• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಪದ್ಮಭೂಷಣ ಡಾ. ಎನ್. ಶೇಷಗಿರಿ ಅವರ ನೆನಪು

By Mahesh
|

ಭಾರತ ಸರ್ಕಾರದ ಮಾಜಿ ವಿಶೇಷ ಕಾರ್ಯದರ್ಶಿ ಮತ್ತು ರಾಷ್ಟ್ರೀಯ ಸೂಚನಾ ಕೇಂದ್ರದ (ಎನ್ ಐಸಿ) ಸಂಸ್ಥಾಪಕ ಡಾ. ಎನ್. ಶೇಷಗಿರಿ (10-5-1940 - 26-5-2013) ಅವರು ಅನಾರೋಗ್ಯದಿಂದ 2013ರ ಮೇ 26ರ ಭಾನುವಾರ ನಿಧನರಾಗಿದ್ದಾರೆ. ಅವರಿಗೆ 73 ವರ್ಷ ವಯಸ್ಸಾಗಿತ್ತು.

ಬೆಂಗಳೂರಿನ ಬನಶಂಕರಿಯಲ್ಲಿರುವ ಚಿತಾಗಾರದಲ್ಲಿ ಮೇ 29, 2013ರ ಬುಧವಾರ ಮಧ್ಯಾಹ್ನ 2 ಗಂಟೆ ನಂತರ ಮೃತರ ಅಂತ್ಯಕ್ರಿಯೆಯನ್ನು ಧಾರ್ಮಿಕ ವಿಧಿವಿಧಾನಗಳಿಂದ ನೆರವೇರಿಸಲಾಗಿದೆ.

ರಾಷ್ಟ್ರೀಯ ಸೂಚನಾ ಕೇಂದ್ರದ (ಎನ್ ಐಸಿ) ಇಂದು ದಿನನಿತ್ಯದ ಸರ್ಕಾರಿ ವೆಬ್ ತಾಣಗಳ ಜಾಲವಾಗಿ ಬೆಳೆದಿದೆ. ಇದರ ಹಿಂದಿನ ರುವಾರಿ ಬೆಂಗಳೂರಿನ ಶೇಷಗಿರಿಯವರು. ಡಾ. ಎನ್. ಶೇಷಗಿರಿ ಅವರು ದೇಶದಾದ್ಯಂತ ಕಂಪ್ಯೂಟರ್ ನೆಟ್ ವರ್ಕ್ ಅನ್ನು ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.

ಶೇಷಗಿರಿ ಅವರ ದೂರದೃಷ್ಟಿಯ ಫಲವಾಗಿ ಎನ್ ಐಸಿ ನೆಟ್ ರೂಪುಗೊಂಡಿತ್ತು. ಸಾಫ್ಟ್ ವೇರ್ ಮತ್ತು ಹಾರ್ಡ್ ವೇರ್ ಗೆ ಸಂಬಂಧಿಸಿದ ಹಲವಾರು ನೀತಿಗಳನ್ನು ಸರ್ಕಾರಕ್ಕಾಗಿ ಸಿದ್ಧಪಡಿಸಿಕೊಟ್ಟ ಹಿರಿಮೆಯೂ ಇವರಿಗೆ ಸಲ್ಲುತ್ತದೆ.

ಭಾರತೀಯ ಸಾಫ್ಟ್ ವೇರ್ ಟೆಕ್ನಾಲಜಿ ಪಾರ್ಕ್ (ಎಸ್ ಟಿಪಿಐ) ಅನ್ನು ದೇಶದಲ್ಲಿ ಸ್ಥಾಪಿಸುವಲ್ಲಿ ಇವರ ಕೊಡುಗೆ ಅತ್ಯಮೂಲ್ಯ. ಎಸ್ ಟಿಪಿಐನ ಫಲವಾಗಿಯೇ ಭಾರತದ ಸಾಫ್ಟ್ ವೇರ್ ರಫ್ತಿನಲ್ಲಿ ಗಮನಾರ್ಹ ಏರಿಕೆ ದಾಖಲಾಗಿದ್ದು ಇಲ್ಲಿ ಸ್ಮರಣೀಯ.

ಡಾ. ಎನ್. ಶೇಷಗಿರಿ ಅವರು ದೇಶದಲ್ಲಿ ಇ- ಆಡಳಿತವನ್ನು ಉತ್ತೇಜಿಸಿದ ಪ್ರಮುಖ ಪ್ರವರ್ತಕರೆನಿಸಿದ್ದಾರೆ. ದೇಶದಲ್ಲಿ ಇ-ಆಡಳಿತವನ್ನು ಜಾರಿಗೆ ತರಬೇಕೆನ್ನುವುದು ಅವರ ಮಹೋನ್ನತ ಕನಸಾಗಿತ್ತು. ಇದಕ್ಕಾಗಿಯೇ ಅವರು ರೂಪಿಸಿದ ಹಲವಾರು ‘ಅಪ್ಲಿಕೇಷನ್'ಗಳಿಂದಾಗಿಯೇ ಇಂದು ದೇಶದಲ್ಲಿ ಇ-ಆಡಳಿತ ದಿನನಿತ್ಯದ ಆಡಳಿತದಲ್ಲಿ ಹಾಸುಹೊಕ್ಕಾಗಿದೆ.

ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸೈನ್ಸ್ ನಲ್ಲಿ ಪದವಿ ಪಡೆದ ನಂತರ ಮುಂಬೈನ ಟಾಟಾ ಇನ್ಸ್ಟಿಟ್ಯೂಟ್ ಆಫ್ ಫಂಡಮೆಂಟಲ್ ರಿಸರ್ಚ್(TIFR) ನಂತರ ಮಾಹಿತಿ ಯೋಜನಾ ಇಲಾಖೆ, ಎಲೆಕ್ಟ್ರಾನಿಕ್ ಆಯೋಗದ ಭಾಗವಾದರು. NICಯಲ್ಲಿ 25 ವರ್ಷ ಕರ್ತವ್ಯ ನಿರ್ವಹಿಸಿದ ನಂತರ ನಿವೃತ್ತಿ ಪಡೆದ ಶೇಷಗಿರಿ ಅವರು ಎಚ್ ಸಿಎಲ್ ಟೆಕ್ನಾಲಜೀಸ್ ಸಂಸ್ಥೆಗೆ ತಾಂತ್ರಿಕ ಸಲಹೆಗಾರರಾಗಿದ್ದರು.

ಡಾ. ಎನ್. ಶೇಷಗಿರಿ ಅವರು ಪತ್ನಿ, ಓರ್ವ ಮಗ ಮತ್ತು ಮಗಳು ಹಾಗೂ ಇಬ್ಬರು ಮೊಮ್ಮಕ್ಕಳು ಸೇರಿದಂತೆ ಅಪಾರ ಅಭಿಮಾನಿಗಳನ್ನು ಅಗಲಿದ್ದಾರೆ. ಆದರೆ, ಶೇಷಗಿರಿ ಅವರು ಹರಿಡಿರುವ ಜ್ಞಾನ ಜಾಲ ಅಜರಾಮರವಾಗಿ ಉಳಿಯಲಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Padma Bhushan N. Seshagiri, former special secretary to the union information technology department and Planning Commission and founder director-general of the state-run National Informatics Centre (NIC), died in Bangalore after a brief illness. He was 73. His last rites carried today(May.29)
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more