ರಾಜ್ಕೋಟ್ ಜೈಲಿನಲ್ಲಿ 23 ಕೈದಿಗಳಿಗೆ ಕೋವಿಡ್ ಸೋಂಕು
ಅಹಮದಾಬಾದ್, ಆಗಸ್ಟ್ 16 : ರಾಜ್ಕೋಟ್ ಜೈಲಿನಲ್ಲಿ 23 ಕೈದಿಗಳಿಗೆ ಕೊರೊನಾ ವೈರಸ್ ಸೋಂಕು ತಗುಲಿದೆ. ಇದುವರೆಗೂ ಜಿಲ್ಲೆಯಲ್ಲಿ 3173 ಕೋವಿಡ್ ಪ್ರಕರಣಗಳು ದಾಖಲಾಗಿವೆ.
ಗುಜರಾತ್ನ ರಾಜ್ಕೋಟ್ ಜೈಲಿನಲ್ಲಿರುವ 94 ಕೈದಿಗಳಿಗೆ ರ್ಯಾಪಿಡ್ ಟೆಸ್ಟ್ ಮಾಡಲಾಗಿತ್ತು. ಈ ವೇಳೆ 23 ಕೈದಿಗಳಿಗೆ ಸೋಂಕು ಇರುವುದು ಖಚಿತವಾಗಿದೆ. ಇವರಲ್ಲಿ ವಿಚಾರಣಾಧೀನ ಕೈದಿಗಳು, ಅಪರಾಧಿಗಳು ಸೇರಿದ್ದಾರೆ.
7 ಜನರಿಗೆ ಕೊರೊನಾ ಸೋಂಕು, ಗುಜರಾತ್ ಹೈ ಕೋರ್ಟ್ ಬಂದ್
ರಾಜ್ಕೋಟ್ ಜೈಲಿನಲ್ಲಿ 1368 ಕೈದಿಗಳಿದ್ದಾರೆ. ಕೆಲವು ದಿನಗಳ ಹಿಂದೆ 11 ಕೈದಿಗಳಿಗೆ ಕೊರೊನಾ ವೈರಸ್ ಸೋಂಕು ಕಾಣಿಸಿಕೊಂಡಿತ್ತು. "ಎಲ್ಲಾ ಕೈದಿಗಳನ್ನು ಐಸೊಲೇಷನ್ನಲ್ಲಿ ಇಡಲಾಗಿದೆ. ರೋಗ ಲಕ್ಷಣ ಇರುವ ಕೈದಿಗಳನ್ನ ಆಸ್ಪತ್ರೆಗೆ ದಾಖಲಿಸಲಾಗುತ್ತದೆ" ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಚಿತ್ರಗಳು; ಕಚೇರಿಯನ್ನು ಕೋವಿಡ್ ಆಸ್ಪತ್ರೆ ಮಾಡಿದ ಉದ್ಯಮಿ
ಗುಜರಾಜ್ ರಾಜ್ಯದಲ್ಲಿ ಒಟ್ಟು ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ 77,663. ಸಕ್ರಿಯ ಪ್ರಕರಣಗಳ ಸಂಖ್ಯೆ 14,261. ರಾಜ್ಕೋಟ್ ಜಿಲ್ಲೆಯಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 3173.
ಹದಗೆಟ್ಟಿರೋ ಸರ್ಕಾರಿ ಆಸ್ಪತ್ರೆ ಸ್ಥಿತಿ: ಸರ್ಕಾರಕ್ಕೆ ಗುಜರಾತ್ ಹೈಕೋರ್ಟ್ ಕ್ಲಾಸ್
ಆರೋಗ್ಯ ಇಲಾಖೆ ನೀಡುವ ಮಾಹಿತಿ ಪ್ರಕಾರ ರಾಜ್ಕೋಟ್ನಲ್ಲಿ ಇದುವರೆಗೂ 65 ಸೋಂಕಿತರು ಮೃತಪಟ್ಟಿದ್ದಾರೆ. 1685 ಜನರು ಗುಣಮುಖರಾಗಿದ್ದಾರೆ.