ತುಮಕೂರು: ಶಿರಾ ಜೆಡಿಎಸ್ ಅಭ್ಯರ್ಥಿ ಪ್ರಕಟ!

ತುಮಕೂರು,ಮಾ.28: ಜೆಡಿಎಸ್ ಪಕ್ಷದ ಯುವನೇತ, ಸಂಭಾವ್ಯ ಮುಖ್ಯಮಂತ್ರಿ, ಮಾಜಿ ಸಿಎಂ ಕುಮಾರಸ್ವಾಮಿ ಅವರೇನೋ ಮುಂದಿನ ಚುನಾವಣೆಯಲ್ಲಿ ತನ್ನ ಪಕ್ಷದ ಅಭ್ಯರ್ಥಿಗಳನ್ನು ಗೆಲ್ಲಿಸೋ ತಂದೆ ಎಂದು ಅಜ್ಮೀರ್ ದರ್ಗಾದಲ್ಲಿ ಬೇಡಿದ್ದಾರೆ. ಅವರು ಹೊತ್ತೊಯ್ದಿರುವ ಅಭ್ಯರ್ಥಿಗಳ ಪಟ್ಟಿಯಲ್ಲಿ ಅದರಲ್ಲಿ ಯಾರ ಯಾರ ಹೆಸರುಗಳು ಇವೆಯೋ ಗೊತ್ತಿಲ್ಲ. ಆದರೆ ತುಮಕೂರು ಜಿಲ್ಲೆ ಶಿರಾ ಕ್ಷೇತ್ರದಲ್ಲಿ

ಜೆಡಿಎಸ್ ಅಭ್ಯರ್ಥಿಯ ಹೆಸರು ಬೆಳಕಿಗೆ ಬಂದಿದೆ. ಕಳೆದ ಚುನಾವಣೆಯಲ್ಲಿ ಪರಾಜಿತರಾಗಿದ್ದ ಪಕ್ಷದ ಹಿರಿಯ ನಾಯಕ ಬಿ ಸತ್ಯನಾರಾಯಣ ಅವರೇ ಇಲ್ಲಿನ ಸ್ವಘೋಷಿತ ಅಭ್ಯರ್ಥಿ.

ಸ್ವಘೋಷಿತ ಏಕೆಂದರೆ ಇನ್ನೂ ಅಧಿಕೃತ ಪಟ್ಟಿ ಪ್ರಕಟವಾಗಿಲ್ಲ. ಇದೇ ವೇಳೆ, ಸ್ಥಳೀಯ ಪ್ರಭಾವಿ ನಾಯಕ ಸತ್ಯನಾರಾಯಣ ಅವರು ತಾವೇ ಜೆಡಿಎಸ್ ಅಧಿಕೃತ ಅಭ್ಯರ್ಥಿ ಎಂಬಂತೆ ಚಲಾವಣೆಗೆ ಬಂದಿದ್ದಾರೆ. ಜತೆಗೆ ಇದೇ ಕೊನೆಯ ಬಾರಿ ಚುನಾವಣೆಗೆ ನಿಲ್ಲುವುದಿಲ್ಲ. ನಿಮ್ಮ ಮುಂದೆ ಬಂದು ಮತ ಯಾಚಿಸುವುದಿಲ್ಲ ಎಂದು ಮಾಜಿ ಸಚಿವರೂ ಆದ ಸತ್ಯಾನಾರಾಯಣ ಪರ ಅವರ ಅಭಿಮಾನಿಗಳು ತಾಲೂಕಿನ ಮತದಾರರಲ್ಲಿ ಮನವಿ ಮಾಡಿಕೊಂಡಿದ್ದಾರೆ.

ಸತ್ಯನಾರಾಯಣ ಅವರು ಕೊನೆಯ ಬಾರಿಗೆ ಚುನಾವಣೆಗೆ ನಿಲ್ಲುತ್ತಿದ್ದಾರೆ. ಅವರು ಗೆದ್ದರೆ ಶಿರಾ ತಾಲೂಕು ಸಮಗ್ರ ಅಭಿವೃದ್ಧಿ ಕಾಣಲಿದೆ. ಹಾಗಾಗಿ ಅವರನ್ನೇ ಗೆಲ್ಲಿಸಿ ಎಂದೂ ಅಭಿಮಾನಿಗಳು ಕೋರಿದ್ದಾರೆ.

ಕುತೂಹಲಕಾರಿ ಸಂಗತಿಯೆಂದರೆ ಈ ಬಾರಿಯೂ ಅವರು ಕಾಂಗ್ರೆಸ್ಸಿನ ಪ್ರಭಾವಿ ನಾಯಕ, ಕಳೆದ ಚುನಾವಣೆಯಲ್ಲಿ ಜಯಭೇರಿ ಬಾರಿಸಿದ್ದ ಟಿಬಿ ಜಯಚಂದ್ರ ಅವರ ವಿರುದ್ಧ ಸತ್ಯನಾರಾಯಣ ಅಂತಿಮ ಹೋರಾಟ ನಡೆಸಿದ್ದಾರೆ.

ನೀವೇ ಆಗಿರಿ ಕರ್ನಾಟಕದ ಗುರು | ಮತ ಹಾಕ್ತೀನಂತ ಪ್ರಮಾಣ ಮಾಡಿ

English summary

JDS Karnataka President HD Kumaraswamy is yet to announce the list of his party candidates for May 5th elections. But in the meanwhile ex Minister B Satyanarayana may contest Shira in Tumkur dist.