ಇಲ್ಲಿ ಇದೇ ಮೊದಲು ಪಾನ್ ಜಗಿದು ಉಗಿದಿದ್ದಕ್ಕೆ ದಂಡ!

ಅಹಮದಾಬಾದ್, ಏಪ್ರಿಲ್ 28: 'ಓ ಖಾಕೆ ಪಾನ್ ಬನಾರಸವಾಲ...' ಎನ್ನುವ ನಾಡಲ್ಲಿ ಪಾನ್ ಮಸಾಲ, ಜರ್ದಾ, ಬೀಡಿ ಸದಾಕಾಲ ಜಗಿಯುವ ನಾಡಲ್ಲಿ ಅಚ್ಚರಿಯ ಕಾನೂನು ತನ್ನ ಅಧಿಕಾರ ತೋರಿಸಿದೆ. ಇದೇ ಮೊದಲ ಬಾರಿಗೆ ಸಾರ್ವಜನಿಕ ಸ್ಥಳದಲ್ಲಿ ಪಾನ್ ಮಸಾಲ ತಿಂದು ಉಗಿದ ಕಾರಣಕ್ಕೆ ದಂಡ ವಿಧಿಸಲಾಗಿದೆ.

ಈ ರೀತಿ ದಂಡ ಕಟ್ಟಿದ ಮೊಟ್ಟ ಮೊದಲ ವ್ಯಕ್ತಿಯ ಹೆಸರು ಮಹೇಶ್ ಕುಮಾರ್, ನಗರದ ನರೋಡಾ ಪ್ರದೇಶದ ಸರ್ದಾರ್ ಪಟೇಲ್ ರಸ್ತೆಯಲ್ಲಿ ಉಗಿಯುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ತಕ್ಷಣವೇ ಈ ವ್ಯಕ್ತಿಯ ವಿಳಾಸಕ್ಕೆ ಇ ಮೆಮೋ ಕಳಿಸಲಾಗಿದೆ. ಸಾರ್ವಜನಿಕ ಆರೋಗಕ್ಕೆ ಹಾನಿಯಾಗುವಂತೆ ನಡೆದುಕೊಂಡು ಕಾನೂನು ಉಲ್ಲಂಘಿಸಿದ ಅಪರಾಧಕ್ಕೆ 100 ರು ದಂಡ ಹಾಕಲಾಗಿದೆ.

ಅಹಮದಾಬಾದ್ ನಗರ ಪಾಲಿಕೆಯ್ ಅಧಿಕೃತವಾಗಿ ಪ್ರಕಟಣೆ ಹೊರಡಿಸಿದ್ದು, ನಗರ ಸ್ವಚ್ಛತೆಗೆ ಆದ್ಯತೆ ನೀಡಿ ಎಂದು ಕರೆ ನೀಡಿದೆ. ರಾಷ್ಟ್ರೀಯ ಸ್ವಚ್ಛತಾ ಸಮೀಕ್ಷೆಯಲ್ಲಿ ಅಹಮದಾಬಾದ್ ನಗರವೂ ಸ್ವಚ್ಛನಗರವಾಗಿ ಆಯ್ಕೆಯಾಗಿದೆ.

ಪಾನ್ ಮಸಾಲ ತಿಂದು ಈ ರೀತಿ ಎಲ್ಲೆಂದರಲ್ಲಿ ಉಗಿಯುವವರಿಗೆ ನೋಟಿಸ್ ನೀಡಿದ್ದು , ಇ ಮೆಮೋ ಕಳಿಸಿದ್ದು ದೇಶದಲ್ಲಿ ಇದೇ ಮೊದಲು ಎನ್ನಬಹುದು.

ಬೆಂಗಳೂರಿನ ಪ್ರಮುಖ ಬಡಾವಣೆಗಳಲ್ಲಿ ಈ ರೀತಿ ಸಾರ್ವಜನಿಕ ಸ್ಥಳಗಳಲ್ಲಿ ಸ್ವಚ್ಛತೆ ಹಾಳು ಮಾಡುವವರ ವಿರುದ್ಧ 100 ರು ನಿಂದ 1000 ರು ತನಕ ದಂಡ ವಿಧಿಸಲಾಗುತ್ತದೆ.

English summary

In what it claims to be the first case of its kind in India, a man in Ahmedabad was fined for spitting paan masala at a public place.