ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಮದುವೆ ಹಿಂದಿನ ದಿನ ವರ ನಾಪತ್ತೆ, ವಧು ಕಂಗಾಲು

By Prasad
|
Google Oneindia Kannada News

Bride groom disappears mysteriously in Bidar
ಬೀದರ್, ಜೂ. 26 : ಮದುವೆ ಹಿಂದಿನ ದಿನ ವಧುವಿನ ಕಡೆಯವರಿಂದ ಎಲ್ಲ ಆದರಾತಿಥ್ಯ ಸ್ವೀಕರಿಸಿದ ವರ, ಮದುವೆ ಹಿಂದಿನ ರಾತ್ರಿ ನಿಗೂಢವಾಗಿ ಪರಾರಿಯಾಗಿದ್ದು, ಬುಧವಾರ ನಡೆಯಬೇಕಾಗಿದ್ದ ಮದುವೆ ನಿಂತಿರುವ ಘಟನೆ ಬೀದರಿನಲ್ಲಿ ನಡೆದಿದೆ.

ವರ ಚಿಕ್ಕಪೇಟೆಯ ಸಂಪತ್ ಕುಮಾರ್ ಎಲ್ಲಿ ಹೋಗಿದ್ದಾನೆ? ಯಾಕೆ ಹೋಗಿದ್ದಾನೆ? ಮರಳಿ ಬರ್ತಾನೋ ಇಲ್ಲವೋ ಎಂಬುದು ಯಾವುದೂ ಖಾತ್ರಿಯಾಗಿಲ್ಲ. ಈ ಕಡೆಗೆ, ಆಯತಾ ಸಮಯದಲ್ಲಿ ವರ ಕೈಕೊಟ್ಟಿದ್ದರಿಂದ ತನ್ನ ಬಾಳೇ ಹಾಳಾಯಿತು ಎಂದು ವಧು ಔರಾದ್‌ನ ದೀಪಿಕಾ ಕಣ್ಣೀರಿಡುತ್ತಿದ್ದಾಳೆ.

ಮೆಕ್ಯಾನಿಕ್ ಆಗಿ ಕೆಲಸ ಮಾಡುತ್ತಿದ್ದ ಸಂಪತ್ ಕುಮಾರ್ ಮತ್ತು ದೀಪಿಕಾ ಮದುವೆ ಬೀದರ್ ನಗರದಲ್ಲಿರುವ ಎಸ್.ಆರ್.ಎಸ್. ಫಂಕ್ಷನ್ ಹಾಲ್‌ನಲ್ಲಿ ಬುಧವಾರ 12.30ಕ್ಕೆ ನಿಗದಿಯಾಗಿತ್ತು. ಮಂಗಳವಾರ ವರೋಪಚಾರ ಸ್ವೀಕರಿಸಿ, ಖುಷಿಯಾಗಿಯೇ ಇದ್ದ ಸಂಪತ್ ಕುಮಾರ್ ರಾತ್ರಿ 11.30ರ ಸುಮಾರಿಗೆ ನಾಪತ್ತೆಯಾಗಿದ್ದಾನೆ.

ಎಸ್.ಆರ್.ಎಸ್ ಫಂಕ್ಷನ್ ಹಾಲಿನಲ್ಲಿ ಮದುವೆಗೆ ಎಲ್ಲ ಸಿದ್ಧತೆ ಮಾಡಿಕೊಳ್ಳಲಾಗಿತ್ತು. ಲಗ್ನಕ್ಕೆ ಬೇಕಾದ ಎಲ್ಲ ಸರಂಜಾಮುಗಳನ್ನು ತರಿಸಲಾಗಿತ್ತು. ಮಂಟಪ ಅಲಂಕರಿಸಲಾಗಿತ್ತು, ಮುಂದುಗಡೆ ತಳಿರು ತೋರಣವನ್ನೂ ಕಟ್ಟಲಾಗಿತ್ತು. ಈಗ ವರನೇ ಇಲ್ಲದ್ದರಿಂದ ಬಾಳೆಗಿಡ ಒಣಗಿ ನಿಂತಂತಾಗಿದೆ, ತೆಂಗಿನ ಕಾಯಿ ನಿದ್ದೆ ಮಾಡುತ್ತಿದೆ.

ವರನ ನಾಪತ್ತೆಯಿಂದ ವಿಚಲಿತರಾಗಿರುವ ವಧುವಿನ ತಂದೆ ಶಂಕರ್ ಅವರು ಬೀದರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ವರನ ಕಡೆಯವರಿಗೆ 50 ಸಾವಿರ ರು. ವರದಕ್ಷಿಣೆಯನ್ನೂ ಕೊಡಲಾಗಿತ್ತು, ಉತ್ತಮವಾಗಿ ಮದುವೆ ಮಾಡಿಕೊಡುವುದಾಗಿ ವಾಗ್ದಾನವನ್ನೂ ನೀಡಲಾಗಿತ್ತು. ಆದರೂ, ವರ ಏಕೆ ಪರಾರಿಯಾದ ಎಂಬುದು ತಿಳಿಯದಾಗಿದೆ ಎಂದಿದ್ದಾರೆ.

English summary
Bride groom has disappeared mysteriously in Bidar on the eve of his marriage, leaving bride and her family in shock. He enjoyed all the hospitality on Tuesday, June 26 offered by bride's family. A case has been lodged against him in Bidar police station.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X