ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಯುವತಿ ಬಾಯಿಗೆ ರಾಡ್ ನುಗ್ಗಿಸಿ ಅತ್ಯಾಚಾರಕ್ಕೆ ಯತ್ನ

By Srinath
|
Google Oneindia Kannada News

iron-rod-inserted-into-woman-mouth-molest-attempt
ನವದೆಹಲಿ, ಫೆ.6: ದೇಶದ ರಾಜಧಾನಿಯಲ್ಲಿ ದುಷ್ಕರ್ಮಿಯೊಬ್ಬ 24 ವರ್ಷದ ಯುವತಿಯನ್ನು ಅತ್ಯಾಚಾರಗೈಯಲು ಯತ್ನಿಸಿದ್ದಾನೆ. ಆ ವೇಳೆ ಪೈಶಾಚಿಕತೆ ಮೆರೆದಿರುವ ಆರೋಪಿ ಆಕೆಯ ಬಾಯಿಗೆ ಕಬ್ಬಿಣದ ಸಲಾಕೆಯೊಂದನ್ನು ನುಗ್ಗಿಸಿ ಗಂಭೀರವಾಗಿ ಗಾಯಗೊಳಿಸಿದ್ದಾನೆ.

ಇತ್ತೀಚೆಗೆ ಅರೆ ವೈದ್ಯಕೀಯ ವಿದ್ಯಾರ್ಥಿನಿ ಮೇಲೆ ಅತ್ಯಾಚಾರ ನಡೆಸಿ, ಆಕೆಯನ್ನು ಇದೇ ರೀತಿ ಕಬ್ಬಿಣದ ರಾಡಿನಿಂದ ಮಾರಕವಾಗಿ ಗಾಯಗೊಳಿಸಿದ ಘಟನೆಯಿಂದ ಎಚ್ಚೆತ್ತ ದೆಹಲಿ ಮುಖ್ಯಮಂತ್ರಿ ಶೀಲಾ ದೀಕ್ಷಿತ್ ಅವರು ಆ ಬರ್ಬರ ಘಟನೆ ತಮ್ಮ ಕಣ್ಣುತೆರೆಸಿದೆ. ಅತ್ಯಾಚಾರಕ್ಕೆ ಕಡಿವಾಣ ಹಾಕಲಾಗುವುದು ಎಂದಿದ್ದರು. ಆದರೂ ರಾಜಧಾನಿಯಲ್ಲಿ ಅತ್ಯಾಚಾರ ಪ್ರಕರಣಗಳು ಅವ್ಯಾಹತವಾಗಿ ನಡೆದಿದೆ.

ಅವನು ಕೇಬಲ್ ಆಪರೇಟರ್ : 26 ವರ್ಷ ವಯಸ್ಸಿನ ಕೇಬಲ್ ಆಪರೇಟರ್ ಅನಿಲ್ ಕುಮಾರ್. ದೆಹಲಿಯ ದಕ್ಷಿಣ ಭಾಗದಲ್ಲಿರುವ ಲಜ್‌ಪತ್‌ ನಗರದಲ್ಲಿ ಸೋಮವಾರ ರಾತ್ರಿ ಸದರಿ ಯುವತಿ ಮನೆಯಲ್ಲಿ ಒಬ್ಬಂಟಿಯಾಗಿದ್ದಾಗ, ಆಕೆಯ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದನೆಂದು ಪೊಲೀಸರು ಮಂಗಳವಾರ ತಿಳಿಸಿದ್ದಾರೆ.

ಮಾಸಿಕ ಕೇಬಲ್‌ ಟಿವಿ ಚಂದಾ ಹಣವನ್ನು ಪಡೆಯಲು ಮಂಗಳವಾರ ರಾತ್ರಿ ಅನಿಲ್ ಕುಮಾರ್ ಮಹಿಳೆಯ ಮನೆಗೆ ತೆರಳಿದ್ದ. ಅಕೆ ಒಂಟಿಯಾಗಿರುವುದನ್ನು ಗಮನಿಸಿದ ಆತ ಆಕೆಯ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ್ದಾನೆ.

ಆಕೆ ಸಹಾಯಕ್ಕಾಗಿ ಕಿರುಚಿದಾಗ, ಆತ ಕಬ್ಬಿಣದ ರಾಡನ್ನು ಆಕೆಯ ಬಾಯಿಗೆ ನುಗ್ಗಿಸಿದ್ದಾನೆ. ಮಹಿಳೆಯ ಆಕ್ರಂದನವನ್ನು ಕೇಳಿ ನೆರೆಹೊರೆಯವರು ಧಾವಿಸಿದಾಗ ಕುಮಾರ್ ಸ್ಥಳದಿಂದ ಪರಾರಿಯಾಗಿದ್ದಾನೆ. ಆನಂತರ ಆತನನ್ನು ಬಂಧಿಸಲಾಯಿತು. ಯುವತಿಯನ್ನು ಏಮ್ಸ್ (AIIMS) ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆಕೆಯ ಪರಿಸ್ಥಿತಿ ಗಂಭೀರವಾಗಿರುವುದಾಗಿ ತಿಳಿದುಬಂದಿದೆ.

English summary
New Delhi: Iron rod inserted into woman's mouth in molestaion attempt. A 24-year-old woman was critically injured in New Delhi after a man inserted an iron rod into her mouth during a molestaionattempt. Anil Kumar, 26, a cable operator tried to rape the woman finding her alone at her house in south Delhi's Lajpat Nagar around 8.30pm on Monday, police said on Tuesday.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X