ಬಾಡಿಗೆ ಮಗು: ಶಾರುಖ್ ಖಾನ್ ವಿರುದ್ಧ ಫತ್ವಾ

ಮುಂಬೈ, ಜೂನ್ 19: ಮತ್ತೊಮ್ಮೆ ಅಪ್ಪನಾಗಲು ಹೊರಟಿರುವ ಬಾಲಿವುಡ್ ಬಾದ್ ಷಾ ಶಾರುಖ್ ಖಾನ್ ವಿರುದ್ಧ ಫತ್ವಾ ಹೊರಡಿಸಲಾಗಿದೆ.

ಈಗಾಗಲೇ ಇಬ್ಬರು ಮಕ್ಕಳಿದ್ದರೂ ಮೂರನೆಯ ಮಗುವಿಗೆ ಹಂಬಲಿಸಿದ ತಾರಾ ದಂಪತಿ ಬಾಡಿಗೆ ತಾಯಿ ಮೂಲಕ ಮಗುವನ್ನು ಪಡೆಯುತ್ತಿದ್ದಾರೆ ಎಂಬ ಸುದ್ದಿ ಹೊರ ಜಗತ್ತಿಗೆ ತಿಳಿದಿದ್ದೇ ತಡ ದಂಪತಿ ಒಂದರಮೇಲೊಂದು ತೊಂದರೆ ಅನುಭವಿಸುವಂತಾಗಿದೆ.

ಮೂರನೇ ಮಗು ಗಂಡು ಎಂದು ತಿಳಿದುಬರುತ್ತಿದ್ದಂತೆ ಗರ್ಭದಲ್ಲಿನ ಮಗುವಿನ ಲಿಂಗ ನಿರ್ಧಾರ ಮಹಾಪರಾಧ ಎಂದು ಶಾರುಖ್ ದಂಪತಿ ವಿರುದ್ಧ ಕಿಡಿಕಾರಲಾಯಿತು. 2009ರಲ್ಲಿ ಪ್ರವಾದಿ ಮೊಹಮದ್ ವಿರುದ್ಧ ಅವಹೇಳನಕಾರಿ ಹೇಳಿಕೆ ನೀಡಿದ್ದಾರೆ ಎಂದು ಮುಸ್ಲಿಂ ಪ್ರವಾದಿಗಳು ಶಾರುಖ್ ವಿರುದ್ಧ ಗರಂ ಆಗಿದ್ದರು.

ಇದೀಗ ಮರ್ಕಾಜಿ ದಾರುಲ್‌ ಇಫ್ತಾ ದರ್ಗಾ ಅಲ್ ಹಜರತ್ ಫ‌ತ್ವಾ ಹೊರಡಿಸಿದೆ. ಬಾಡಿಗೆ ತಾಯಿ ಮೂಲಕ ಮಗು ಪಡೆಯುವುದು ಮುಸ್ಲಿಂ ಷರಿಯತ್‌ ಕಾನೂನಿಗೆ ವಿರುದ್ಧವಾಗಿದೆ ಎಂದು ಫ‌ತ್ವಾದಲ್ಲಿ ಅಭಿಪ್ರಾಯಪಡಲಾಗಿದೆ.

ಜನನ ಪೂರ್ವದಲ್ಲೇ ಲಿಂಗ ತಿಳಿಯುವುದು ಸಹ ಅಪರಾಧ ಎಂದು ಫತ್ವಾದಲ್ಲಿ ಹೇಳಲಾಗಿದೆ. ಹಾಗೆಯೇ, ಬಾಡಿಗೆ ತಾಯಿಯ ವಿರುದ್ಧವೂ ಫತ್ವಾ ಹೊರಡಿಸಲಾಗಿದೆ.

English summary

Bollywood - Fatwa has been issued against Shah Rukh Khan Markazi Darul Ifta Dargah Al Hazrat for 'shariyat'. He is being blamed by the Muslim community for - Hiring a surrogate mother to get a child, Pre-birth sex determination of the child and The Fatwa also includes the surrogate mother who's helping the family get the child.