ರೇಪ್- ಅರಬ್ ರಾಷ್ಟ್ರಗಳಂತೆ ಶಿಕ್ಷೆ ವಿಧಿಸಿ: ಕಾಂಗ್ರೆಸ್
ಅದರಲ್ಲೂ ನ್ಯಾ. ಜೆಎಸ್ ವರ್ಮಾ ಅವರು ಅತ್ಯಾಚಾರಿಗೆ ಮರಣದಂಡನೆ ಮತ್ತು ಪುರುಷತ್ವಹರಣ ಬೇಡವೆಂದ ಬಳಿಕ ಹಾಗೂ ಫಿಸಿಯೋಥೆರಪಿಸ್ಟ್ ಮೇಲೆ ಅಕ್ಷರಶಃ ರಾಕ್ಷಸನಂತೆ ವಿಜೃಂಭಿಸಿದ್ದವನಿಗೆ 'ಬಾಲ-ಅತ್ಯಾಚಾರಿ' ಪಟ್ಟ ಕಟ್ಟಿದ ಮೇಲೆ ಈ ಆಕ್ರೋಶಗಳು ಮತ್ತಷ್ಟು ತೀವ್ರವಾಗುತ್ತಿವೆ.
ಕಾಂಗ್ರೆಸ್ ನಾಯಕಿ ಅಲಕಾ ಲಂಬಾ ಅವರು ಮೂಳೆ ಪರೀಕ್ಷೆ ಮಾಡಿಸಿಯಾದರೂ ಅವನಿಗೆ ಹೆಚ್ಚು ಶಿಕ್ಷೆ ಆಗುವಂತೆ ಮಾಡಿ. ಇಲ್ಲಾಂದ್ರೆ ಘೋರ ಅನ್ಯಾಯವಾಗಿಬಿಡುತ್ತದೆ' ಎಂದು ಆಗ್ರಹಿಸಿದ್ದಾರೆ.
'ಕೆಲವು ಸಲ ಪೋಷಕರು ಮಗುವಿಗೆ ಒಂದು ವರ್ಷದ ಶಿಕ್ಷಣ ತಪ್ಪುತ್ತದೆ ಎಂದು ಶಾಲೆಗೆ ದಾಖಲಿಸುವಾಗ ಒಂದು ವರ್ಷ ಹೆಚ್ಚು ಬರೆಸಿ, ದಾಖಲು ಮಾಡಿಸಿರುತ್ತಾರೆ. ಇವನದೂ ಅಂತಹುದೇ ಕೇಸ್ ಇರಬಹುದು. ಯಾವುದಕ್ಕೇ ಆಗಲಿ ಒಂದು ಸಲ ಬೋನ್ ಟೆಸ್ಟ್ ಮಾಡಿಸಿ, ಅವನ ವಯಸ್ಸನ್ನು ಖಚಿತಪಡಿಸಿಕೊಳ್ಳಿ' ಎಂದು ಅಖಿಲ ಭಾರತ ಕಾಂಗ್ರೆಸ್ ಸಮಿತಿ ಕಾರ್ಯದರ್ಶಿ ಅಲಕಾ ಲಂಬಾ ಅವರು ಕೋರಿದ್ದಾರೆ.
ಇದೇ ವೇಳೆ, ನ್ಯಾ. ಜೆಎಸ್ ವರ್ಮಾ ಸಮಿತಿ ವರದಿ ಬಗ್ಗೆ ಅವರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದರು. 'ಅರಬ್ ರಾಷ್ಟ್ರಗಳಲ್ಲಿರುವಂತೆ ಕಠಿಣಾತಿಕಠಿಣ ಶಿಕ್ಷೆ ವಿಧಿಸಬೇಕು. ಇಲ್ಲವಾದಲ್ಲಿ ಇತರೆ ರಾಷ್ಟ್ರಗಳಲ್ಲಿ ವೇಶ್ಯಾವಾಟಿಕೆಯನ್ನು ಕಾನೂನುಬದ್ಧಗೊಳಿಸಿರುವಂತೆ ನಮ್ಮ ದೇಶದಲ್ಲೂ ಮಾಡಿಬಿಡಿ' ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.