರದೇಶ ಹೈಕೋರ್ಟ್ ನಿರ್ಬಂಧ ವಿಧಿಸಿದೆ. ಏಪ್ರಿಲ್ 03ರ ತನಕ ಆಂಧ್ರಪ್ರದೇಶದಲ್ಲಿ ಚಿತ್ರ ಬಿಡುಗಡೆ ಮಾಡುವಂತಿಲ್ಲ.
ರಾಮ್ಗೋಪಾಲ್ವರ್ಮ ನಿರ್ದೇಶನದ ಮಾಜಿ ಮುಖ್ಯಮಂತ್ರಿ, ಸಿನಿಮಾ ದಿಗ್ಗಜ ಎನ್ ಟಿ ರಾಮರಾವ್ ಅವರ ಜೀವನ, ಲಕ್ಷ್ಮಿ ಪಾರ್ವತಿ ಅವರನ್ನು ಮದ್ವೆಯಾದ ಬಳಿಕ ನಡೆದ ಘಟನಾವಳಿಗಳ ಆಧಾರಿತ 'ಲಕ್ಷ್ಮೀಸ್ ಎನ್ಟಿಆರ್' ಮಾರ್ಚ್ 29ರಂದು ಬಿಡುಗಡೆಗೆ ಸಿದ್ಧವಾಗಿತ್ತು.
'ಗಾಡ್, ಸೆಕ್ಸ್, ಟ್ರೂಥ್' ಎಂದ ವರ್ಮಾಗೆ ಪೊಲೀಸರಿಂದ ಡ್ರಿಲ್
ಆದರೆ, ಈ ಚಿತ್ರದಲ್ಲಿರುವ ಪಾತ್ರವು ನೇರವಾಗಿ ಆಂಧ್ರದ ಮುಖ್ಯಮಂತ್ರಿ ಎನ್ ಚಂದ್ರಬಾಬು ನಾಯ್ಡು ಅವರ ರಾಜಕೀಯ ಹಾಗೂ ವಯಕ್ತಿಕ ಬದುಕಿಗೆ ಸಂಬಂಧಿಸಿದ್ದು, ನೆಗಟಿವ್ ಆಗಿ ಚಿತ್ರಿಸಲಾಗಿದೆ. ಇದರಿಂದ ಲೋಕಸಭೆ ಹಾಗೂ ವಿಧಾನಸಭೆ ಚುನಾವಣೆಯಲ್ಲಿ ಮತದಾರರ ಮೇಲೆ ಪರಿಣಾಮ ಉಂಟಾಗಲಿದೆ ಎಂದು ತೆಲುಗುದೇಶಂ ಪಾರ್ಟಿಯ ಕಾರ್ಯಕರ್ತರೊಬ್ಬರು ಕೋರ್ಟ್ ಮೊರೆ ಹೋಗಿದ್ದರು. ಮೊದಲ ಹಂತದ ಚುನಾವಣೆ ಮುಗಿಯುವ ತನಕ ಚಿತ್ರ ಬಿಡುಗಡೆಗೆ ತಡೆ ಕೋರಿದ ಅರ್ಜಿಗೆ ಹೈಕೋರ್ಟ್ ಅಸ್ತು ಎಂದಿದೆ.
ಏಪ್ರಿಲ್ 15ರವರೆಗೆ ಆಂಧ್ರದಲ್ಲಿ ಈ ಸಿನಿಮಾವನ್ನು ಬಿಡುಗಡೆ ಮಾಡದಂತೆ ಚಿತ್ರದ ನಿರ್ಮಾಪಕ ರಾಕೇಶ್ ರೆಡ್ಡಿ ಹಾಗೂ ನಿರ್ದೇಶಕರಾದ ರಾಮ್ಗೋಪಾಲ್ ವರ್ಮಾ ಹಾಗೂ ಅಗಸ್ತ್ಯ ಮಂಜು ಅವರಿಗೆ ನೋಟೀಸ್ ನೀಡಲಾಗಿದೆ. ಆಂಧ್ರದಲ್ಲಿ ಏಪ್ರಿಲ್ 11ಕ್ಕೆ ಮೊದಲ ಹಂತದ ಚುನಾವಣೆ ನಡೆಯಲಿದೆ.
Andhra Pradesh High Court has ordered stay on the release of Ram Gopal Verma's film Lakshmi's NTR. Next hearing adjourned till 3 April, the court ordered not to exhibit the film until then. pic.twitter.com/CaVxwG3zU5
— ANI (@ANI) March 28, 2019
ತೆಲಂಗಾಣದಲ್ಲಿ ಬಿಡುಗಡೆ : ಸುಮಾರು 750ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೆ ಸಿದ್ಧವಾಗಿರುವ ವರ್ಮಾ ಅವರ ಚಿತ್ರಕ್ಕೆ ಸೆನ್ಸಾರ್ ಪ್ರಮಾಣಪತ್ರವು ಸಿಕ್ಕಿದೆ. ಕಳೆದ ವಾರ ಚಿತ್ರಕ್ಕೆ ತಡೆ ಕೋರಿ, ತೆಲಂಗಾಣಅ ಹೈಕೋರ್ಟಿನಲ್ಲಿ ಇದೇ ರೀತಿ ಅರ್ಜಿ ಹಾಕಲಾಗಿತ್ತು. ಆದರೆ, ಅರ್ಜಿ ತಿರಸ್ಕಾರಗೊಂಡಿತ್ತು.