ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಲೋಕಾಯುಕ್ತಕ್ಕೆ ಹೈ ತಾಕೀತು: ಭ್ರಷ್ಟರಿಗೆ ಊರುಗೋಲು

By Srinath
|
Google Oneindia Kannada News

Lokayukta police should not raid without FIR -Higher ups permission -High Court
ಬೆಂಗಳೂರು, ಫೆ. 6: ಈ ಒಂದು ಸುದ್ದಿಯನ್ನು ಕೇಳಿ ಕರ್ನಾಟಕದ ಸಮಸ್ತ ಭ್ರಷ್ಟ ಅಧಿಕಾರಿಗಳಿಗೆ ಹಾಲು ಕುಡಿದಷ್ಟು ಸಂತೋಷವಾಗಿರುತ್ತದೆ. ಏನಪ್ಪಾ ಅಂದರೆ ಇದುವರೆಗೂ ಭ್ರಷ್ಟರ ಪಾಲಿಗೆ ಸ್ವಲ್ಪಮಟ್ಟಿಗಾದರೂ ಸಿಂಹಸ್ವಪ್ನರಾಗಿದ್ದ ಲೋಕಾಯುಕ್ತ ಪೊಲೀಸರಿಗೆ ತೀವ್ರ ಹಿನ್ನೆಡೆಯುಂಟಾಗುವ ರೀತಿಯಲ್ಲಿ ರಾಜ್ಯ ಹೈಕೋರ್ಟ್ ನಿನ್ನೆ ಈ ಆದೇಶ ಹೊರಡಿಸಿದೆ.

ಏನಪಾ ಅಂದರೆ ಇನ್ಮುಂದೆ ಲೋಕಾಯುಕ್ತ ಪೊಲೀಸರು ಎಫ್‌ಐಆರ್ ದಾಖಲಿಸದೆ, ಉನ್ನತಾಧಿಕಾರಿಗಳಿಗೆ ಪೂರ್ವ ಮಾಹಿತಿ ನೀಡದೆ ಬಿಲ್ಕುಲ್ ದಾಳಿ ನಡೆಸುವಂತಿಲ್ಲ ಎಂಬುದು ಹೈಕೋರ್ಟ್ ಆದೇಶದ ತಾತ್ಪರ್ಯ. ಆದರೆ ಆ ವೇಳೆಗೆ ಮಾಹಿತಿ ಸೋರಿಕೆಯಾಗಿ ಭ್ರಷ್ಟರು ಲೋಕಾ ಬಲೆಯಿಂದ ನುಣುಚಿಕೊಂಡರೆ... ಎಂಬ ಆತಂಕ ಎದುರಾಗಿದೆ.

ಲೋಕಾಯುಕ್ತ ದಾಳಿಗೊಳಗಾಗಿದ್ದ ಸಬ್‌ರಿಜಿಸ್ಟ್ರಾರ್ ಗಿರೀಶ್ ಚಂದ್ರ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ನಡೆಸಿದ ಹಂಗಾಮಿ ಮುಖ್ಯ ನ್ಯಾಯಮೂರ್ತಿ ಕೆ ಶ್ರೀಧರ್‌ರಾವ್‌ ಮತ್ತು ನ್ಯಾ. ಎಸ್ ಅಬ್ದಲ್‌ ನಜೀರ್‌ ಅವರಿದ್ದ ವಿಭಾಗೀಯಪೀಠವು ಈ ಮಹತ್ವದ ಆದೇಶ ನೀಡಿದೆ. ಇದು ಭ್ರಷ್ಟ ಅಧಿಕಾರಿಗಳಿಗೆ ಇದು ಊರುಗೋಲಾಗುವ ಸಾಧ್ಯತೆ ಹೆಚ್ಚಾಗಿದೆ.

ಭ್ರಷ್ಟಾಚಾರ ಪ್ರಕರಣಗಳ ಸಂಬಂಧ ಎಫ್ಐಆರ್‌ ದಾಖಲಿಸದೆ ಆರೋಪಿಗಳ ವಿರುದ್ಧ ದಾಳಿ ನಡೆಸುವುದು ಸುಪ್ರೀಂಕೋರ್ಟ್‌ ಆದೇಶದ ಉಲ್ಲಂಘನೆಯಾಗುತ್ತದೆ. ನಿಯಮ ಉಲ್ಲಂಘಿಸುವ ಲೋಕಾಯುಕ್ತ ಪೊಲೀಸರ ವಿರುದ್ಧ ಶಿಸ್ತು ಕ್ರಮ ಜರುಗಿಸಬೇಕು. ಈ ಬಗ್ಗೆ ಲೋಕಾಯುಕ್ತ ಪೊಲೀಸರಿಗೆ ಸೂಕ್ತ ತರಬೇತಿ ನೀಡುವಂತೆಯೂ ಲೋಕಾಯುಕ್ತ ಡಿಜಿಪಿಗೆ ಹೈಕೋರ್ಟ್ ಸೂಚನೆ ನೀಡಿದೆ.

'ಭ್ರಷ್ಟಾಚಾರ ನಿಯಂತ್ರಣ ಕಾಯ್ದೆ'ಯಡಿ ದೂರು ಬಂದಾಗ, ಮೊದಲು ಆ ದೂರನ್ನು ಸ್ವೀಕರಿಸಿ ಪರಿಶೀಲನೆ ನಡೆಸಬೇಕು. ದೂರಿನಲ್ಲಿ ಸತ್ಯಾಂಶವಿರುವುದು ಮೇಲ್ನೋಟಕ್ಕೆ ಕಂಡುಬಂದಲ್ಲಿ ಎಫ್ಐಆರ್‌ ದಾಖಲಿಸಬೇಕು. ನಂತರವೇ ಆರೋಪಿಗಳ ಮೇಲೆ ದಾಳಿ ನಡೆಸಬೇಕು. ಅದಕ್ಕೂ ಮೊದಲು, ಎಫ್ಐಆರ್‌ ದಾಖಲಿಸುತ್ತಿದ್ದಂತೆ ತನಿಖಾಧಿಕಾರಿಯು ತನ್ನ ಮೇಲಧಿಕಾರಿಗೆ ಕಡ್ಡಾಯವಾಗಿ ಮಾಹಿತಿ ನೀಡಬೇಕು. ಎಫ್ಐಆರ್‌ ದಾಖಲಿಸದೆ ದಾಳಿ ನಡೆಸುವುದು ಸರಿಯಲ್ಲ. ಆ ರೀತಿ ಮಾಡುವುದು ಮೂರ್ಖತನ' ಎಂದು ಹೈಕೋರ್ಟ್‌ ಆದೇಶಿಸಿದೆ.

English summary
Lokayukta police should not raid without FIR -Higher ups permission -High Court. In a judgement that has far reaching consequences which can embarrass the Lokayukta officials and provide relief to several government employees who are caught red-handed, the state High Court, in a path-breaking decision, ruled that the Lokayukta cannot conduct raids on the accused without registering FIR against them.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X