ರಾಜ್ ಕೋಟ್ ನ ಈಶಾನ್ಯ ಭಾಗದಲ್ಲಿ ಭೂಕಂಪದ ಅನುಭವ

ರಾಜ್ ಕೋಟ್, ಜೂನ್ 14: ರಾಜ್ ಕೋಟ್ ನ ಉತ್ತರ ಹಾಗೂ ಈಶಾನ್ಯ ಭಾಗದಲ್ಲಿ ಭಾನುವಾರ ರಾತ್ರಿ ವೇಳೆ ಭೂಕಂಪ ಸಂಭವಿಸಿದೆ.

ರಾಷ್ಟ್ರೀಯ ಸಿಸ್ಮೋಲಾಜಿ (ಎನ್ ಸಿಎಸ್) ಈ ಬಗ್ಗೆ ಮಾಹಿತಿ ನೀಡಿದ್ದು, ಗುಜರಾತಿನ ರಾಜ್ ಕೋಟ್ ನಲ್ಲಿ ರಾತ್ರಿ 8.13 ನಿಮಿಷದ ಸುಮಾರಿಗೆ ಭೂಕಂಪನದ ಅನುಭವವಾಗಿದೆ. ರಿಕ್ಚರ್ ಮಾಪಕದಲ್ಲಿ 5.5 ರಷ್ಟು ತೀವ್ರತೆ ಕಂಡು ಬಂದಿದೆ.

ಗುಜರಾತ್ ನ ಅಹಮದಾಬಾದ್ ಮುಂತಾದ ಕಡೆ ಭಾನುವಾರ ಭಾರಿ ಮಳೆ ಕೂಡಾ ಆಗಿದೆ. ಭೂಕಂಪದ ಕೇಂದ್ರ ಬಿಂದುವು ರಾಜ್ ಕೋಟ್ ನಿಂದ 118 ಕಿ. ಮೀ ವಾಯುವ್ಯಕ್ಕೆ ಕಂಡು ಬಂದಿದೆ. ಸದ್ಯದ ಮಾಹಿತಿ ಪ್ರಕಾರ ಯಾವುದೇ ಸಾವು ನೋವು, ಆಸ್ತಿ ಹಾನಿ ಸಂಭವಿಸಿಲ್ಲ.

Gujarat: People come out of their houses in Ahmedabad following tremors in the state; visuals from Prahlad Nagar area in the city.

National Center for Seismology (NCS) has ascertained that magnitude of the earthquake was 5.5 on the Richter scale. pic.twitter.com/h0NVlQmoEj

— ANI (@ANI) June 14, 2020

ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಾನುವಾರ ರಾತ್ರಿ 8.35ರ ಲಘು ಭೂಕಂಪ ಸಂಭವಿಸಿದೆ. ರಿಕ್ಚರ್ ಮಾಪಕದಲ್ಲಿ 3.0 ದಾಖಲಾಗಿದೆ ಎಂದು ಎನ್ ಸಿಎಸ್ ಮಾಹಿತಿ ನೀಡಿದೆ.

ಜೂನ್ 3 ರಂದು ನೋಯ್ಡಾದಲ್ಲಿ 3.0 ತೀವ್ರತೆಯ ಭೂಕಂಪದ ಅನುಭವ ದಾಖಲಾಗಿತ್ತು. ಇದಾದ ಬಳಿಕ ದೆಹಲಿ, ಎನ್ ಸಿ ಆರ್ ಪ್ರದೇಶದಲ್ಲೂ ಭೂಕಂಪದ ಅನುಭವವಾಗಿತ್ತು ಎಂದು ಎನ್ ಸಿಎಸ್ ತಿಳಿಸಿದೆ. ದೆಹಲಿ, ನೋಯ್ಡಾ, ಗುರುಗ್ರಾಮ ಭಾಗದಲ್ಲಿ ಒಟ್ಟಾರೆ, 5 ದಿನಗಳಲ್ಲಿ 3 ಬಾರಿ ಭೂಮಿ ಕಂಪಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು.

English summary

An earthquake of 5.5 magnitude struck near Gujarat's Rajkot at 8.13 PM, according to the National Center for Seismology (NCS).