ಮಗ ಮೋದಿಗೆ ಆಶೀರ್ವದಿಸಿ ಮತ ಚಲಾಯಿಸಿದ ಹೀರಾ ಬೆನ್

ಅಹಮದಾಬಾದ್, ಏಪ್ರಿಲ್ 23: ಪ್ರಧಾನಿ ನರೇಂದ್ರ ಮೋದಿ ಅವರ ತಾಯಿ 95 ವರ್ಷದ ಹೀರಾ ಬೆನ್ ಅವರು ಇಂದು ಮತ ಚಲಾಯಿಸಿದರು.

ಮೋದಿ ಅವರು ಮತ ಚಲಾಯಿಸಲು ತೆರಳುವ ಮೊದಲು ಮನೆಗೆ ತೆರಳಿ ತಾಯಿ ಹೀರಾಬೆನ್ ಅವರನ್ನು ಭೇಟಿಯಾಗಿ ಆಶೀರ್ವಾದ ಪಡೆದರು.

ಮಗನಿಗೆ ಆಶೀರ್ವದಿಸಿದ ತಾಯಿ ಹೀರಾ ಬೇನ್, ತೆಂಗಿನಕಾಯಿ, ಶಾಲು ಜೊತೆಗೆ ಐದುನೂರು ರೂಪಾಯಿ ಹಣ ನೀಡಿ ಚುನಾವಣೆಯಲ್ಲಿ ಗೆಲ್ಲುವಂತೆ ಹಾರೈಸಿದರು. ಮಗನಿಗೆ ಸಿಹಿ ತಿನ್ನಿಸಿ ತಾವೂ ಸಿಹಿ ತಿಂದರು.

ಹೀರಾಬೆನ್ ಅವರು ಗುಜರಾತ್‌ನ ಗಾಂಧಿನಗರದಿಂದ ರೈಸಾನ್ ಎಂಬಲ್ಲಿ ವಾಸವಾಗಿದ್ದು, ಅವರು ಮೋದಿ ಅವರ ಸಹೋದರ ಪಂಕಜ್‌ ಮೋದಿ ಅವರೊಂದಿಗೆ ತೆರಳಿ ಮತಚಲಾಯಿಸಿದರು.

ಇತ್ತ ಮೋದಿ ಅವರು ಅಹಮದಾಬಾದ್‌ನಲ್ಲಿ ಮತ ಚಲಾಯಿಸಿದರು. ಮತಚಲಾಯಿಸಿ ಟ್ವೀಟ್ ಮಾಡಿರುವ ಮೋದಿ, ಪ್ರಜಾಪ್ರಭುತ್ವವನ್ನು ಬಲಪಡಿಸುವ ಕಾರ್ಯದಲ್ಲಿ ಭಾಗಿಯಾಗಿದ್ದೇನೆ ಎಂದು ಹೇಳಿದ್ದಾರೆ.

ಇಂದು ಮೂರನೇ ಹಂತದ ಲೋಕಸಭೆ ಚುನಾವಣೆಯು ನಡೆಯುತ್ತಿದ್ದು ಗುಜರಾತ್ ಸೇರಿದಂತೆ 15 ರಾಜ್ಯಗಳಲ್ಲಿ ಚುನಾವಣೆ ನಡೆಯುತ್ತಿದೆ.

English summary

Narendra Modi today met his mother Heera Ben before he cast his vote. Narendra Modi's mother 95 year old Heera Ben also casted her vote today in Gujrat.