Click it and Unblock the Notifications
Just In
-
-
-
Don't Miss
-
ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್ -
ಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G ಫೋನ್ ಸೇಲ್!..ಬೆಲೆ ಎಷ್ಟು? -
ಹೊಟ್ಟೆಯೇ ಇಲ್ಲದೆ ಬದುಕಿದ್ದ ನತಾಶಾ ದಿಡ್ಡಿ ನಿಧನ...! ಈಕೆ ಯಾರು ಗೊತ್ತಾ? -
ಸುಗಮ, ಸುರಕ್ಷಿತ ಸಂಚಾರಕ್ಕಾಗಿ ವಿಶೇಷ ಅಭಿಯಾನ ಆರಂಭಿಸಿದ ಬೆಂಗಳೂರು ಸಂಚಾರಿ ಪೊಲೀಸ್ -
ಆತ್ಮಗಳ ಜೊತೆ ಮಾತಾಡುತ್ತಾರಾ ನೀತು? ಕನಸುಗಳನ್ನು ಬೆನ್ನತ್ತಿ ಹೊರಟಿದ್ದೇಕೆ? -
ಹಲವು ಆಯ್ಕೆಗಳಲ್ಲಿ ಸಿಗಲಿದೆ 5 ಡೋರ್ ಥಾರ್: ಸುದ್ದಿ ತಿಳಿದು ನಿಟ್ಟುಸಿರು ಬಿಟ್ಟ ಮಹೀಂದ್ರಾ ಫ್ಯಾನ್ಸ್! -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾಜಕುಮಾರನಿಗೆ ಜನ್ಮವಿತ್ತ ಕೇಟ್ ವಿಲಿಯಂ
ಲಂಡನ್, ಜು. 23 : ಇಡೀ ಜಗತ್ತು ಅತ್ಯಂತ ಕಾತರದಿಂದ ನಿರೀಕ್ಷಿಸುತ್ತಿದ್ದ ಆ ಘಳಿಗೆ ಬಂದುಬಿಟ್ಟಿದೆ. ಕೇಂಬ್ರಿಜ್ ಡಚೆಸ್ ಕೇಟ್ ಮಿಡ್ಲ್‌ಟನ್ ಜು.22ರಂದು ಸಂಜೆ 4.24 ಗಂಟೆ ಸುಮಾರಿಗೆ ರಾಜಕುವರನಿಗೆ ಜನ್ಮವಿತ್ತಿದ್ದಾಳೆ. ಪ್ರಿನ್ಸ್ ಚಾರ್ಲ್ಸ್, ಪ್ರಿನ್ಸ್ ವಿಲಿಯಂ ನಂತರ ಬ್ರಿಟಿಷ್ ಅಧಿಪತ್ಯಕ್ಕೆ ಮೂರನೇ ರಾಜಕುಮಾರ ದಕ್ಕಿದಂತಾಗಿದೆ.
ಲಂಡನ್ ನಲ್ಲಿರುವ ಸೇಂಟ್ ಮೇರೀಸ್ ಆಸ್ಪತ್ರೆಯಲ್ಲಿ ತನ್ನ ಅಪ್ಪ ಜನಿಸಿದ ಕೋಣೆಯಲ್ಲಿಯೇ ಮಗುವಿನ ಜನ್ಮವಾಗಿದೆ. ಮಗು 8 ಪೌಂಡ್ 6 ಔನ್ಸ್ ತೂಕವಿದ್ದು (3.6 ಕೆಜಿ) ತಾಯಿ ಮತ್ತು ಮಗು ಆರಾಮವಾಗಿದ್ದಾರೆ, ಪ್ರಿನ್ಸ್ ವಿಲಿಯಂ ಮತ್ತು ಕೇಟ್‌ಗೆ ಮೊದಲನೇ ಮಗುವಾಗಿದೆ ಎಂದು ಬಕ್ಕಿಂಗ್ ಹ್ಯಾಮ್ ಪ್ಯಾಲೇಸ್ ತಿಳಿಸಿದೆ. ರಾಣಿ ಎಲಿಜಬೆತ್‌ಗೆ ಇದು ಮೊದಲನೇ ಮರಿಮಗ.
ಅಜ್ಜನಾಗಿದ್ದಕ್ಕೆ ಪ್ರಿನ್ಸ್ ಚಾರ್ಲ್ಸ್ ಅವರು ಅತೀವ ಸಂತಸ ವ್ಯಕ್ತಪಡಿಸಿದ್ದಾರೆ. "ನನ್ನ ಮೊದಲನೇ ಮೊಮ್ಮಗು ಬಂದಿದ್ದಕ್ಕೆ ತುಂಬಾ ಸಂತೋಷವಾಗುತ್ತಿದೆ. ವಿಲಿಯಂ ಮತ್ತು ಕ್ಯಾಥರೀನ್‌ಗೆ ಗಂಡು ಮಗು ಜನಿಸಿರುವುದು ವಿಶೇಷವಾದ ಘಳಿಗೆ. ಅಜ್ಜನಾಗುವುದು ಎಂತಹ ವಿಶೇಷವಾದ ಅನುಭೂತಿ ಎಂದು ನನಗೆ ಅನೇಕ ಜನರು ಹೇಳಿದ್ದಾರೆ. ನನ್ನ ಮೊಮ್ಮಗುವನ್ನು ನೋಡಲು ಕಾತರದಿಂದ ಕಾಯುತ್ತಿದ್ದೇನೆ" ಎಂದು ಅವರು ಹರ್ಷ ಹಂಚಿಕೊಂಡಿದ್ದಾರೆ. ರಾಜಕುಮಾರಿ ಡಯಾನಾ ಇದ್ದಿದ್ದರೆ ಇನ್ನೆಷ್ಟು ಸಂತಸಪಟ್ಟಿರುತ್ತಿದ್ದಳೋ! ಅಲಾಸ್!
ಮಗು ಹುಟ್ಟಿದ ವಿಷಯವನ್ನು ಸಂಜೆ 8.30ಕ್ಕೆ ಯುಕೆಯಲ್ಲಿ (ಭಾರತೀಯ ಕಾಲಮಾನ ಜು.23ರ ಬೆಳಗಿನ ಜಾವ 1.30ಕ್ಕೆ) ಪ್ರಕಟಿಸಲಾಯಿತು. "ಇಡೀ ದೇಶವೇ ಯುವ ರಾಜಕುಮಾರನ ಆಗಮನವನ್ನು ಆಚರಿಸಲಿದೆ. ಪ್ರಿನ್ಸ್ ವಿಲಿಯಂ ಮತ್ತು ಕೇಟ್ ಉತ್ತಮ ತಂದೆ-ತಾಯಿಯಾಗುವುದರಲ್ಲಿ ಸಂಶಯವಿಲ್ಲ" ಎಂದು ಪ್ರಧಾನಿ ಡೆವಿಡ್ ಕ್ಯಾಮರೂನ್ ಹೇಳಿಕೆ ನೀಡಿದ್ದಾರೆ. ಮಗುವಿನ ಜನನವಾಗುತ್ತಿದ್ದಂತೆ "It's baby boy" ಎಂದು ಬಕ್ಕಿಂಗ್ ಹ್ಯಾಮ ಪ್ಯಾಲೇಸ್ ಎದುರುಗಡೆ ಬೋರ್ಡ್ ಮೇಲೆ ಪ್ರಕಟಿಸಲಾಯಿತು.
